Hello !
自從由Yahoo搬過黎呢度後 , 好似好耐冇寫過呢類小道消息 ,
襯今晚得閒 , 一於整番篇戥腳都好 . ^^
今日頭條 : 未吃美食先影相 , 或侵大廚知識產權 ...
依家社交網絡盛行 , 經常見人未開餐先影低 ,
再放上 Facebook 同人分享 , 不過原來咁樣做 , 會引起大廚不滿 ,
認為冷落了食物之餘 , 甚至侵犯左大廚既知識產權喎 .
~~~~~~~~~~~~~~~~~~~~~~~~~~~~~~~~~~~~~~~~~~~~~~~
報導話法國南部一間米芝蓮三星餐廳 "古戎" 認為 ,
食客為食物影相不但失儀 , 更重要係將相上載社交網站 ,
令其他人對佢既精心傑作失去驚喜 , 侵犯左佢既知識產權 ,
其他名廚亦認同佢既說法 , 所以在餐牌上面寫明 :
"不准拍照 , 否則後果自負" (後面果句我加既 haha ... )
佢地又話 , 以前D人影相都係影D一家大細用膳景象 ,
家陣D人係又影唔係又影 , 影完再上載 , 仲要等到有 like 先捨得食 .
D野都攤到凍晒 , 好唔尊重廚師一番心血 , 所以先至咁扯火 .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
如果係名廚 , 有呢種諗法 , 都可以理解既 ,
因為佢地已經將料理創作 , 成為一門藝術 , 見到自己既心血
俾人咁樣糟蹋 , 唔慶就有鬼 , D人又係衰既 ,
影相既野 , 求其咪算囉 , 駛唔駛好似影 "沙龍" 咁呀 ,
就好似我頭先食個鐵板餐 , 一張起二張止 ,
影完再食都仲係熱辣辣 , 咁咪免傷和氣囉 . ^_^ !!
開餐喇喂 , 正呀 ~
Bye Bye !
個鐵板餐好似好正喎, 邊度黎架?
回覆刪除哦 ~ 大家樂鐵板餐唶 , 經過改良之後 ,
刪除配埋意粉 , OK呀 . ^^
咁影一啲都唔似大家樂。
刪除宜家幾銀? 記得九零年賣 25 蚊
刪除大小姐你好耐無去大家樂。
刪除t先生,呢個餐好似over $50
大家樂通常都係外賣,唔夠d 人"拾o下拾o下"霸住晒d枱。
刪除Nerissa : 托盤張紙已經出賣左 , 係大家樂呀 . Yeah !!
刪除中午時候好難搵位 , 通常我都係A.M.11:40到達 , 遲左就好爆 .
t : 呢個餐賣 $49.00 , 越賣越貴 . >_< !!
刪除コーさん : 唔通你都係常客 ? ^^
刪除我通常去買早餐當Brunch食。
刪除另外,有無興趣參考呢個:http://starrailway.pixnet.net/blog/post/40435009
酒雄日本自駕遊,係台灣都好出名吓。
呢個自駕遊 , 都值得參考 , 不過只限Day2 & 3 ,
刪除其他 札幌 & 小樽都曾經遊覽 . thx
佢全篇行程,我有興趣係:http://starrailway.pixnet.net/blog/post/31616109
刪除3480/90分鐘 , 抵到爛啦 , 果然好介紹 ,
刪除不過唔知佢地做唔做一個人呢 ? 上次上 "蝦蟹合戰" 想幫襯放題 ,
豈料佢企硬唔再做一個人 , 失望 .........
你最好事先email,打電話問問。
刪除好丫 ~ 有機會一於試試 . ^^
刪除係囉,好鬼吸引,介紹吓好喎,分甘同味道^^
回覆刪除之前大家樂既鐵板餐 , 得一塊扒再加麵包湯或大檸樂 ,
刪除感覺好寡 , 依家加埋意粉及餐包 , 仲有大肉腸 , 掂呀 .
睇唔出大家樂有呢D好貨色, 比椰林閣好
刪除呢種配搭都係近日推出 , 報紙都有廣告 ,
刪除有牛扒 , 雞扒 , 豬扒 , 有時間可以一試 . ^^
椰林閣我就未試過 , 之前 "西九龍中心" 有間分店 , 不過摺埋左咯 . >_< !!
小姐都好擦得 ^^
回覆刪除特登唔食下午茶 , 留肚擦餐勁 . haha ...
刪除乜真係有人等到有like先捨得食?唔起化?
回覆刪除呢個世界乜野人都有 . XD
刪除如果朋友多 , 要等到有 like 都唔太難既 .
個餐係就係多咗花款,但係塊扒就薄咗好多呢…!! 我都知世間的事就係咁! 得一又焉能想二呢!!
回覆刪除歌都有得唱啦 , 正所謂 : 一分錢一分貨 , 淘大豉油靚得多 . haha ...
刪除