Hello !
今日係3月23日 , 代表乜野呢 ? 代表住兩個月後既今日 ,
如果一切順利 (一定要順利呀) , 我應該會身處於 "北海道" .
皆因經過一番努力 , 終於的起心肝去報名 , 仲落實埋添 .
上兩篇咪話 "藍天假期" 酒店方面有D唔同 , 要在同一間酒店分兩晚住 .
(除非4月18日前出發 , 就可以用番以往唔同地區酒店既方式)
咁行程方面 , 又要執一執 , 上次個 "行程初盤" 改得面目全非 .
呢篇就講解一下呢個 Plan B , 究竟點樣行法 . ^^
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
今次既日數總共係11日 , 如果全部投放在 "富良野" 果邊 ,
除非去埋 "知床" , 否則好似多得滯 , 況且5月尾都唔係鮮花盛放既日子 ,
因此打算分幾日去番D老地方 , 所以今次行程應該叫做 "新曲 + 精選" .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
講多無謂 , 首先第一日冇行程 , 札幌酒店 Check in 休息 .
第二日取車後去 "定山溪" 行番趟 , 最後去 "登別" 入住 .
第三日落 "大沼" , 呢個地方經過好幾次 , 今次點都要停一停 .
第四日上番 "二世古" , 果度我好鍾意架 , 今次一於翻兜佢 .
第五日經 "小樽" 返回 "札幌" , 住埋另一晚酒店 .
第六日經 "旭川" , 晚上住 "層雲峽" .
第七日落 Tamamu , 呢度可能住兩晚 , 暫時未諗得通 .
第八晚同上 ...
第九晚唔係住 "富良野" 就係 "白金溫泉" 果頭 .
第十晚就係 "夕張" .
最後第十一日食完早餐冇耐就要駕車出機場還 , 順便搭飛機回港 .
唔講唔知 , 我係第一次在機場還車 , 之前次次都係 "札幌" 度還 .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
十一日既行程就咁上下 , 景點方面就繼續搵 .
不過老規矩 , 如果搵到更好既行程 , 可能又黎個大執 . ^^
Bye Bye !
雖然在機場攞車還車在洗費方面會貴D,但我仍喜歡這個安排,方便嘛。
回覆刪除機場攞車我在以前 "凌晨機" 試過一次 , 之後都冇機會咯 .
刪除我都好喜歡呢黎方式 , 所以今次點都要一試在機場還車 . ^^
哈,原來放棄芝桜。
回覆刪除仲未完全放棄架 , 在 "層雲峽" 果度睇下點環境 ,
刪除如果許可既話 , 都仲可以去 "紋別" 果個芝桜 .
一切隨機應變啦 .
咁你即係用package住tomamu兩晚?
回覆刪除唔係呀 , package 兩晚住 "札幌" , 即係上年早餐好豐富果間 .
刪除哦,睇到喇,一撘五,好似跑馬。
刪除冇錯 , 攪掂晒呢Part就過 "旭川" 果邊 , 玩晒就經 "新千歲" 回港 ,
刪除在 "札幌" 果晚食唔食 "牛油帶子拉麵" 呢 ? 考慮中 ...
雖然我一向prefer機場租還車,不過你買package,可能都係札幌放頭尾,再訂中間會靈活D。例如可以因應天氣,改行程,掉換中間酒店。
回覆刪除如果以前 ANA 可以跨區揀酒店 , 咁咪靈活D .
刪除今年唔得而又想機場還車既話 , 咁就要諗計 . =_= !!
不過其實住任何地區,都可以機場還車嘅。XD
刪除我以前都照泊架車係すすきの,第二朝先去outlet,再還車。
咁都OK既 , 不過要俾多些小錢 , 保險可能計多一日 (1050Yen)
刪除上次太多行李結果都係 extend 到機場還車, extra 係以鐘頭計, 計落有so, 我地三個人可以喺機場落咗行李同個女然後還車, 就唔駛拎住行李坐 shuttle 返機場.
回覆刪除仲有 Toyota 介紹去依間機場 Cosmo 入油, 佢話平 d 喎 0123-23-2324
如果人數多行李多 , 去機場還車都要架喇 .
刪除Cosmo ? 好陌生喎 , 既然佢介紹到 , 一於捧場 . ^^
コズモ石油,l會唔會有印象?
刪除都係冇喎 , 基本上呢間公司我完全未見過 .
刪除或者見過都唔記得 , 總之完全冇印象咁啦 .
最有印象就係 ENEOS . ^^
Hi Man Wai,
回覆刪除好耐無嚟啦! 一嚟見你plan緊行程, 仍然係你熱愛嘅北海道!! ^o^
你今次出發嘅日期同我好接近呀! 我5月18日出發去白濱、和歌山啊!
希望大家都玩得開心啦! 而家日日plan行程, 搞到個心好以已經飛咗去咁啊!
係呀 , 好耐冇見咯 , 大家各有各忙 , 近況可好嗎 ?
刪除北海道呢度實在太正 , 仲有好多地方未發掘到 ,
去過既又想再重溫 , 總之就有排玩啦 . haha ...
咦 ~ 你都出發呀 , 好丫 ~ 大家雙龍出海 , 玩個夠本 . ^^
祝大家都玩得開開心心 , 痛痛快快 , 事事順利 . !!
P.S. : 見番你張嘜頭相片 , 順眼好多 , Yeah ~
個嘜頭真係搞咗我好耐, 好彩有小肥幫忙教路先搞得掂咋!
刪除小肥兄都幫左唔小Blog友關於轉會一事 .
刪除Google 應該頒番個獎俾佢 . haha ...