Hello !
上回既預算景點篇講到攪掂晒 "二世古" 行程 ,
進入下一日 , 呢日打算黎個舊地重遊 . ^^
首先去番 "岩內町" 果頭 , 再轉上 "神威岬" 睇睇乜野環境 .
之後過去正式 "積丹岬" , 以我所知 ~ 上次去過既 "島武意海岸" ,
只係屬於 "積丹岬" 部份範圍 , 並非正宗既 "積丹岬" .
今次橫掂有時間 , 想去埋佢黎個全餐 ,
呢張相係網上搵番黎 , 唔知係咪咁既樣呢 ??
攪掂晒之後 , 如果午餐時間到既話 , 順便在果度附近
黎個 "海膽丼" , 相信一定好正 . ^_^ !!
~~~~~~~~~~~~~~~~~~~~~~~~~~~~~~~~~~~~~~~~~~~~~~
午餐過後都要返 "札幌" , 不過中途仲有景點 ,
就係 "前田森林公園" , 睇圖好似好正咁喎 .
如果時間許可 , 去多一個公園 , 就係 : モエレ沼公園 .
之後都要返 "札幌" , 由於今晚住套餐酒店冇晚餐 ,
所以擺低部車就出去食晚餐 , 諗住去 コーさん 介紹果間
難陀 碰碰運氣 , 如果一個人都做既話 , 咁就在果度食餐勁 .
果度有飲品放題 , 可能勁飲啤酒 , 所以部車要擺酒店 ,
再行過去 , 就係咁解 , 食完返酒店休息 , 係咁先 !!
Bye Bye !
咁講，積丹同余市之間有個地方叫日司，有兩間食海膽丼嘅好嘢 ^0^ 難陀啱唔啱食我唔敢講，不過，13年有Blog一家四口去食，三個又疴又嘔 >:)
回覆刪除月巴，有無又疴又嘔條link？
刪除日司 ? 上網搵搵先 . ^^
刪除如果旅途中又痾又嘔 , 真係好大鑊喎 ,
直情係大檸樂呀 . >_< !!
小肥兄 : 如果有 , 我想要日司町海膽丼店舖link . ^^
刪除中村屋?
刪除小肥，我揾到，原來小肥“牛“。
刪除中村屋個朵都好行 , 唔知係咪小肥兄所講果間呢 ?
刪除我諗係啩，等佢自己解答。
刪除不過佢經常有條「中村屋」link係佢blog右面⋯⋯
仲有，難陀，你自己睇。
刪除http://niseko2000.blogspot.hk/2013/01/2012-day-2-part-ii_16.html
http://little-bigsheep.blogspot.hk/2013/06/2013-day-2b.html
睇完 Blog友 niseko2000 既報導 , 果度好有 "漢和" Feel 喎 .
刪除不過睇埋 little-bigsheep 既評語 :
好多香港人 , 韓國人及台灣團 , 台灣團領隊不停大聲叫 , 真的好煩人 .
聽到呢一句 , 真係打左個突 . =_= !!
難陀，蟹蝦合戰呢D，已經俾港台客食到爛，係咁囉喎，一分錢一分貨。
刪除正如我上年去登別，某某酒店，三大蟹放題，又係爆滿，嘈到拆天。
且埋疴嘔單野，自己執生，應該係話，唔好“執生”野食，全部過火燒燒就穩陣D。
刪除自己google
刪除蟹 難陀 site:pixnet.net
蟹 難陀 site:blogspot.com
好多好多，慢慢諗。
好啦 ~ 慢慢考慮 , 或者去番老地方 ,
刪除牛油帶子拉麵+餃子+啤酒套餐 . XD
拉麵...菜菜兵衞 ^^
刪除仲有間係附近：http://www.kirinbeer-en.co.jp/
刪除係喎，你有車，可以直去「菜菜兵衞」，好方便。
刪除コーさん : 菜菜兵衛比想像中遠 , 另外你介紹果間在中島公園 ,
刪除亦都頗遠 , 雖然有車 , 但係冇得飲啤酒咯喎 . =_= !!
真係要睇下點 .
.... kirin beer 有間新館係すすきの，蝦蟹後面⋯⋯
刪除咁正 ? 咁就有得諗喎 . ^^
刪除你咪用返上面方法，search下台灣pixnet.net，睇睇review。
刪除今日又有新目標 , 就係尋舊路 "根室花" 壽司 , 正 !!
刪除根室花，你又要問下月巴先生咯。
刪除小肥兄有乜野好介紹 ?
刪除記得佢話「根室花」札幌因事閉店，又開返。
刪除又黎 ? 唔好喇掛 , 家陣去日本喎 , 乜好似返大陸咁架 . >_< !!
刪除所以都係等月巴先解答。XD
刪除其實札幌咁鬼多鮨屋............ 點解係都要去食依間呢.................
刪除小姐，你問J少，睇睇有乜好食好過啦。
刪除計我話 check 吓 3J 北海道啲遊記最實際, 佢地都食過好多地方.
刪除jokelib : 因為 "根室花" 好多天書推介 . XD
刪除3J ~ 有時間都要上去搵料 . ^^
講呢D..我都係跟人食架咋...
刪除想當年"根室花"我都係跟旅遊書去食，第一次係05年亦覺得係最好食一次
第二次09年還可以， 最後一次係12年夏天响機場食，no comment
佢有間姐妹店"町のすし家 四季 花まる"
http://www.sushi-hanamaru.com/store01.html
J少你話會唔會好D，我09年跟你食過一次都OK，宜家就唔知點
講真, Stellar Place 嗰間 08年食過一次已經 R 晒頭, 之後見啲人個個食完好滿足咁我只能話各人口味不同. 或者有啲人貪佢位置方便, 每次見人在 Facebook 曬碟我都無言.
刪除町のすし家 四季 花まる 依家開咗三間, 應該都幾受歡迎, 不過近年無食過唔清楚. 始終佢無咁流水作業, 點都好少少.
講到尾都係睇 budget 啦, 捨得食的話, 薄野鮨金/和喜智/すし善本店/田なべ 全部都食得過. 再唔係經過小樽食 群来膳/伊勢鮨, 總之睇你想食快餐定係食餐好啲.
町のすし家 四季 花まる すすきの店 有個超值自選 8件 lunch, 自己睇相:
刪除http://tabelog.com/hokkaido/A0101/A010103/1022938/dtlmenu/photo/?PG=3
3J 家庭 : 果間姊妹店好似唔差咁喎 ,
刪除老老實實 , 我得一個人 , 食鐵板燒又好似有D heavy .
擺低部車一於過去睇睇 . thx !!
jokelib : 好 ~ 一於落實去 町のすし家 四季 花まる すすきの店 .
刪除多謝各位連日黎既仗義幫拖 , 有勞 !!
到時一人一碌 すし善蕾亭太巻宅急便, 多謝.
刪除札幌 速遞到 香港 ? 睇怕都要搵 "魔女宅急便" 先至攪得掂 .
刪除小芝風花 唔該晒 . haha ...
哈哈，中村屋、海角 ^.^ 我兩間都有放喺右欄！3J同J少都試過。你好彩仲可以試到限定板 (^.^“)
回覆刪除咁就鎖定 中村屋 啦 , 果度其實我2012年果次都有經過 ,
刪除不過佢地未開始 . >_< !!
我雖然無去過，睇親るるぶ都將中村屋個海胆丼大相擺出來。XD
刪除但今次我睇你又可能會太晏！ anyway，Good Luck！！
刪除中村屋嘅限定雙併飯要6月中旬至8月下旬先有供應，不過普通版都OK唔錯架...
刪除賣吓廣告先
http://3jfamily.blogspot.hk/2012/08/2012-day-4-ii.html
小肥兄 : 可能會太晏 ? 此話怎解 ?
刪除3J 家庭 : 呢個廣告正式合時雨 , 正呀 !
刪除你睇埋我編巴士遊就明啦 ^.^ http://littlefatjapan.blogspot.hk/2010/09/42-post.html ~我又賣廣告，哈哈哈 ^。^
刪除又好 ~ 一於上去睇睇 . ^^
刪除哦 ~ 原來想話旅遊時間太長 , 錯過佢既午市 . @_@ !!
刪除正解！神威岬步行至燈塔來回要一粒鐘，島武意海岸加步道又最少一粒鐘，你二世古出早車都要前後4個鐘。。。執生！
刪除係喎 ~ 車程的確頗長 , 真係要執生 , 或者Cut咁一二個地方 ,
刪除就番佢午市 . Thanks !!
你5月尾去? 應該都未有馬屎食住喎.
刪除2013年便秘, 成年都無 スペシャルウニ丼
今年更預計加價到 5000円!!
比J少講中!! ~ スペシャルウニ丼（2014年より5000円に）^0^
刪除加稅反正都要改 menu, 一不做二不休
刪除一日１０食限定，點爭？
刪除2012年 5食限定我 lunch 去都食到, 講運氣.
刪除J少，你有運氣食到，可惜你無運氣睇積丹藍呢....XD
刪除所以我寧願同你交換
刪除jokelib : 一日五限定都食到 ? 比睇到 "積丹藍" 更高難度 . ^^
刪除依個時候我緊係順水推舟去一去廣告
刪除http://www.maisiejackson.com/2013/05/blog-post_8.html
咁就要參觀一下喇 . Yeah !!
刪除更正, 上面"預計"唔係我估, 我意思係店方"預計".
回覆刪除我無咁叻估到.
5000Yen一份都幾貴 , 或者普通海膽丼都差唔幾掛 ?
刪除北紫都 okay, 但無必要去到積丹食o羅.
刪除一於兜咗過去先, 回頭路都唔好理咁多喇
jokelib : 唔記得問你當日幾點鐘到場 ? (中村屋)
刪除唔算好早, 11:20
刪除唔通呢個時段係冷場 ? 一於乘虛而入 . ^^
刪除嘿，又到我出場 :D
回覆刪除先利申 ~ 小肥自2008至2012共去過根室花JR札幌駅店開餐不下5次，包括午，晚時段及外帶。所以，你要我話佢好差，似乎有㸃那個 :P
不過，近年Blog冬天到訪時得到嘅反映都系 ~ 唔新鮮！ 而12年仲發生食物中毒事件！！喺千歲機場嘅分別人潮已經恢復，所以小肥唔可以比最新嘅評語。
真系仲有興趣嘅，可以試其他分店，唔一定要上札幌駅上面等、等、等 >:)
自己睇。
刪除http://www.pref.hokkaido.lg.jp/hf/kse/130301shokuchudoku.pdf
咦 ~ 好似劣評如潮喎 , 咁又要考慮一下 . XD
刪除多謝資料提供 . thx !!
コーさん : 睇完你提供既 pdf , 認真得人驚 . =_= !!
刪除估唔到揾餐飯食下，都咁難？XD
刪除其實無所謂，一餐半餐，去到即興。
haha ... 真係咁都得 ?
刪除或者過隔離 "拉麵共和國" 又睇下點 . ^^
正解！啱食就得！搞一大餐後發覺唔啱食就喊都無謂。唔介意煙霧迷漫嘅可以諗吓 [串鳥] ^。^
刪除另外 コーさん兄 , 有樣野想委託你 .
刪除今年我租 Prius 已成定局 , 相信要等到明年先可以租86MT. (希望佢繼續推出)
如果呢段時間有其他Blog友租86(AT/MT)既話 , 請通知我去參觀 ,
因為你經常瀏覽其他網誌 , 可謂博覽群Blog , 窿路甚多 . 有勞 !
小肥 : 串鳥 ? 好多間分店 , 勁 !
刪除哈哈，我諗租86嘅人唔多，有都未必會寫出來。
刪除不如你睇睇youtube demo算啦。
https://www.youtube.com/watch?v=UaS2vshlRdk
上面youtube係+/-波。
刪除コーさん : 睇完段片 (好大風聲 , 要用 mute ) , 好正呀 !
刪除外型真係辣到爆 , 一流 . 香港相信唔係咁多人要租佢黎自駕遊 ,
台灣Blog友機會大D , 出年啦 ~ 如果佢繼續推出既話 ,
一定租佢MT版黎過手癮 , 應該係腳癮 . haha ...
其實Prius都唔係咁差 , 不過最怕貨比貨 , 就係咁解 .
唔洗等下年，隨時去皇冠試車都得。
回覆刪除http://goo.gl/C7y7ti
Wow ~ 乸埋都幾十萬 , コーさん兄實在太過睇得起我咯 . haha ...
刪除齋試唔買又好似好衰咁 . XD
Woo...原來呢度有咁多北海道自駕料, 來緊9月尾會自駕遊道東, 要刨晒D遊記先得 XDDDD
回覆刪除哈，你走宝喇，呢度淨係得北海道自駕料（有少少青森秋田）。XD
刪除好彩都未算遲 XDDD
刪除青森秋田唔使睇住, 除左D度要刨...仲有1733師公個北海道自駕遊記都要刨 XD
其實我今年八月中都去道東。XD
刪除Maggie, Kaykie : Hello ! 歡迎光臨 , 全靠各界Blog友鼎力支持 ,
刪除先至有呢個 "北海道" 自駕遊行程 , 你9月尾先出發 , 一D都唔遲 .
慢慢刨啦 , 多謝你既支持 . ^_^ !!
コーさん : 你咪好似5月頭出發 ?
刪除8月再出發 "道東" ? 勁喎 !
今年主打應該係8月北海道，上年去完已經用積分換定。
刪除5月就因為有超特價雞票，所以⋯⋯
總之就 "驛馬星動" 啦 , 正 !!
刪除Hi～又係我 :-)
刪除我諗住去神威岬同積丹岬，回程想去余市搵個果園行下先返札幌，有冇果園介紹下呀？
コーさん : 你8月道東有行程表未呀？
刪除山本
刪除http://www.fruits-yamamoto.net/
我上次9月中去，有⋯⋯你自己睇：
http://www.koosan.pw/2014/03/5-toya-otaru.html
中段
跟著上年本來都再去「山本」，不過時間唔啱，改去定山溪的果園，唔得！
刪除山本唔錯，加落行程先，唔該晒:-)
刪除Maggie, Kaykie : 係咪呢 , 呢度D Blog友好 Pro 架 ,
刪除果園呢方面我就毫無頭緒喇 . ^^
路人甲- 我都投山本觀光果樹園一票. 上次系10年去 http://littlefatjapan.blogspot.hk/2010/09/43-post.html#more ^0^
刪除koosan 8月去有桃 9月先去就有蘋果、 風水梨、 啤梨、西梅、巨峰提子 . . . 有彩嘅仲有栗子 哈哈哈
小肥，今年去成田マザーファーム玩下水尾いちご算喇，北海道8月咁熱，唔去果園咯。
刪除我十月初先去，唔知仲有冇巨峰呢？
刪除啊, 5月去成田マザーファーム, 8月唔去果園 . . . ok have fun ^0^
刪除MK，無記錯，佢地無種巨峰。
刪除http://www.fruits-yamamoto.net/calendar.html
きょほう＝巨峰
啊- ぶどう (葡萄) 有 バッファロー, デラウェア, 旅路, ポートランド, キャンベル 同 ナイヤガラ . . .
刪除真系分唔掂 ~ 要睇呢度先得. . . http://www.hokkaido-kajyu.net/budou.html
噢～唔緊要，我家老爺話有日本生果食就得架啦 :-P
刪除ぶどう係正常grape。巨峰好似得長野，山梨先正宗（wiki話）。
刪除不過山本葡萄都好食，大抽大抽食，好過引。XD
果園呢家野 , 完全答唔到嘴 , 三位自由發揮啦 . haha ...
刪除