Hello !
今日係年初四 , 整番篇網誌黎同大家拜年 .
首先祝大家馬年大吉 , 事事如意 !!
每年既農曆新年都大把節目 , 到今日先至稍為喘定 ,
不過節目年年都一樣 , 正式係倒模過年 . ^^
首先係年初一 , 過另一頭家拜年 , 之後打牌打到食晚飯 ,
食完過番自己屋企睇花車巡遊 , 咁就一日 .
年初二就去食自助餐 , 食完磨到食晚飯 , 之後番屋企睇煙花 .
初三跑馬 , 跑到夜晚食飯 , 之後番屋企 , 又攪掂一日 .
(星期六 & 日仲有 "英超" 賽事 , 谷盡睇埋先訓覺)
直至到今日年初四 , 先至有番D私人時間 , 既然有時間 ,
不如就度下個 "北海道" 行程 , 之前唔知有冇講過 ,
今次度行程 , 比以往既難度高好多 , 之前既絕大部份都係沿海 ,
只要沿住海邊搵景點就OK , 不過今次屬於內陸行程 ,
暫時搵到既料只係好初步 , 幸好還有 3.5個月時間可以慢慢黎 .
家陣手頭上搵到幾個必遊景點 , 拎黎大家參詳一下 , 俾D意見丫 .
首先係 "旭山動物園" , 呢度睇人地既網誌就睇得多 , 今次一於解決佢 .
跟手係美瑛 "青い池" & 層雲峽 "黑岳" , 呢兩度Blog友 t 介紹過 , 好正架 .
之後係 BEAR Mt. 果度 Blog友 1733兄 介紹過 , 一流 !
最後係 "富良野" & "美瑛" 果D大路景點 , 求其搵本天書都有介紹果D .
暫時係咁上下啦 , 有咩野新消息再介紹過 .
最後再一次祝大家今年搵多D , 去多幾轉旅行 , 玩得開開心心 .
Yeah !!
Bye Bye !
祝馬上發財!咁五月芝桜呢?五月北海道比較有質素活動。
回覆刪除1 滝上公園
2 東藻琴芝桜公園
東藻琴芝桜公園 ? 網走果頭喎 .
刪除其實我都仲考慮緊去唔去到咁深入 , 畢竟賞櫻都唔係我主打節目 .
一切都在考慮中 ...
咁「滝上公園」比較方便。
刪除層雲峡から2時間
旭川から2:30時間
睇完上述兩個地方既 Youtube 短片 ,
刪除都係差唔多類型既 "芝櫻" , 桃紅色一片花海 , 正呀 .
不過如你所講 , 滝上公園比較方便 , 東藻琴就要去到 "網走" 咁深入 .
好 ~ 一於黎個詳細考慮啦 . ^^
如果時間許可,求其二選一就OK,去哂都無新鮮感。
刪除當然要夾開花時間⋯⋯
若然真係二揀一 , 相信開 "滝上公園" 咁瓣機會較大 ,
刪除至於櫻花時間 , 都唔理得咁多咯 , 5月中應該冇衰掛 ?
無記錯嘅話,最理想應該五月尾,六月頭安全D。
刪除你睇13年,5月中未有:
http://town.takinoue.hokkaido.jp/kanko/hanadayori/shibazakura/2013/0514.html
呢篇唔錯:http://jaylan.anyday.com.tw/archives/612
刪除wow ~ 一片桃紅色 , 正喎 .
刪除2013年5月中就唔多盞咯 , 爛地一塊 .
(好似香港大球場咁款) XD
過年小姐橫財一定就手 ^^
回覆刪除旭山動物園唔知五月又有乜嘢見到企鵝又無巡遊?
層雲峽大小姐佢都好多料有黑岳,有旭丘.
富良野最憎夜晚條路無街燈
小姐好似鍾意熊日本棕熊唔知夠唔夠北美棕熊(大灰熊)大隻?
芝櫻同櫻花差唔多同期開, 小姐應該睇到其中一款
有D斬獲咁啦 , 托賴 , 托賴 . ^_^ !!
刪除旭山果度唔知點環境架 , 去到執生啦 . 一陣去大小姐度參觀下先 .
冇街燈都唔緊要啦 , 唔開夜車咪得囉 . XD
北美既熊好似Size比較大 , 不過都係在電視睇番黎 ,
淨係見過北海道棕熊咋 .
望係咁望啦 , 一場去到 , 空手而回就太冇癮 .
小姐, 我就想去野付半島睇日出 ^^
刪除野付半島在羅臼果頭 , 可以順便打雀 ,
刪除好似叫做 "老虎鵰" 係咪 ? ^^
小姐, 係冬季至飛黎嘅叫虎頭海鵰, 唔係路姆西^^
刪除不過我想九月尾去
呢D野你熟D . XD
刪除9月份去冇乜野睇喎 . =_= !!
過嚟睇睇我2009年5月去嗰次,兩個芝櫻公園我都有去
回覆刪除東藻琴芝櫻公園 (27/5)
http://3jfamily.blogspot.hk/2009/06/09-12.html
滝上町芝櫻公園 (29/5)
http://3jfamily.blogspot.hk/2009/06/09-14.html
有時間可以去埋上湧別鬱金香公園 (29/5),離滝上町唔遠
http://3jfamily.blogspot.hk/2009/06/09-15.html
不過5月中睇芝櫻係比較早咗D,鬱金香就會唔錯 (5月尾已經過咗見頃時間)
旭山動物園我都有去
刪除http://3jfamily.blogspot.hk/2009/06/09-9.html
Hello ~ 新年快樂 , 東藻琴果個應該唔會去咯 , 唔想去到網走咁深入 ,
刪除滝上果度機會比較大 , 至於上湧別 , 睇下響邊度先 ,
即刻上去睇睇 , 唔該晒 . ^_^ !!
旭山都有 ? 咁就要上去睇喇 , Yeah !!
刪除祝! 北海道之旅頭頭是道...路路暢通...企鵝巡遊值得睇架...不過唔知5月有冇..:))
回覆刪除多謝 ~ 大家咁話啦 , 你既7月之旅都順順利利 , 開開心心 . ^^
刪除旭山果度有冇企鵝都會去參觀 , 因為未去過果度都唔好話俾人知去過北海道 .
(我個人認為唶) XD
hello~ man wai, 我終於都搵得返你個blog喇~~ >< 我個yahoo blog係updated左之下就乜都做唔到, 加上私人事務繁忙, 所以我已經放棄寫blog了, 專注睇blog算喇~
回覆刪除唔知你仲記唔記得我呢位blog友呢?? 我就係舊年3-4月去左北海道12日, 仲專登去左瞓一晚"船長之家"個位呀~同埋我個blog個幅圖係隻監獄兔黎架!!
我咪又係 "輕鬆搬家" 之後被封存左 . >_< !!
刪除Sorry ! 真係唔記得 , 以我記得用兔黎做Blog圖既 ,
只記得有位叫做666既Blog友 .
唔緊要啦 , 當重新再認識過啦 . ^_^ !!
我5月中左右會出門 , 地點係 "北海道" , 如果有時間既話 ,
歡迎黎參觀我既遊記 . (賣定廣告先) haha ...
唔緊要喇~我地當重新認識過喇~
刪除我2月尾都會去大阪呀, 今次仲會去和歌山及首次感受自駕體驗, 希望一齊順利喇~
OK ~ 請多多指教 . ^^
刪除2月尾出門 ? 正丫 ~ 唔知 "大阪" 會否落雪 ?
首次自駕遊喎 , 相信一定會好刺激 , (唔知平時有否駕駛經驗 ?)
記得我第一次自駕遊時 , 就係考牌數年後既第一次 ,
果陣緊張到CD都唔敢拎出黎聽 , 依家當然係濕濕碎啦 . (自己讚自己) XD
祝你事事順利 , 玩得開開心心 , 買多D手信 . Yeah !!
我終於都開左個blogger喇~, 不過仲未知點用, 等我遲D研究下先~
刪除哦 ~ Joey Leung 呀嘛 , 早D出聲丫 , 梗係記得你啦 .
刪除近排都搵番唔小失落左既 Blog友 , Yeah !!
慢慢黎啦 , 我都要攪左好耐先至上手 . ^^
多謝你無忘記到我呀~ 尋日終於都開返個gmail, 諗住遲下有時間都會寫返blog..
刪除有時間咪寫囉 , 咁舊網誌擺唔擺得番上黎呀 ?
刪除不過你2月尾出門 , 一定大把野忙 , 果D可以遲一步先攪 . ^_^ !!
我諗用人手都擺得返既, 因為當時backup左, 不過真係"希望工程"囉~
刪除2月尾出門D野都攪得7788, 我係因為近年轉戰讀返書, 所以先咁忙~~
如果唔係,我都可以由我2月呢個trip開始寫返既~
我今次其實係係大阪落機, 最主要都唔係大阪玩, 6日5夜行程如下:
大阪>嗚門漩渦(1日)>和歌山(2日1夜)>京都(1日)>大阪
即係三角形咁玩@@
如果自己逐篇Post , 的確係希望工程黎架 , 我都攪成幾個月先至掂 .
刪除咦 ~ 讀返書 , 果然好學不倦 , 佩服 !!
你講既地方我都未去過 , 假以時日 , 就快可以跳出 "北海道" . ^^
Man Wai你好,
回覆刪除首先祝你新年快樂, 馬上得意! : )
SeeWide特搜網是一個全新互動生活分享平台,集齊各地遊山玩水好去處及講玩講食,讓大家分享不同生活體驗
你的網誌十分切合我們網站的主題,內容及相片也很有質素,請問可否讓我們轉載網誌內的相片及內容?(會注明出處及不作改動)
我們的目的,是盡力網羅優質的相片及內容,建立一個講玩講生活的平台,並分享給一眾志同道合的網友
希望你能成為我們平台的一份子,助我們更有效地集結不同好玩好食之處!
另外,我們設有「稿費」制度,文章獲得本地瀏覽量,即可兌換稿費!
迎新推廣,每100本地瀏覽量,可獲高達HK$1稿費;我們亦可以你的名義,將稿費捐到香港宣明會,或你指定的慈善機構
詳情可參閱:http://www.seewide.com/space.php?do=help&essay_id=22#001
如有任何查詢, 歡迎電郵至: info@seewide.com
SeeWide特搜網編輯 : 首先多謝閣下咁睇得起呢個網誌 , 如果呢度既內容適合的話 ,
刪除歡迎轉載到貴網頁裡 , 至於稿費一事 , 大可不必了 , 皆因我的網誌內容 ,
全以自己為出發點 , 若然收取稿費 , 內容可能會為了迎合市場而偏頗 ,
局限了發揮與及扭曲自己寫網誌的原意和情緒 , 請見諒 .
最後 ~ 再次感謝閣下的招攬 , 謝謝 !