Hello !
上回本來講到行程Plan D , 不過因夠鐘食飯而暫停 ,
襯今晚攪掂埋佢啦 , 話時話 ~ 呢個Plan D 成行指數較其他為低 ,
之但係開左個頭 , 講就講埋佢啦 . ^_^ !!
~~~~~~~~~~~~~~~~~~~~~~~~~~~~~~~~~~~~~~~~~~~~~~~~
而呢個行程基本上與2013年果個行程大同小異 , 又係 北海道+青森 .
首日照舊 香港 ~ 成田 ~ 新千歲 ~ 札幌 ...
第二日取車後即往 帶廣 , 果度既豬扒飯聽講勁好味 , 點都要會一會佢 .
之後就去 帶廣動物園 , 最後諗住住番 十勝川 溫泉 . ^^
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
第三日往 釧路 方向行 , 先去 釧路動物園 , 跟住再去 濕原果D展望台 .
夜晚諗住住番上次 幣舞の湯 .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
第四日得一條路行 , 就係由 釧路 往 襟裳岬 , 沿途見乜睇乜 .
最終去到 風之館 , 晚上入住 うらかわ優駿ビレッジアエル .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
第五日向 苫小牧 方向行 , 搵到一間船公司 , 可以由 苫小牧 往 八戶 .
由深夜起航 , 聽朝一早就在 八戶 見 . (又係玩連車帶人一齊過去)
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
第六日就犀利喇 , 先去個錢湯鬆一鬆 , 之後直往 盛岡 ,
根據Blog 友 Maggie & Kaykie 口供稱 , 盛岡 果頭有個 小岩井牧場 ,
上佢網頁睇過 , 好似唔錯咁喎 . ^^ 跟住落黎仲犀利 ,
就係去 乳頭溫泉 !! (今日唔記得邊張報紙有介紹) 乳頭溫泉喎 ~
淨係聽個名都夠香艷啦 , 上次經過 田澤湖 都冇入住 , 今次一於報仇 .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
第七日經 秋田 沿海邊上番 不老不死黃金崎 果頭 ,
中途經過 男鹿半島 , 記得試佢果個 石燒 , 不過唔知一個人食唔食得晒 ?
本來想入住 不老不死 , 不過佢個單人Plan只係做到3月31日 ,
恐怕都冇辦法幫襯到佢 , 唯有轉戰 深浦町ウェスパ椿山 .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
第八日經 五所川原 住 弘前城 , 跟住上 八甲田山 , 夜晚翻兜 酸ヶ湯温泉 .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
第九日行程仲諗緊 , 晚上乘船返回 札幌 .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
第十日在 札幌 市內觀光 , 晚上住番套餐酒店 .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
第十一日返回 香港 ...
(如果搵到好料 , 可以加多一日行程在 青森 果邊 , 十二日係極限)
(如果搵到好料 , 可以加多一日行程在 青森 果邊 , 十二日係極限)
呢個Plan D 由於比較初盤 , 好多野都未整合 , 都係簡簡單單咁介紹 .
暫時都係以 Plan C 呼聲最高 , 之後既時間睇下點啦 .
Bye Bye !
呢條線除咗釧路同襟裳岬, 如果你落鎚的話, 等你返黎, 我就可以照跟, 哈哈 XD
回覆刪除北海道只得幾日 , 如果冇埋 釧路同襟裳岬 , 咁咪即係主打 乳頭溫泉 果頭 ?
刪除咁又唔一定, 到時會加加減減
刪除咁又係 , 仲有好多地方玩既 . ^^
刪除連人帶車運過去青森大約幾錢?
回覆刪除不老不死一人一室plan出到11月30喇,基本plan一人平日14190,休前日16350。
私家車 4M未滿 20000Yen , 5M未滿25000Yen , 6M未滿30000Yen . (單程計)
刪除真係 ? 咁就有得諗喎 , 如果真係用呢個Plan , 一於預埋 不老不死 . ^^
苫小牧有船往八戶? 咁未唔駛下下落函館囉~
刪除係呀 ~ 不過航程遠小小 , 即係用多D時間 , 要成7個半小時 , 好彩有通宵班次 , 可以睡一睡覺 . ^^
刪除如果函館去要幾耐呀~
刪除坐通宵船好過你上次半夜三更到,仲要去搵酒店瞓埋下半夜。
刪除呢個玩法我又有興趣喎XD
函館 往 青森 大約3小時40分 , 如果 函館 往 大間 就1小時30分 .
刪除兩條航線各有好處, 真係要諗諗佢
刪除Maggie, Kaykie : 如果有興趣 , 可以睇下呢個時間表 . http://www.silverferry.jp/schedule/
刪除都可以咁講架 , 因為有班船A.M.7:30 到 八戶 , Check過附近有間錢湯 ,
去到浸一浸 , 乜都醒晒 , 唔駛搵酒店之餘 , 仲可以食埋早餐 . ^^
Fung Mandy : 可能上次試過 函館 往返 青森 ,
刪除今次覺得 苫小牧 往返 八戶 更正 .
雖然函館去過兩次, 但仲有景點未去, 都仲可以諗諗
刪除但苫小牧去呢個構思又好吸引喎~
兩位 (Fung Mandy 同埋 Maggie, Kaykie) 都好似對呢個Plan D幾感興趣喎 .
刪除講講下我都幾鍾意 , 尤其係帶埋部車去搭船都幾過癮 . ^^
Fung Mandy : 咦 ~ 可以每邊搭一程 , 函館 往 青森 , 八戶 往 苫小牧 , 咁咪兩邊都玩勻晒囉 , 正 !!
刪除上次未就係睇完你個南下編,搞到我心思思都想走番轉囉~
刪除man wai, 跟你想法一樣,咁就不用行回頭路啦 Yeah!!
刪除不過D船費會唔會好金呢 XD
每邊搭一程,車+人船費,如果函館入札幌走仲要加埋異地還車,真係好金吓:-D
刪除Fung Mandy & Maggie, Kaykie : 的確係好貴 , 不過去得日本都預左 ,
刪除就睇下你對個行程可以去到幾盡 . ^^
吓! 南下 plan (=__= ?) 真係冇諗過喎。
回覆刪除上次試過 函館 往 青森 , 今次諗住食過翻尋味 , 不過由 苫小牧 往返 . ^_^ !!
刪除新航點, 真係要留意下啦~ ^^
刪除乳頭溫泉 係呢程重中之重 , 不過暫時都未知係咪用呢個Plan ?
刪除我等梗你個plan E架 XD
刪除plan plan下會唔會plan到Z架XDD
刪除Plan E ? 未必有咯 , 不過世事無絕對 , 或者有都唔定架 . haha ...
刪除plan到Z都幾好喎, 好似追梗單元劇咁 XD
刪除Plan Z ? 一年一度 , 豈非26年先可以還清 , 唔係呀嘛 . Yeah !!
刪除Fung Mandy : 如果去到 Plan Z , 好有可能連 九州 ~ 沖繩 ~ 都要列入Plan裡面 . XXD
刪除好期待...hehe XD
刪除Plan 死人咩 ? R爆頭都唔掂 . haha ...
刪除我得閒無事都會plan行程,樂趣嚟架,去唔去得成都唔緊要:-D
刪除Maggie, Kaykie : 去唔成都Plan ? 咁都得 ~ 雖然幾過癮 , 不過唔出門就冇動力去Plan . XD
刪除