2014/12/28

Plan D (升級版)




Hello !


上篇既生日會 , 經已圓滿結束 .

承蒙各界友好於百忙中撥冗蒞臨 , 希望大家明年繼續賞面光臨 , 

實在不勝銘謝 !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

呢篇Plan D 升級版 , 本來想再搜集多D資料先至出街 , 

不過既然講開 , 咁就講埋落去啦 , (星期日總要搵D野黎寫下嘛)  ^_^ !!

由於構思只係在本周裡進行 , 所以只能夠寫個路線圖 , 

詳細景點要慢慢搜尋 , 今次叫得做升級版 , 即係有小許分別 , 

如果未睇過Plan D , 請先去呢度參考下先

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

首先第一日 , 依舊冇行程 , 香港 ~ 成田 ~ 新千歲 ~ 札幌 . (食拉麵)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

第二日取車後 , 先參觀 札幌 區內景點 , 有幾個景點我一直想去 , 

不過苦無機會 , 今次一於解決埋佢 , 就係 : 札幌市下水道科學館 , 

呢個係我第一次自駕遊想去既景點 , 可惜去到已經收工 , 今次機會到喇 .

另外係 : 北海道開拓記念館 , 睇過佢網頁 , 要2015年春先至裝修完工 , 

唔緊要 , 仲有時間等佢 , 跟住係 : 大倉山展望台 . 攪掂晒之後 , 

連隨落 苫小牧 , 晚上夜航過 八戶

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

第三日就搵番上次Miss既 八戶 景點 , 好似 蕪島 ~ 種差海岸 ...

跟住沿海去番上次 久慈市 , 再落就係之前談及過既 浄土ヶ浜 ,

如果時間許可 , 仲可以去埋 釜石市 . (不過呢度要臨場先決定到)

最後就係入住 浄土ヶ浜パークホテル , (呢間好鬼貴 , 起碼20000Yen一晚)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

第四日依舊向中間進發 , 經 盛岡 往 小岩井牧場 , 最後入住 乳頭溫泉

既 大釜温泉 , (其他景點資料仲未搵到 , 慢慢黎啦)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

第五日本來想經 秋田 上番 不老不死黃金崎 果頭 , 不過改為去 酒田市 .

酒田市 有D乜 ? 暫時都未搵到 , 淨係知道同 阿信故事 有莫大既關係 ,

其他要慢慢發掘 , 總之今日路程就係經 秋田 沿海邊 落 酒田市 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

第六日路線又係好簡單 , 就係由 酒田市 沿海邊落到 新潟市 , 

沿途有乜睇乜 , 對 新潟市 都係好陌生 , 淨係聽過 日職 既 新潟天鵝 .  XD

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

第七日直落 能登半島 , 呢個 能登半島 , 想郁佢好耐架喇 , 今次終於機會到 .

對於我黎講 , 遊覽 能登半島 比參觀 白川鄉 更加有價值 .  ^_^ !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

第八日參觀 能登半島 沿海風景 , 跟住去 友季姐 提供既 千里浜 .

睇過好多短片 , D人鍾意將部車駛入海邊片來片去 , 其實得唔得架 ?

海水黎過喎 ? 車底豈非生晒鏽 ? 即使去到我都只係在沙灘行駛 , 

唔會駛入海裡 , 始終都覺得唔多妥 , 雖然係租車都係咁話 .  >_< !!

參觀完 千里浜 , 跟住就去 近江町市場 , 聽講果度好多 香港人 , 

又睇下係咪真係咁多 ? 攪掂之後就係去 東尋坊 , 睇過Blog友既相片 , 

果度真係堅呀 , 簡直係非去不可 , 晚上去碼頭上船 , 搵到間船公司

有船往 小樽 , 分別有 舞鶴 & 敦賀 都可以上船 , 睇下邊一度就腳再考慮 .

船程由 00:30 --- 20:45 , 足足一整一咁滯 , 都咪話唔長 .

舞鶴 ~~ 小樽航路 , 隻船係咪好正呢 .  ^^


~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

第九日呢一整日都在船裡渡過 , 就將隻船當景點啦 , 佢就講到好勁呀 ,

又餐廳 ~ 咖啡館 ~ 視頻室 ~ 按摩椅 ~ 甚至大浴場+桑拿都有 , 

正式係不愁寂寞 , 計我話若然擺幾張百家樂 ~ 廿一點 ~ 骰仔檯既話 , 

更加係不知時日過 , haha ... 落船去到 小樽 , 今次想住 築港果邊 .

搵到間酒店 , 唔包晚餐既話都幾抵住 , 酒店叫做 : グランドパーク小樽 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

第十日回到 北海道 呢邊 , 其實都未決定去邊度報仇 , 呢刻暫定上 稚內 .

食完早餐出發往 羽幌町 進發 , 路線就係咁行啦 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

第十一日向 稚內 方向行 , 去番D上次去唔到既地方 , 晚上入住

枝幸温泉ホテルニュー幸 , 呢度之前好似講過 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

第十二日一直落到 網走 , 夜晚住 網走湖畔温泉 ホテル網走湖荘 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

第十三日都冇乜行程 , 最主要都係返回 札幌 還車 .

夜晚住番套餐果間酒店 , 多數都係 センチュリーロイヤルホテル 

一黎住開有感情 , 二黎近車站 , 三黎個早餐好多款式 , 

最尾果日必定唔同佢客氣 , 食餐勁既佢 .  ^^

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

第十四日回港 , 冇行程 !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

整個Plan D 升級版 就係咁喇 , 其實 北海道 呢Part 仲未落實 , 

因為若然咁樣黎行 , 要用多兩日 , 又要同公司火拼一番 ,

睇下點先啦 , 來日方長 , 仲有時間執執佢 .  

Bye Bye !

P.S. : 雖然唔知明年係咪真係用呢個Plan , 不過若然有Blog友覺得唔錯 , 

可以用呢個Plan黎遊覽 , 如果係既話 , 記得通知我一聲 , 

放心 ~ 並唔係收版權費 , 只係想睇到自己既路線可以發揚光大 , 

寫落黎既網誌會同自己所構思既有幾大分別唶 .  XD

35 則留言:

  1. 嘩!由北海道玩到能登半島,勁呀~
    俾著我會分3part玩><

    回覆刪除
    回覆
    1. 哦 ~ 基本上我比較鍾意沿住海邊咁黎行 , 如果好似之前兜番上 不老不死黃金崎 & 酸之湯 ~ 八戶 打回頭 ,
      好似有D轉接 , 不如拉條直線不走回頭路好過 . XD

      刪除
    2. Wow~ 大長征,我都覺得應該分3 part玩會好D ^^

      刪除
    3. 都幾長架 , 所以日數會多左D . =_= !!

      刪除
    4. 離家兩星期, 小姐最好揾多個伴穩陣D

      刪除
    5. 穩陣D ? 邊方面先 ? 兩星期 ~ 濕濕碎啦 , 人多意見多 , 我最怕 .
      正所謂 : 千山我獨行不必相送 ... XD
      (況且都未必百份百用呢個Plan . ^^

      刪除
    6. 我對man wai 好有信心, 初駕, 雪駕, 霧駕, 夜行, 露宿...簡直經驗豐富 XD

      刪除
    7. Fung Mandy : 多謝你對我咁有信心 , 初駕, 雪駕, 霧駕, 夜行, 露宿 ...
      原來份履歷咁豐富 , 自己都唔覺添 . haha ...
      不過都只係學習中 , 學到老嘛 . ^_^ !!

      刪除
    8. 咁我份履歷一定唔合格><

      刪除
    9. 大家都在努力學習中, 加油~~~ ^^

      刪除
    10. Fung Mandy : 好 ~ 努力 , 加油 , 努力 , 加油 . haha ...

      刪除
    11. Maggie, Kaykie : 唔係掛 ? 你都唔合格 , 仲有邊個合格呀 ? 咪咁謙喎 . ^_^ !!

      刪除
    12. 我地都唔敢雪駕,又冇試過夜行,淨得初駕同霧駕,最多都係得50分咋 :-P

      刪除
    13. 咦~ Maggie 我地同你平分秋色喎, 都要加緊學習啦~ XD

      刪除
    14. 兩位 ~ 唔緊要啦 , 去多幾趟 , 好快升呢既唶 . haha ...

      刪除
    15. 友季又睇吓合唔合格先:
      初駕 (>‿◠)✌
      雪駕 (new zealand 龜速) (>‿◠)✌
      霧駕 (>‿◠)✌
      夜行 (>‿◠)✌
      露宿 (╥﹏╥)
      都有 40分卦
      祝各位新年快樂
      よいお年をお迎えください

      刪除
    16. 我都祝各位新年進步^^
      明けましておめでとうございます

      刪除
    17. 友季 : 咁多瓣Pass (>‿◠)✌ , 點都唔止 40分喇 .
      至於露宿 , 同駕駛冇乜關係 , 所以全部合格 , 100分 !! Yeah ~

      刪除
    18. Maggie, Kaykie : 新年進步 , 今年搵多D , 最緊要身體健康 . ^_^ !!

      刪除
    19. 各位,新年快樂呀~~~

      刪除
    20. 唔是咁計喎好似,友季5範差1範得 80分,不過友季二人行,要除二咪得40分囉 (╥﹏╥)
      manwai 姐5範齊得100分,獨行除一咪得100分囉 (^‿^)
      HAPPY尿意

      刪除
    21. Fung Mandy : 快喇 , 就黎 2015 , 祝新年快樂 , 搵多D . ^_^ !!

      刪除
    22. 友季 : 唔駛執得咁正掛 , 只要開心 , 次次都係 100 Fun . ^_^ !!

      刪除
  2. 呢個增強版plan D實際好多,老老實實如果係自己車真係唔捨駛入千里浜,不過如果係租翻來嘅,就任性一次咁多啦,去到先決定駛唔駛入海,最多玩完去油站幫佢洗番乾淨。

    回覆刪除
    回覆
    1. 係呀 , 能登半島將會係重點行程 , 仲有 千里浜 呢 , 正呀 . ^^
      至於剷落海呢瓣 , 相信機會唔大 , 因為性格使然 , 簡單D講就係做唔出囉 . haha ...

      刪除
  3. 或者我講講,如果你由北陸坐船返小樽,嘥咗差不多一日時間加上船費人連車根本唔平,點解唔索性玩完北海道還車自己過東北再租車,又或者你想揸車過東北再玩落去直到 last 至還車,相信 one way charge 應該唔會比船費貴,就算差唔多都唔駛嘥一日時間,同時出機票可以A 點入,B 點走可以唔駛走回頭路,而且可以加一程內陸機,或者你真係諗好晒,機票方面可以度度。

    回覆刪除
    回覆
    1. 哦 ~ 呢個只係初步構思 , 唔滿意可以執到滿意為止 , 連車過的確係好貴 , 不過都幾好玩 . ^^
      諗下點先啦 , 反正仲有大把時間 . 多謝提供意見 .

      刪除
  4. 十幾日行程真係好豐富,重有大把時間慢慢度 :)

    回覆刪除
    回覆
    1. 係呀 , 會去好多地方 , 不過仲有排度 . ^_^ !!

      刪除
  5. 瀏覽次數就嚟 88888
    (^‿◠)

    回覆刪除
    回覆
    1. 88888 Yeah ~ 唔講都唔知添 , 加油 !!

      刪除
  6. man wai, 新年快樂, 身體健康, 心想事成, 日日都咁開心 !!!!

    回覆刪除
    回覆
    1. 好 ~ 大家都咁話 , 日日都咁開心 . ^^

      刪除
  7. 能登半島好吖! 如果去埋珠州住よしが浦温泉ランプの宿簡直好似去咗天之涯海之角一樣feel 呀,諗諗佢?

    回覆刪除
    回覆
    1. 好呀 ~ 如果真係去果度(能登半島) , 一定首選佢 . ^^

      刪除

歡迎光臨 , 如果時間許可 , 請留番個言丫 ~