Hello !
今日係年初六 , 計埋今日只係剩番兩日假期 ,
皆因做野果度初八就啟市 , 認真無癮 , 本來公司預算在初十一 ,
即係下個星期一啟市 , 不過果日話唔好日喎 ,
結果改為星期五 , 白白咁小左兩日 , 真係迷信 , 激氣 !!
~~~~~~~~~~~~~~~~~~~~~~~~~~~~~~~~~~~~~~~~~~~~~
算啦 , 一切既成定局 , 唯有好好咁享受埋呢兩日假期 ,
其實所謂既享受 , 只不過係在家裡煲劇同埋搵旅遊景點 .
首先講煲劇 , 繼早前煲完日劇 Doctor X I & II 之後 ,
再煲埋呢套 : 35歲の高校生
講開呢一套劇 , 話說當日在 "奧尻島" 時 , 都曾經睇過佢一集 ,
http://1226manwai.blogspot.hk/2013/08/2013_6639.html
不過全日文冇字幕 , (只能靠估) 當然唔知佢講乜啦 ?
尋日終於睇埋個結局 , 套劇既內容即係學生版既 GTO ,
又係每集解決一個迷途學生既問題 , 詳細劇情就唔講喇 .
最想講既係佢(米倉涼子) , 最尾果幾集要黎避世既漁港 ,
果度好正架 , 一見到果D食堂 , 就想叫番個 "雜錦海鮮丼" . ^^
於是上網搜尋 , 睇下係乜野地方 ?
原來係神奈川県三浦市三崎町城ケ島 , 一間叫做 "相模亭" 既食堂 .
位於 "橫濱市" 下面既 "橫須賀市" 最落既一個小島上 .
如果自駕遊既話 , 我有把握可以搵到果度黎幫襯 .
~~~~~~~~~~~~~~~~~~~~~~~~~~~~~~~~~~~~~~~~~~~~~~
其實呢種諗法都唔係第一次 , 記得好耐之前睇過日本電影 "惡人" ,
當時又係即時想去果個 "大瀬崎灯台" 參觀 .
之後睇完 "竹野內豐 & 上戶彩" 果套 流れ星 , 又想去 新江ノ島水族館 .
結果呢兩度都未曾一遊 , 相信今次都係得個諗字居多 .
如果每睇一套劇或一套電影就想去拍攝場景度參觀 , 咁咪好唔掂 ?
唯有將佢記錄在案 , 等待適當時機先解決佢啦 . XD
Bye Bye !
三浦市三崎町城ケ島,新江ノ島水族館,睇來你要stop over東京一兩天,攪掂埋佢地。
回覆刪除我五月會去水族館,三擇一,未決定。
1 新江ノ島水族館
2 八景島Sea Paradise
3 Epson 品川アクアスタジアム
我果D多數都係大隻講 , 不過若然成事 ,
刪除都只會淨係遊覽 "東京" , 唔會北上或南下 . ^^
都唔記得你5月出門添 , 1 & 2 個朵行D ,
3 Epson 品川比較陌生 , 上網搵下料先 .
以上3個水族館 , 已經有晒排名 ,
刪除第六位係八景島 , 第十二位係新江ノ島 , 第十九位係品川 .
識得做野啦 . ^^
(個排名網頁好似係你提供)
好大機會去八景島,因為香港EGL有特價票賣。^_^
刪除EGL 東瀛遊 ? 價位差得遠唔遠呀 ?
刪除如果 walk in 去門口買飛 , 大人幾多日圓呀 ?
都幾遠。
刪除成人4900->3000 YEN
小童2000->1200 YEN
暫時只做到31/3,唔知之後有無。
咁筍 ? 有冇附帶條件架 ? 如果冇既話 , 諗得過喎 . ^^
刪除無掛。佢地負責包銷,係香港收哂錢,再月結比日本方面,有錢賺。
刪除如果去八景島,就一定問EGL買票。
就係似 "成田機場" 巴士券咁樣 , 香港買著數小小 . ^^
刪除另外如果睇水族館,可去:
回覆刪除http://kame-aquarium.blogspot.hk
果位仁兄對各大水族館都好了解喎 , 超Pro !
刪除佢blog頂寫,應該想去哂全國水族館。^_^
刪除“目指せ子供達と日本全国水族館制覇!”
呢個理想果然夠晒宏大 , 不過淨係入場費都幾甘 . Yeah !!
刪除星期五返一天又放番兩天 @@
回覆刪除我星期六都照常返全日 , 即係返兩日先至休禮拜日 . >_< !!
刪除如果你㷛埋韓劇 來至星星的你 可能想去埋首爾都吾定丫哈哈
回覆刪除再睇埋美劇 , 咪要去埋美國 ? XD
刪除始終都係日本熟行D .