Hello !
今日係 "復活節" 假期第一日 ,
首先祝大家復活節快樂 , 假期玩得開心D . ^_^ !!
今次都冇乜特別主題 , 一於黎個產品介紹啦 .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
日前在 "黃金商場" 買左幾個 2.5"硬碟 ,
每個 1TB ($529.00) 買左3個 , 其實呢個系列有四個顏色 ,
分別係黑 ~ 銀 ~ 紅 ~ 藍 . 不過唔多鍾意黑色 ,
所以買呢3個色 , 勉強叫做一套咁啦 .
依家D檔案 , 係咁咦都一兩GB , 年中都儲埋唔小相片&短片 ,
電腦裡面既硬碟都差唔多滿瀉 , 所以買黎分流 ,
遲D出發往 "北海道" , 又係一場火拼 , 買定就實冇衰 .
OK ~ 係時候介紹一下佢地 , 紅 ~ 藍 ~ 銀色各一個 .
拆開包裝紙盒 , 內有硬碟一個 , USB連接線一條 , 說明書一份 .
呢邊插入硬碟果度 .
另一邊自然係插落電腦 USB 插頭啦 .
好快電腦就偵測都有新硬體加入 , 甚本上都唔需要設定D乜 ,
正式係即插即用 , 入番D資料落去先 . Yeah !!
Bye Bye !
星期日先至寫旅遊景點 , 到時見 ~
買三隻死雞, 要黎拜神呀 ><
回覆刪除好彩你揀backup plus, 如果你買Expansion 就算你電腦有USB 3.0, 傳輸速度都係慢過萬金油
刪除拜神 "清明節" 攪掂啦 , 家陣 "復活節" 喎 . haha ...
刪除另外點解 Expansion 會好慢 ? 同 backup plus 好似差唔多野黎唶 ?
我都係求其買架咋 , 好彩 ~
兩款我都有同比較過, 做 backup, expansion 明顯慢好多
刪除真係好唔掂喎 . =_= !!
刪除試用左了嗎?呢款吾得?
回覆刪除唔係呀 , 呢款暫時都OK掂呀 . ^^
刪除唔掂係講 expansion , 因為 t先生話即使USB 3.0 都係好慢 .
我12月時買要$585, 是跌了價還是我在灣仔買的關係呢..?? 妳還有空氣清新機的用後報告未出喎...!!
回覆刪除我諗都係跌左價唶 , 相差十元八塊就唔出奇 , 邊有差幾十蚊咁離譜 .
刪除不過我呢D九龍人 , 好小過香港果邊 , 或者果邊D物價貴D , 唔知呢 ? XD
用後報告 ? 認真架 ? 都係一部 "空氣清新機" 而矣 .
開細風就好靜 , 開到最大就好嘈 , 基本上係咁簡單 .
(不過好小可開到最盡 , OK啦)