2015/01/04

Plan C 跑出 , Yeah !!




Hello ! 


踏入2015年 , 雖然仲有排先至出發 , 

不過搵料方面都不敢怠慢 , 經過多日黎既研究 , 暫時跑出既係 Plan C , 

程度都有成 80% . (唔敢講到百份百 , 始終都要留番條後路走棧)

餘下既 Plan 或者下次再下次先至諗佢 , 依家集中火力研發Plan C先 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

呢個Plan C 同第一次發表時 , 有小許差別 , 只係線路方向既問題唶 .

依家再介紹一下重新修訂既路線 , 淨係講個大方向 , 遲D再補細節 .

首先第一日 , 香港 ~ 成田 ~ 新千歲機場 ~ 札幌 ~ 拉麵 . (改不了)

第二日攞車即向 襟裳岬 方向進發 . 夜晚都係住果頭既旅館 .

第三日向 釧路市 行 , 中途都係睇海邊景 , 夜晚住 釧路 既酒店 .

第四日要攪掂 阿寒湖 ~ 屈斜路湖 & 摩周湖一帶 , 夜晚住是但一度 , 

不過我諗都係住 屈斜路湖 附近成數高D .  ^^

第五日就過 知床 果邊 , 希望可以睇到高清既 知床峠 啦 .  

(下面既 根室 , 呢Part 都唔招惹佢住 , 5月中 ~ 我諗都仲係好大霧)  >_< !!

第六日攪掂完 知床五湖 之後 , 向 網走 方向行 , 夜晚在 網走 搵間旅館落腳 .

第七日向 紋別 方向行 , 沿海邊北上 , 夜晚入住 枝幸温泉ホテルニュー幸林 .

第八日都係沿海邊北上 , 經過 稚內 , 攪掂完就南下 , 夜晚住 羽幌町 是但一間旅館 .

第九日去 二世古 還是返 札幌 ? 暫時都未諗到 .

第十日如果尋日返 札幌 , 咁呢日自然係返 香港 .

呢一刻就諗同咁多 , 遲D仲會小修小改 , 不過方向就唔會太變 .

好 ~ 夠鐘食晚飯 , 今日講住咁多先 .

Bye Bye !

20 則留言:

  1. 回覆
    1. 咁咪要再去多次 瀧上町 ?

      刪除
    2. 啱時間去都好呀,好過上次淨係影花苗。

      刪除
    3. 唔一定要去 紋別 瀧上町 , 搵到個 網走 ひがしもこと芝桜公園 ,
      好似唔錯咁喎 , 可以考慮一下 . ^^

      刪除
  2. 回覆
    1. 咁又冇咁快 , 起碼都過左農曆年先啦 . ^^

      刪除
  3. 呢個plan c 幾好咁喎~~ ^^

    回覆刪除
    回覆
    1. 叫做OK啦 , 避開左 根室 果頭 , 鬼叫10月冇假咩 . >_< !!

      刪除
  4. 知床會住邊,友季想跟Plan C,參考吓。

    回覆刪除
    回覆
    1. 嘩 ~ A.M.3:29 問 知床 住邊 ? 咁夜 ~ 唔駛訓 ? (星期六玩通頂)
      知床 諗住幫襯呢間 ウトロ温泉 知床グランドホテル 北こぶし
      我就未幫襯過 , 不過有Blog友試過 , 口碑唔錯咁話喎 . 網址係 :
      http://travel.rakuten.co.jp/HOTEL/8312/8312.html

      刪除
    2. 一諗起知床唔知住邊就訓唔著, 以前次次去知床都係住開dolphin hotel, 今次想換個地方住, 呢個グランドホテル好似唔錯, ありがとう

      刪除
    3. 依稀記得你好似仲有排先出發 , 咁快就訓唔著 , 幾時先到出發果日 ?
      呢間 グランドホテル 我都未住過 , 試過好既就多謝Blog友 Fung Mandy 啦 .
      都係佢介紹俾我 , 我再轉介紹俾你 . ^^

      刪除
    4. 啦啦啦~~ 我只住過樓下果3間咋, 唔好搞錯呀 XD
      ウトロ温泉 知床プリンスホテル 風なみ季
      知床ノーブルホテル(Knoble Hotel)
      知床世界自然遺産の宿 しれとこ村つくだ荘

      刪除
    5. 係喎 ~ 攪錯左添 , 因為 風なみ季 同埋 北こぶし 睇落好似差唔多咁款 ,
      一時錯手 , 屈左 Fung Mandy 姐添 , 真係唔好意思喇 .
      好啦 ~ 友季姐 , 再重申一次 , ウトロ温泉 知床グランドホテル 北こぶし 就我介紹既 .
      ウトロ温泉 知床プリンスホテル 風なみ季 就 Fung Mandy 介紹既 .
      千祈唔好攪錯 . XD

      刪除
    6. 哈哈, 唔緊要, 知床果邊間間酒店名都差不多,
      ウトロ温泉 知床グランドホテル 北こぶし 姊妹店都有三間
      ウトロ温泉 知床プリンスホテル 風なみ季 姊妹店又係三間
      真係睇到眼花架 XDD

      刪除
    7. 之前話雪駕,宜家話雪駕危險,改為五月出發,
      ウトロ温泉 知床グランドホテル 北こぶし
      ウトロ温泉 知床プリンスホテル 風なみ季
      兩個名咁似嘅, 點都要多謝兩位姐姐, ありがとう
      乂⍲‿⍲乂

      刪除
    8. Fung Mandy : 每間又分拆3間 , 加埋咪6間 ? 咁都得 ~
      隨時Check in 都 Check 錯 . haha ...

      刪除
    9. 友季 : 咁雪駕又確實有潛在危險 , 如果非必會 , 都係正常駕好D .
      出黎玩唶 , 唔駛搵命搏 , 最緊要開心 . ^_^ !!
      咦 ~ 大家都係5月喎 , 有可能會在 知床 遇見都唔定 . haha ...
      唔駛客氣啦 , 我D料咪又係在網上搵番黎 , 大家互相交流唶 .
      其實 知床 呢Part我都未落實住邊間 , 不過唔係 北こぶし 就係 風なみ季 .

      刪除
    10. 友季, man wai, 兩位唔好意思呀, 我都比知床D酒店搞到頭大, 要更正一下 XD
      樓下三間是同一集團先啱, total 都係3間, 唔係6間 :P
      ウトロ温泉 知床グランドホテル 北こぶし
      ウトロ温泉 知床プリンスホテル 風なみ季
      知床 夕陽のあたる家

      刪除
    11. Fung Mandy : 咁又唔駛唔好意思咁隆重 , 果度D酒店咁複雜 , 攪錯先至係正常 .
      乜野集團同幾多間都唔重要 , 最緊要係平靚正 . haha ...

      刪除

歡迎光臨 , 如果時間許可 , 請留番個言丫 ~