2015/01/18

習慣成自然




Hello !


近排可以話忙到不可開交 , 最主要都係睇電視 ...

首先係TVB三線劇集 , 跟住係明珠台P.M.10:30果D , 其他包括 : 

我是歌手3 ~ 來自星星的你(J2) ~ 神鵰俠侶 ~ 同埋周六日晚既英超賽事 .

好話唔好聽 , 連搵旅行料既時間都冇 , 所以呢度都暫時荒廢左 , 

襯今日星期日 , 整番篇黎講下近況 , 叫做Keep住個曝光率 .  ^_^ !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

而今次呢篇叫做 : 習慣成自然 , 有乜野咁習慣成自然呢 ? 

近排就有兩單 , 首先係之前講過既 流行首爾 ~ 杜如風 , 老老實實講 , 

起初真係好唔慣佢既對白節奏 , (可能係睇慣TVB新聞 陳嘉倩 掛 ?)  XD

不過想睇下韓國料 , 所以都硬食落去啦 , 點知越睇越好睇 , 

唔係好多節目可以一路睇一路笑 , 依家播晒10集 , 反而有D不捨 .

聽講佢話有第二輯 , 唔知係吹水定係真 ? 希望係 流行北海道 啦 , 

正所謂佢肯拍 , 我就肯睇 , 期待中 ...

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

另一單習慣成自然既就係 : 神鵰俠侶 ~ 陳妍希 , 起初睇劇集造型照 ,

好多網民包括埋我 , 都覺得相當之唔掂檔 , 乜野 小龍包 之類既負面字眼都出晒黎 , 

話晒呢套劇由 羅樂林 ~ 李通明 至到依家 , 已經有90幾個版本 , 

都從未見過咁差既造型 , 直到依家套劇出街 , 睇落又唔係差得咁差喎 , 

相反仲幾好睇添 , 依家出到第23集 , 相信我都會追到大結局 .  ^^


講完電視劇 , 輪到跟進番上幾篇既 迷你加濕器 ...


呢部機旅行時擺床頭用基本上都OK既 , 唯一缺點係支棉條短左D .

如果用普通水樽裝水 , 用6個鐘頭左右就會缺水 . (即係支管掂唔到水)

不過都有解決方法 , 就係用個闊D既水樽 , 呢個樽係早幾篇既 寶礦力 樽 , 

入滿後開左7個小時之後既存水量 , 都仲有排用 , 去旅行有幾可可以訓到8個鐘 , 

既然解決左煲乾水問題 , 今次去 北海道 , 一於帶埋佢出門 . Yeah !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

最後係5月份既旅行 , 之前講過落實左採用Plan C .

經過多日思考 , 又改左小小路線 , 係咁咦講個大方向啦 , 細節位遲D再詳談 .

首先第一日 札幌

第二日 襟裳岬

第三日 釧路

第四日 根室 (就算有霧都硬闖)

第五日 知床

第六日 阿寒湖 或 屈斜路湖

第七日 網走


第九日 經 稚內 往 羽幌町

第十日 二世古

第十一日 札幌

第十二日 回港

大致上係咁上下啦 , 慢慢再搵去乜野景點 , 今日講住咁多先 .

Bye Bye !

26 則留言:

  1. 自從愛上咗日本後,已經無再去韓國 (曾經去過3次,不過係跟團),雖然身邊都有唔少朋友經常去韓國,但總係提唔起興趣,不過今次我竟然睇哂10集流行首爾,可能係因為我buy杜如風個種風格,做流行東京時佢已經係咁,所以未睇過佢嘅未必會接受到囉...

    我又想佢拍輯流行北海道,始終佢係日本通,可以介紹D旅遊書以外嘅事物,太過千篇一律會毫無新鮮感

    Plan C個行程集中响北海道會好過去埋東北,範圍太大會浪費好多交通時間,如果喜歡東北的話搵一年淨玩東北,由仙台至青森有好多地方值得去,D路都好好揸

    回覆刪除
    回覆
    1. 我都係咁話先算啦 , 雖然韓國 & 韓劇都好吸引 , 不過就硬係提唔起興趣去韓國 , 可能係日本太過吸引啦 . ^^
      至於流行首爾 , 由於之前未睇過佢既節目 , 加上淨係睇埋D正經介紹第目 , 對於佢講3-4個字停一停既方式 ,
      真係好唔慣 , 後尾D爛Gag越黎越好笑 , 所以繼續追 . (就算唔去都睇下D資訊)
      流行北海道 ~ 最好就開口中啦 . haha ... 期待 .
      今次都係集中在北海道 , 雖然係咁 , 部份日數既車程都頗長 , 不過都在掌握之中 .
      去埋 青森 就至在玩搭船既唶 . 遲D再睇下點啦 . ^^

      刪除
  2. 釧路>阿寒湖 或 屈斜路湖>根室>知床>網走
    咁樣會唔會順路D

    回覆刪除
    回覆
    1. 路人甲: 由釧路 途經まりも国道/国道240号線至阿寒湖 , 1 小時 30分
      由阿寒湖 途經国道241号線,至屈斜路湖1 小時 3 分
      由屈斜路湖 途經国道243号線至根室 2小時 18 分
      由 釧路途經根釧国道/国道44号線至根室 往來2 小時 5 分
      系一個大三角, 基本唔分你行邊一段路先都一樣 . . .
      反而應該注意住宿嘅地方同早上出發時間
      另外, 按現在PLAN, 由根室一直沿海途經羅臼到知床呢3粒鐘車程, 加上停吓影吓應該會好正.
      知床去 阿寒湖 一定經過 屈斜路湖, 無所謂啦.
      不過 第七日 網走, 我會建議住上船長之家 http://www.sentyounoie.jp/ 食唔晒包上車做午餐.
      但第九日, 由枝幸町經稚內去羽幌町單計車程4個幾鐘. . . 好金!!

      刪除
    2. Fung Mandy : 唔知點行先至著數D ? 慢慢Check真先 . Thx !!

      刪除
    3. 小肥 (路人甲) : 多謝晒你詳細既解答 , 果度果然係一個大三角 , 點行都唔會太蝕 .
      至於住邊度 , 出發時間都差唔多 . A.M.8:00 左右就出門 .
      根室 to 知床 , 最想去 野付半島 & 知床卡 .
      船長之長既抵食夾大件唔係唔好 , 經過取捨之後 , 我更想浸大溫泉 . ^^
      第九日既車程的確頗長 , 不過早D出門應該拆得掂 .
      點都好 ~ 多謝你既分析 . Thx !!

      刪除
  3. 李通明你都識? 果套神鵰記得通明姐姐稱呼林林叫通仔. 其實小姐喺北海道見過咁多巨鵰, 可堪稱巨鵰女俠 :D

    回覆刪除
    回覆
    1. 知道有 羅樂林 果套 , 只係從wiki , 冇睇過套戲 , 你就或者睇過都唔定 . ^^
      羅臼 果D海鵰就話唶 , 其他溫泉巨鵰 ? 睇過都要洗眼 . haha ...

      刪除
    2. 神鵰俠侶當年睇過下, 不過多數睇翡翠戲場, 好似做緊書劍定狂潮, 果時屋企只係部十幾吋黑白樂聲牌電視前面仲掛住塊藍色濾光鏡, 返到學校D同學仔仲成日唱住: 神鵰俠侶英雄個袋垂, E, 當年D小朋友都知長浸溫泉嘅後果喎 :D

      刪除
    3. 狂潮 邵華山 ? 聽人講當年好勁過喎 . ^^
      至於 神鵰俠侶英雄個袋垂 ... 係咪講呢一首呀 ?
      https://www.youtube.com/watch?v=YPsDlSKn7U4

      刪除
    4. 嘻嘻, 係呢首啦, 不過唔知係關正傑定小鳯姐唱呢.

      刪除
    5. t : 連你都唔知 , 我更加唔會知 ? XD

      刪除
    6. 講起狂潮角色邊個最正, 我選狄波拉, 連當時仲係細佬仔的我都想入非非 ^^ 有機會問問 1733 兄係咪感覺良好 :D

      刪除
    7. 狂潮 我只可以睇番D資料咋 , 能夠令到你想入非非 , 認真唔簡單喎 . ^^
      1733兄近排都好忙下 , 唔知佢感覺係咪良好咯 ? XD

      刪除
    8. 嘻嘻, 係想問佢果時睇狄波拉係咪感覺良好 :D

      刪除
    9. 依家朝早做 楚留香 , 汪明荃 ~ 歐陽佩珊 等等 ... 都索到爆呀 . haha ...

      刪除
    10. 七十年代無個夠芳芳姐索呀! 又高大又有氣質

      刪除
    11. 無個夠芳芳姐索? 喂! 咪當寶珠姐流先得架

      刪除
    12. 嘻嘻, 陳寶珠只識跑沙地, 同蕭芳芳比至少差一班 ^^

      刪除
    13. t : 芳芳姐 ? 係咪即係做 林亞珍 果位 ?

      刪除
    14. 友季 : 寶珠姐 ? 係咪即係 陳寶珠 黎喇 ~~~~ 果位 . haha ...
      好似仲有 女殺手 . ^^

      刪除
    15. t : 大家各有各靚啦 , 好難比較既 , 等於有人問 :
      吉澤明步 正丫 , 定抑或係 蒼井空 正D呢 ??

      刪除
    16. 寶珠姐係女殺手定黑玫瑰啊 (?_?)

      刪除
    17. 女殺手定黑玫瑰 ? 真係考起 , 要搵D前輩問下至得 . ^^

      刪除
    18. 陳寶珠唱工廠妹
      https://www.youtube.com/watch?v=g-De1LN_y4Y
      䔥芳芳唱 Little Green Apples
      https://www.youtube.com/watch?v=oo_yz4ftqTg

      刪除
    19. 工廠妹萬歲好聽D . haha ...

      刪除

歡迎光臨 , 如果時間許可 , 請留番個言丫 ~