2015/01/11

實用工具




Hello !


上回講到身體有小許不適 , 經過調息之後 , 經已無恙 . 

首先報個平安 , 免得大家掛心 , 多謝各界關心 .  ^_^ !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

未開始之前 , 先跟進番上果篇 , 在休息期間 , 特登上 Youtube

睇左兩集 杜如風 既 流行東京 , 風格上同 流行首爾 一樣咁大癲大肺 .

只不過數年前俾人感覺似 啊sa , 依家就似 蘭子 , 

再加上在免費台播放 , 觀眾反應最直接 , 鍾意既就捧上天 , 

唔鍾意就踩到變地底泥 , 我就冇乜所謂既 , 即睇如儀 , 

最多Mute左把聲 , 齋睇字幕 .  XD

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

好喇 ~ 輪到正題 , 今次介紹呢樣 實用工具 , 同去 北海道 有關 .

每次去 日本 ,  我都會帶埋 溫/濕度計 , 基本上在酒店房裡面 , 

濕度長期都係百份之45左右 , 本地人就唔知 , 香港人就肯定覺得好乾 .

即使在床頭放杯水 , 甚至浴缸放灘水 , 都係杯水車薪 .  >_< !!

今次介紹呢個產品就犀利喇 , 既唔阻訂之餘 , 仲有實際用途 .

就係呢個迷你加濕器 , 尋日在 鴨記 買 , 價值 $47.00

仲有好多款同類產品 , 價錢都係差唔多 , 任君選擇 .  ^^


拆開包裝 , 主機一個 ~ USB線一條 ~ 類似衛生棉條兩條 .


將衛生棉條直插入主機裡面 . (記得隊到盡頭連接點)


個主機係萬能Key , 可以套落唔同裝水樽上 , 

今次求其搵到可樂杯黎測試 , 跟住在主機插上USB線 .


一插電就黎料 . (請打橫睇)


黎多個角度 .


出蒸氣量一般OK啦 , 如果想勁D , 可以買貴小小 , 

大約 $150.00 左右 , 蒸氣量就勁好多 , 不過呢D野都係做下樣 , 

細細個幾得意 , 適合酒店床頭使用 . 

如果真係要勁補濕 , 唯有等返到香港先慢慢執既唶 .

咁一杯水可以用幾耐呢 ? 暫時只係測試中 , 仲未知道 ??

Bye Bye !

8 則留言:

  1. 又有新玩具 (‐^▽^‐)
    咁啲行李未越來越重

    回覆刪除
    回覆
    1. 冇乜所謂啦 , 呢樣唔帶唔得 , 唯有減其他冇咁需要果D . =_= !!

      刪除
  2. 印象中商務酒店多數都有放濕機。

    回覆刪除
    回覆
    1. 既然唔肯定間間都有 , 自己帶埋去穩陣D嘛 . ^^

      刪除
  3. 真係又平又抵玩喎~
    衛生棉條幾時換一次呀, 用完真係買衛生棉條補充??

    回覆刪除
    回覆
    1. 係呀 ~ 幾十蚊 , 飲餐茶都唔止 . ^^
      衛生棉條 可以循環再用 , 我諗用到污糟辣撻先換掛 , 有另一條做士啤 ,
      應該唔駛咁快用衛生棉條代替既 . XD

      刪除
  4. 測試如何呀,無消費者用後報告既 XD

    回覆刪除
    回覆
    1. 測試報告 ? 如果放床頭 , 基本上都OK既 , 如果要整個房都加濕 , 咁就有D難度 .
      好啦 ~ 星期日黎個詳細用後報告 , 再加小小旅遊簡訊啦 . ^^

      刪除

歡迎光臨 , 如果時間許可 , 請留番個言丫 ~