阿信的故事

Hello !

尋晚同Blog友 t 講開 "阿信屋" , 

話果度有 "摩周湖の水" 賣 , 於是今晚收工去走番一趟 ,

去到凍櫃搵搵 , 唔見喎 ? 可能唔係間間分店都有啦 , 

不過入寶山又豈能空手回呢 ? 於是乎求其執番兩件 , 

就係 "芥辣豆" 同埋右手邊果包唔知乜 .  ^_^ !!

另外仲送多一張10蚊戲票折扣券 , 用黎睇電影 "阿信的故事" ,

可謂夠晒傳神 , 一齊唱番Part歌啦 , 準備 :

命運是對手 , 永不低頭 , 從來沒抱怨半句 , 不去問理由 , 

 仍踏著前路走青春走到白頭 , 成功只有靠一雙手 , 奮鬥 ...

講開日本零食 , 還記得以前要經過好多渠道先至買得到 .  

所謂 : 一個酸梅兩個核 , 今時就唔同往日 . ^^

依家要買既話 , 真係話都冇咁易 , 一落樓下就攪掂 . 

不過話時話 , "阿信屋" 開業時以日本零食為主 , 時至今日 , 

已經有好多其他國家既食物銷售 , 包括 : 韓國及台灣等 ...

而我主要都係幫襯佢買日本零食 , 亦因為咁 , 

即使去到 "北海道" , 都買小好多食品 , 

反正價錢又唔相差得幾遠 , 無謂拎餐飽嘛 . 

好 ~ 講住咁多先 , 繼續睇 "法外風雲" 結局篇 .

Bye Bye !