2014/03/02

行程初盤




Hello ! 


唔覺唔覺 , 今日已經3月2日 , 距離球季結束仲有兩個多月 .

而早排 Blog友 Ng 問我個行程攪成點 ? 希望透露番些小喎 .

其實我都仲未好積極咁搵料 , 唔記得之前有冇講過 , 

今次度行程比以往更加困難 , 以前絕大部份都係沿海邊行 , 

只要搵齊沿線景點就Ok , 今次全部都係內陸 , 所以有一定難度 .

經過多日黎既努力 , 終於度出一條叫做滿意既行程 .

詳細景點仲搵緊 , 今次講解完點樣行先 .  ^^

(如果搵到更好既路線 , 隨時黎個大執都唔出奇)
~~~~~~~~~~~~~~~~~~~~~~~~~~~~~~~~~~~~~~~~~~~~~

第一日 : 幫襯得 ANA 轉機上 "新千歲機場" , 第一日都唔慌有行程 .

到達 "札幌" 時都夜晚 , 求其食個拉麵就 Check in 算數 .

第二日 : 取車後直接駛往 "襟裳岬" , 始終沿海路線先至係我杯茶 , 

點都要行番一段至舒服 , 晚上就在 "襟裳岬" 附近旅館攪掂 .

第三日 : 今日又係沿海行 , 目的地係 "釧路市" .

第四日 : 途經 "屈斜路湖" 上去 "東藻琴芝櫻公園" , 晚上在 "網走" 落腳 .

第五日 : 直上 "紋別" 瀧上町公園 , 晚上在 "層雲峽" 落腳 .

第六日 : 途經 "然別湖" 落去 "帶廣市" , 晚上諗住在 Tamamu 落腳 , 

不過D房好貴 , 可能住周邊酒店 , 到時先睇下點 .

第七日 : 直上 "富良野" 等地 , 見到乜就參觀乜 , 晚上就住 "富良野" .

第八日 : 上 "美瑛" 參觀 , 晚上在 "旭川" 落腳 .

第九日 : 睇下附近有乜野參觀 , 晚上住 "夕張" 果頭 .

第十日 : 直接在 "新千歲機場" 還車 , 再轉機回港 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

10日既路線行程就係咁 , 如果搵唔到更好既就用佢 .

至於車款方便 , 更加比行程 R 爆頭 , 一時鍾意呢樣 , 一時果樣 .

不斷在腦交戰 , 不過距離真係揀車仲有好多時間 , 

話時話 ~ 尋晚經過某停車場 , 見到一部 "日產" NOTE , 

都幾型仔喎 , 雖然我鍾情於 Toyota , 不過幫襯左咁多次 , 

都想轉一轉會 , 唔 ... 睇下點啦 !!


Bye Bye !

54 則留言:

  1. 補充一句,日産NOTE係日本車長青款式之一,出咗十年都無改過。
    Toyota Sienta都係,十一年都無改。

    第一次北海道自駕就係揸佢。

    回覆刪除
    回覆
    1. 十年都冇改 ? 咁堅 ~ 單睇個車款仲以為新款添 ,
      10年都仲咁型仔 , 果然唔簡單 . ^^
      咁有乜野優點或缺點可以提供一下 ?
      不過老老實實 , 到真係出發時 , 又未必真係租佢 ,
      因為實在太多好車款選擇 , 攪到我有選擇困難症 . haha ...

      刪除
    2. 哈哈,錯了,原來NOTE上年改咗喇。XD
      上一代由2004玩到2013,好勁。

      刪除
    3. NOTE尾箱大,好方便,旅行一流,可以坐四個人+行李。(以上好以同你無太大關係)

      http://car.okitour.net/special/ranking/?cartop=right
      上次看沖縄租車人氣ranking,頭位:Honda Fit, 跟住Toyota Aqua, Nissan Cube⋯⋯

      Honda Fit因為平,慳油,Aqua你知,Cube係小車中最大容量(同bB差不多)。

      刪除
    4. 哦 ~ 04-13 ... 不過玩到咁耐 , 都算唔簡單 . ^^

      刪除
    5. Fit 都幾型仔 , AQUA 就更加啦 , Cube 車款確實係同 bB 差唔多 ,
      上次出門都有諗過租佢 (cube) 最終決定 AQUA .
      今次究竟租乜 ? 有排諗 ...

      刪除
    6. 初時五月我打算租新車,日産Dayz,K-car, 2013出品。

      嵐賣廣告。http://goo.gl/kFDqaE

      刪除
    7. Dayz 都幾型仔喎 , 我鍾意 . ^^

      刪除
    8. Fit, Note, Cube我哋都租過,Note就揸得最多,有5、6次,都幾好
      コーさん,Dayz係咪細車,唔見Tocoo有,邊度有得租,不過太細驚唔夠力

      刪除
    9. Note 都有小小 Aqua 既 Feel , 我諗應該都唔錯 . ^^
      係喎 コーさん : Dayz 係細車 , 相信你都唔會單刀出門 ,
      夠唔夠用架 ? 租部大車舒服D喎 . ^_^ !!

      刪除
    10. Dayz係k-car,最細P0 class。留意佢因為係全新車,13年6月先開賣,行收費公路會平D。
      我都考慮緊,呢類車係沖縄平路慢速就非常OK,如果上富士山就差D。

      我用哂所有discount(15﹪)暫時租咗toyota P2。カード割引(5%) クラス指定割引(5%) eメンバー割引(5%)

      刪除
    11. コーさん : 5月出門咁快租定車 ? 我乜野都未攪喎 ?
      係你早得滯還是我晏得滯 ?
      (通常我在出發前個半月先開始攪野 . )

      刪除
    12. 5月晨早搞哂喎。

      依家搞緊八月北海道,想BOOK果D酒店好貴,比平時差不多倍半,兩倍。

      刪除
    13. Wow ~ 依家攪8月 ?
      果然效率奇高兼驛馬星動 , 勁呀 !!
      我都覺得D酒店好似貴左 , 唔通佢知道匯價跌左 . ^^

      刪除
    14. 我早幾日都租咗toyota P2,得10% discount
      我老公經常响高速飛車,太細CC唔掂

      刪除
    15. 3J家庭 : コーさん租車咁多折扣 , 唔通係熟客 ?
      我未試過幾個人&行李在一部車 , 感覺唔到細CC既分別 ,
      不過高速公路飛車 , 真係好爽架 , Yeah !!

      刪除
    16. 我上面都寫咗:カード割引(5%) クラス指定割引(5%) eメンバー割引(5%)
      做哂三樣咪有15﹪囉。

      @3J,我估你未做eメンバー? 求期登記email收佢地廣告,可以有多5﹪。

      刪除
    17. eメンバー 就係咁簡單 , 咁又制得過喎 . ^^
      另外 カード割引 需要邊種信用咭 ? 有冇指定 ?
      Visa or Master 咭得唔得架 ?

      刪除
    18. 無記錯,香港人用到嘅係:JCB, ANA Mileage, JAL Mileage。

      刪除
    19. 以上所講既我都冇 , 淨係得D大路野 . XD

      刪除
    20. ANA, JAL membership可以網上填表,無料,兩三星期就收到咭。

      刪除
    21. コーさん,eメンバー點樣登記架?
      man wai,既然你坐ANA,點解唔攞埋張mileage card,儲得幾多得幾多,攞嚟租車慳番5%都好呀,雖然我張card都只係儲咗好少哩數,但租幾次toyota車都慳咗唔少錢

      刪除
    22. http://rent.toyota.co.jp/emember/emember_annai.aspx

      登記咗,再book過,可以多5%。

      刪除
    23. コーさん,攪掂,唔該哂

      刪除
    24. 3J 家庭 : 其實我都唔係咁知儲里數係乜 ?
      自己一年先出門一次 , 又係一個人 , 都唔慌儲得多 .

      刪除
    25. コーさん : 呢間 Toyota 租車網 , 有冇 ETC 咭借架 ?

      刪除
    26. 呢間係官網,全國通用,劃一價錢。如果你租北海道,去札幌Toyota會平D。

      借ETC好麻煩,局部地方有,札幌、埼玉、名古屋、福岡先有。
      http://www.rentacar-jp.com/uploaded_files/20101007_161104ETCCardrentalservice.pdf

      刪除
    27. man wai你可以申請張可以轉積分去ANA嘅信用咭,平時食飯撘車都儲到。

      我三張北海道都係咁儲返來(Asiamiles)。

      刪除
    28. コーさん : 睇完個 pdf , 借 ETC咭都幾麻煩喎 , 都係算喇 . XD

      刪除
    29. ANA信用咭 ? 唔係咁好既 , 多個香爐多隻鬼 , 都係唔好咯 ... >_< !!

      刪除
    30. コーさん, 又係問題時候, 以我記得ANA信用咭(大新銀行嗰張)淨係儲ANA miles, 如果儲Asia miles 就最好用 AE CX card 或者 Citibank Premiermiles 依兩張.

      刪除
    31. 因為上面講緊ANA租TOYOTA有拆,所以叫man wai開張,順便開信用咭儲分。

      ANA信用咭只儲ANA miles,啱哂man wai,佢好似淨坐ANA。

      如果AM,聽說最好係DBS Black Card,可以$6/miles。另外富邦都OK,正常$8/miles,但係台灣簽咭有20x,即$0.6/miles,好勁。

      你去http://lovelovelings.blogspot.hk/睇,好詳細。

      刪除
    32. 各位,tocoo開始有ETC借。

      http://www2.tocoo.jp/en/contents/etc/index

      刪除
    33. 我無攞ANA信用咭,因為我一向都只儲AM,主要用Citibank Premiermiles,AE CX無咁好用,有D地方唔收AE,反而DBS Black Card有一張,貪佢唔駛俾年費,不過宜家無咗永久免年費了

      刪除
    34. コーさん : 睇過下佢網頁 , 手續好似好繁複咁 . >_< !!

      刪除
    35. 你講ETC,定係ANA miles?

      刪除
    36. コーさん : Sorry ! 寫得唔清楚 , 講緊 ETC , 寄來寄去 .
      Toyota 果邊即時交收 , 方便好多 .

      刪除
    37. 因為Toyota直接借出,所以OK,不過應該要原地還,即不可札幌借,新千歳還。

      Tocoo果個全國性,經tocoo租乜牌子都可租借ETC。

      依家買bmobile上網咭,租pocket wifi,好多時都係郵局交收,唔複雜。

      刪除
  2. 哇~ 又北海道...正呀~~~~

    回覆刪除
    回覆
    1. 未有咁快出門 , 有排等 ...
      我都好心急呀 . haha ...

      刪除
    2. 如果有既話 , 都可以一睇 , 花呢類野 , 好講機緣 .

      刪除
  3. 回覆
    1. 多謝 ~ 多謝 , 不過仲有排先到 . >_< !!

      刪除
  4. 我都係5月出發,今次玩關東,又係會去睇芝櫻,不過係睇富士芝櫻

    回覆刪除
    回覆
    1. 關東 ? 係咪即係 "大阪" 果邊 ?
      我5月中或尾出門 , 你地係5月頭定尾 ?

      刪除
    2. 關東係首都圈+近郊。

      刪除
    3. 哦 ......... 明白 . XD

      刪除
    4. 5月頭,最初幾日仲係Golden Week假期,今次又會係JR+租車,開頭3日坐JR玩,之後再租4日車去箱根富士山

      刪除
    5. 5月頭果幾日黃金假期 , 我寧願遲D先 , 避一避佢 . ^^
      半自駕遊我都未試過 , 我呢D懶鬼 , 最忌將行李搬黎搬去 . XD

      刪除
    6. 其實我都唔係太清楚點分關東 & 關西 ,
      "關東煮" 就聽得多 . haha ...

      刪除
    7. 我都想避咗D假期,但無法要就老公放假
      其實最初幾日都可以租埋車,但日本人一到假期就會揸車出去玩,攪到周圍都大塞車,搭JR會好D,至多係人多啫,起碼時間容易控制
      我頭3晚只有第2晚唔住東京,會放低件大行李响東京酒店 (第3晚會再住),然後攞件細嘅去玩,到時放响車站locker,玩完走時先攞番,咁都OK架

      刪除
    8. 要就假期就冇得好講啦 . >_< !!
      咁樣玩法都幾靈活 , 讚呀 !!

      刪除

歡迎光臨 , 如果時間許可 , 請留番個言丫 ~