Hello !
唔覺唔覺 , 今日已經係年廿七 ,
相信好多Blog友(公司)已經歲晚收爐 .我就要捱多兩日 ,
即係年三十先開始放假 , 初八啟市 .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
咁今日講乜野主題呢 ? 依然係講旅遊 , 不過就唔係景點 , 而係航空公司 .
早日(2月12日)睇報紙 , 介紹呢間航空公司 , 話有特價機票 , $66 飛大阪 .
好坦白講 , 超特價機票呢家野 , Blog友 コーさん 都介紹唔小 ,
不過 ~ 邊度夠果D專業搶票手快丫 , 所以都不以為然 . =_= !!
過幾日後(2月14日)又睇到佢既報導 .
於是上佢網頁睇睇 , 發現佢地有由 大阪 上 新千歲 既機票喎 ,
時間亦都唔錯 , 價錢比幫襯開既 ANA 套餐仲要平一截 ,
價錢都唔係最重點 , 重點係去果程有凌晨機 , 之前講過好多次 ,
凌晨機感覺上著數左一日 , 抵玩好多 . ^_^ !!
我只係試過一次就取消左 , 依家搵到呢一間 , 希望又一次重燃 .
再跟住睇報紙 , 見到佢既新聞 , 好似話發牌方面有D問題 .
咁即係點呀 ? 如果幫襯左佢地Book機票 , 跟住唔發牌 , 係咪唔算數 ?
另一方面 , 想請教各位Blog友 , 有冇人幫襯過呢間 捷星 ?
D機得唔得呢 ? 會唔會好殘 ? 服務方面又如何呢 ? 又會唔會延誤當食生菜呢 ?
(呢度講 ~ 呢度散 , 聽講 香港航空 既班次經常延誤 , 印象比較負面)
計過條數 , 如果幫襯 捷星 , 有得揀位唔包寄艙行李果個Plan ,
同 ANA 比較 , 可以慳到大約 $2000 .
二仟蚊港幣喎 , 假設拉麵1000Yen一碗 , 0.065計算 ,
足足可以食到30碗 , 都咪話唔小呀 . XD
本來 ANA 都好理想 , 不過冇凌晨機 , 所以先想 蟬過別枝 ,
依家搜集多D資料再睇下點先 .
Bye Bye !
我反埋年三十,年初一開始放假。初五,初六就攞自己既年假,初七啟市。
回覆刪除咦 ~ 咁搏殺 , 好丫 . 能者多勞 , 今年搵多D . ^^
刪除你就好啦, 我D假清哂盤, 年30先收爐, 年初五就要啟市 >_<
回覆刪除一年流流長 , 咪放多幾日囉 , 長命功夫嘛 . ^^
刪除我都要留假,所以只放半日,初五就開工大吉。
刪除Maggie, Kaykie : 初五開工對我黎講實在太早咯 . ^^
刪除我已經習慣初四初五開工,除非過年去旅行,否則唔會特登攞假^^
刪除Maggie, Kaykie : 哦 ~ 不過你閒日假多 , 過年休小幾日戥番勻佢 . XD
刪除我都好少在農曆新年前後攞假,今年太攰,所以攞兩日休息下。
刪除1733 : 你就黎去韓國自駕遊 , 好緊張既呢 . ^^
刪除點解咁緊張?驚我唔識返黎?
刪除樂而忘返,哈哈!
刪除師公,韓國係左軚定右軚架?
man wai, 我都唔係好多假,不過返5日工d假就變咗好使d^^
刪除1733 : 可能太過投入啦 , 一聽到韓國 , 就諗起言語不通兼左軑車 ,
刪除所以有D緊張 , 不過 ~ 應該難你唔到既 . ^_^ !!
Maggie, Kaykie : 根據資料 , 台灣 & 韓國 都係左軑車 , 所以自駕遊咪預我 . XD
刪除係左軑車黎架
刪除Maggie, Kaykie ; 唉 ~ 打工仔 , 為左假期好駛D , 都要各出奇謀 . haha ...
刪除1733 : 因為我平時冇楂開車 , 所以唔係咁夠膽挑戰左軑車 . =_= !!
刪除完全明白
刪除左軚加甲骨文,睇嚟都好難說服我家老爺喺韓國揸車>_<
刪除Maggie, Kaykie : 我直情完全唔會考慮添 . haha ...
刪除我而家要將景點名稱和地址既中文轉變為甲骨文,好讓在韓國可以問路及輸入GPS時有得對呀!
刪除1733 : 好艱巨既任務呀 .
刪除1733兄, 大製作喎 @_@
刪除唔想製作都唔得啦。唔識韓文,到時想問人或者想認下d韓文係乜都無資料在手嘛。
刪除此留言已被作者移除。
回覆刪除我公司年三十放半日,我攞埋上午假。
刪除我上次去北海道係搭Jetstar,銀色機身好型果架。香港飛大阪唔知係唔係一樣機種,個位都舒服夠闊架。
Maggie, Kaykie : 好 ~ 收到第一個評語 , 好在係好評 , 信心多左D . ^^
刪除Maggie, Kaykie : 係喎 ~ 唔講番差D都唔記得 , 當日仲話部機銀色 , 成部戰鬥機咁款 . XD
刪除去年我囡囡都係大阪轉Jetstar去札幌,都冇投訴。
刪除Maggie, Kaykie : 口碑唔錯咁喎 . ^^
刪除搭過兩程都冇問題,唔知係唔係好彩啦:-D
刪除Maggie, Kaykie : 應該唔關彩數事掛 , 咁啦 ~ 再收多D風先再定奪 . ^_< !!
刪除今日再睇真D細則 , 真係要詳細咁度一度 . =_= !!
刪除今日Jetstar見報喎~
刪除Mandy 姐係咪呢單,【航機延誤】Jetstar早機變夜機 玩謝逾百乘客
刪除好似都幾大獲,所以 manwai姐真係要諗清楚
Bingo~ 就係呢單, 都真係幾慘情, 好似話呆等咗成12粒鐘, 平機票有辣有唔辣, 好睇彩數
刪除Fung Mandy : 好似話往 新加坡 航班有延誤 . =_= !!
刪除我諗都唔會幫襯 Jetstar 咯 .
刪除祝小姐靑春常註, 橫財就手 ^^
回覆刪除青春常駐之餘 , 仲要橫財就手 ~ 啱聽 . haha ...
刪除多謝晒 , Yeah !!
請問各位師兄師姊, 五月出發要book酒店未?
回覆刪除見 コーさん已經搞掂, 因為呢次人多去, 所以驚book唔到
要book,我今日都book緊八月尾酒店。
刪除友季 : 幾時先至係最佳時刻 ? 真係問倒我 ?
刪除我一向都係出發前個半月先開始做野 , 不過個個人都唔同 ,
或者我得一個人兼所有野都可以自決 , 所以比較簡單 .
既然 コーさん 都話要 , 咁就要跟風咯 . ^^
我都係買左機票就開始做野架喇!做妥晒就安心晒。
刪除尤其是你話人多添,無房咁就頭痕喇!
又多一位支持 , 咁就要快喇 . ^^
刪除我今次諗住個半月前先book, 因為見有D酒店未放, 少咗好多選擇
刪除Fung Mandy : 個半月都OK既 , 有時太長遠 , D酒店都未做野 .
刪除コーさん: book緊八月尾酒店??? 宜家離八月尾聽講仲有半年喎老細 -_- !!
刪除Fung Mandy: 個半月前先book? 咁又唔好咁敏水, 因為如果遇啱啲祭典真係會book唔到架.
man wai 姐Jetstar真係要諗清楚, 今日廉航又有工潮, 印尼廉航獅子航空又出事啦.
友季 : 哦 ~ 度度都唔同既 , 就好似我咁 , 5月尾係淡季 , 幾時Book都得 .
刪除コーさん 8月尾暑期 , 部份酒店可能緊張D , 所以就要預鬆D .
至於Jetstar , 真係要好好咁考慮 , 不過罷工呢樣野 ,
邊間航空公司都有可能發生 , 好睇彩數 . =_= !!
我唔係講笑。有一間洞爺温泉酒店,早幾日book,我想要嘅日子居然full,要改後一日先有,行程都要改埋。
刪除另一間,click落去,合價錢的plan剩兩間房,book要online prepay,我都俾左錢先(可以refund)。呢間小姐都識,湯の川渚亭。
LCC去北海道,Peach(大阪轉機),Vanilla(成田轉機)都有,兩間都係ANA子公司。
コーさん : 你經驗咁豐富 , 當然唔會質疑你啦 . ^^
刪除函館 湯の川渚亭 ? 呢間我未住過 , 只係經過見到 . 應該係一間唔錯既旅館 , 所謂好野自然受歡迎 .
Peach & Vanilla 兩間都聽過 , 屬於 ANA 差極都有限 , 反而 Jetstar 官司纏身 , 真係有D驚 .
此留言已被作者移除。
刪除コーさん老細唔好咁勞氣, 友季真係有日book唔到要改行程, 真係so say, コーさん老細確係有道理.
刪除man wai 姐 Vanilla 友季都想試吓, 不過今次人多唔敢博, 下次必試.
友季, 多謝提醒, 請放心, 我5月中出發, 山陰山陽應該無祭 ^^
刪除友季 & Fung Mandy : 祝你地玩得開心D . ^^
刪除man wai, 你都就快出發啦, 行程度成點呀~ ^^
刪除Fung Mandy : 唉 ~ 一言難盡 , 遲D再公佈啦 . =_= !!
刪除我果個都度到好頭痕 >_<
刪除Fung Mandy : 哦 ~ 唔係講呢D , 係關第二D事 .
刪除有時早book(early bird)都好平既。好似身舊年去德國,5月已經book好晒德國既住宿。平均一晚4百幾。有blog友問我點解房價會咁平,佢睇極都無咁平。就係我剛6遇上做特價囉。
回覆刪除(平均一晚4百幾) 德國都有咁平既酒店 ? 印象中應該係貴到啊媽都唔認得 . XD
刪除睇黎除左封你做 台灣通 之外 , 仲要加埋 德國通 至得 . 勁呀 !! haha ...
1 我早訂房
刪除2 我住既大部份都係平價酒店,同時對唔開車既朋友黎講係唔係幾方便。但自駕黎講就好正,離開快速公路好快就到,但又唔會好嘈。最緊要仲係免費泊車。
台灣通和德國通似乎跟我無關噃。
德國就唔知 , 好多Blog友去台灣都係睇你網誌 , 收視爆燈 . ^^
刪除哈哈,收視爆燈?呢D係yahoo blog既事黎咋。而家唔同晒架喇!
刪除認同1733兄說法, yahoo blog年代收視真係好好多 >_<
刪除1. 嗰陣時係寫blog既熱潮
刪除2. 我地寫都唔係為左有幾多人睇而寫,當然人多睇個個都會開心。
3. 自從開始寫blog後,我喜歡寫blog。所以我會繼續寫落去架。
我寫blog係幫助自己記憶,年紀漸大記性無咁好,唔寫低會好快唔記得自己去過咩地方
刪除由2007年開始到宜家寫吓寫吓原來都已經寫咗超過30個遊記總共5百幾篇,我都喜歡寫blog,可以同人分享,總之旅行繼續去,blog就繼續寫
1733 & 3J 家庭 : 最初在 Yahoo 寫網誌 , 只為抒發情緒 , 乜野主題都寫 .
刪除後尾轉寫旅遊 . 最後(即係依家)以寫旅遊為主題居多 . ^^
我同以上各位blog友心態一樣, 雖然曾經停產過一段時間, 是因一個"懶'字 :P
刪除但好似3J家庭話齋, 唔寫低好快唔記得, 所以黎梗都係會 blog照寫, trip照去 XDD
Fung Mandy : 網誌既野 , 各有各原因 , 只要寫得開心就OK . ^^
刪除3J家庭,我like總之旅行繼續去,blog就繼續寫。
回覆刪除我都係07年開始寫blog架。
我由2007年尾開始在Yahoo掛單寫網誌 , 佢執左就轉過黎 .
刪除好老實講 ~ 熱情有些小冷卻 . =_= !!
我都好似是07年尾開始寫blog咁上下 :P
刪除曾經冰封自己, 就是man wai, Maggie既熱誠把我溶化, 反而現在有股推動力想繼續寫下去 ^^
寫blog我仲有所得著添,就係在blog上認識左好多朋友,有好多好多未見過面,也有好少部份聚過,而且而家仲有保持聯絡添。去台灣探blog友更是其中之一個節目。
刪除Fung Mandy : 講到我好有影響力咁 . XD
刪除1733 : 探訪台灣Blog友 ? 對方果然好客 ,
刪除換左我就未必有時間招呼外地黎既Blog友 .
有幾個blog友仲邀請我地去佢家渡宿一宵添,仲唔止一次添呀!
刪除平時台北有個blog友,如果遇啱我在星期六或日在台北附近,仲會帶埋我地去台北,新北市附近玩一兩日。
1733兄果然相識遍天下 , 佩服 !!
刪除我都估唔到會咁架,係大家比面咋。
刪除我諗外國人一般都會比香港人熱情 . ^^
刪除都係架
刪除台灣不是“外國”人吧。
刪除我地睇就一定唔係,台灣人睇,佢地有部份唔認同係中國人,佢地會話係台灣人。
刪除我响日本會話我由香港嚟係香港人,曾經有日本人問我香港係咪講中國語,我會同佢哋講香港人係講廣東話,雖然佢哋唔係太明白,但我依然都會係咁講囉...
刪除コーさん : 基本上台灣人我都當佢係外國人 . XD
刪除1733 : 台灣人唔認做中國人 , 呢方面都可以理解 , 就好似香港人都唔認自己係中國人一樣 .
刪除3J家庭 : 呢方面我都好似試過 , 民宿老闆個朋友 , 唔知道中國語(普通話) 與 廣東話有分別 .
刪除呢幾年出外都係日本,入境表國籍,國家,城市就全填HK。
刪除係日本唔好填中國,由日本寄信/郵包,國家有香港,台灣,中國選擇,填中國應該會寄失!XD
コーさん: me too
刪除一路都係填HK.
現在都係用緊BNO.
1733: 特區護照平過BNO係真不過免簽證既國家多過BNO很肯定錯.
在日本用BNO, 日本人會當係BC. and I prefer they speak English rather than mandarin. Of course, the first choice is Japanese.
係喎,多謝友梨update我既資訊呀!
刪除截至2014年9月3日特區護照免簽證國家有151個。
截至2014年8月31日BNO護照免簽證國家有184個。當中包括有中國、香港和澳門。
呢樣其實冇乜所謂 , 因為個Passport淨係用黎去日本 , 其他國家免唔免簽都唔理咯 .
刪除以前我填國籍是填英籍,外國人問我,我就話係香港人。當時完全無國家既感覺。因為我覺得英國和中國都唔會當我係佢地既國民。而家我填國籍係中國籍,人地問我,我就話中國香港人。
回覆刪除但97後我就覺得我有返個真正既國籍噃
刪除相信好多香港人都係一樣 , 回歸前填英國籍 , 家陣就填中國籍 , 但口裡就話自己香港籍 . XD
刪除就好似領取特區護照既人數 , 點都高過BNO .
刪除特區護照平過BNO同埋唔洗攞簽證既國家多過BNO喎,精明既我地,一定識揀既
回覆刪除1733 : 我都係用特區護照 , 脫離左BNO , 都唔知道行情咯 .
刪除乜原來係咁 , 唔講真係唔知 .
我本 BNO 喺 98年去high commission 寄去英國剪左角兼仲要比行政費 :)
刪除睇番本舊 passport, 80年代果時去日本都要申請 VISA
刪除t先生:80年代你去日本果陣友季仲鴨緊片,真係失敬失敬-_-#
刪除我依家本BNO 都係佢7月減價之後換,真係好o靚, 每頁都有英國風景做background ,睇你點睇啦,友季就覺得抵。
利申:友季英國讀大學,仲意英國多過中國
總之唔係中國就乜都好!!
刪除友季小姐, 英國好呀, 我外甥都係喺英國讀大學, 我係英國去過㡬個阜, 比較鍾意 plymouth
刪除Mandy 小姐, 如果人生於北韓, 如果有本中國 passport, 你會唔會袋住先呢 :D
我哋响回歸前申請及成功攞到居英權,响97年將本BNO換咗英國護照,因為太好用所以一直用到宜家
刪除最好係最麻煩嘅美國唔駛簽證(去過2次),仲有宜家好多人喜歡經常去嘅台灣都唔需要簽證,加上阿仔去英國讀書又唔駛做學生簽證
到宜家我哋仲未覺得有需要去攞特區護照
我都係鍾意英國多過中國
t : 80年代已經去日本 , 果然係前輩中既前輩 , 勁 !!
刪除友季 : 在英國讀大學 , 果然係知識份子 , 佩服 !!
刪除3J 家庭 : Wow ~ 有英國護照防身 , 直情勁到冇朋友 , 利害 !!
刪除t : 如果真係咁唔好彩 , 我諗都要袋住先 . =_= !!
刪除曾俊華話既"我哋都係香港人應為此感驕傲"
刪除小姐, 大小姐早在七十年代中期已登陸日本 ^^
刪除友季小姐, 殖民地末代香港人已是夕陽殘夢, 曾俊華可能話曾經做過受過英國教育既真正香港人為此感驕傲. 廿年後的香港可能撥入深圳市. 寄語可以走就走吧
友季 : 好彩佢唔係話 "新香港人" 唶 . XD
刪除t : 70年代中期就去日本 ? 唔通睇完 前程錦繡 , 所以想去玩番趟 . ^^
刪除廿年後既香港 , 真係不敢想像 . =_= !!
廿年後既香港 , 不消廿年香港已毀, 走得好走, 比97回歸更不敢想像 >_<
刪除觀孚現在人口, 強國人種比香港土生土長人口還要多!!
我覺得現在同住在深圳已沒分別, 落街聽到的總是唔咸唔淡的廣東話, 撞口撞瞼都是強國人
幾歲孩童講粗口以成文
好坦白講 , 唔好話冇能力移民 , 就算有能力 , 要離開自己土生土長既地方 ,
刪除去一個完全陌生既地方重新發展 , 果種心情實在太過無奈 .
小姐, 前程錦繡你都識 ^^
刪除https://www.youtube.com/watch?v=Uy3WPxAAX0I
鳥取呀, 我都想去
移民老實説是頭一年不習慣後就會適應, 你咁後生又成日單拖冒險, 可能一頭半個月就無問題
t : 前程錦繡聽都聽過唔小啦 , 當年因為佢 , 唔小人走去學日文 .
刪除鳥取確實係唔錯 , 不過唔知幾時會去 . =_= !!
如果舉家移民還可以 , 單獨一人好難頂既 .
By the way 前程錦繡的主題歌名好似係叫做"錦繡前程"
刪除man wai 姐 t先生說得對, 後生女好快適應
嫁去外地咪得囉!
刪除阿珍嫁左人 ^^
刪除https://www.youtube.com/watch?v=wbr36jY-APQ
雖然香港真係好唔掂 , 不過我從來冇諗過移民 . =_= !!
刪除唔好諗移民住, 諗你個5月行程前啦, 要 book 野啦 (-_= )
刪除友季 : 唉 ~ 一言難盡 , 遲D再向大家解釋 . =_= !!
刪除五月未訂?機票都confirm左卦?
刪除小姐係未訂婚還是未訂 package 呀 ^^
刪除コーさん : 今個星期日再詳細公佈啦 .
刪除t : 有得個 唉 ... 字行頭 , 一定唔係好野 , 等多幾日 , 禮拜再向大家公佈 . =_= !!
刪除上次去新加坡都係坐 JETstar , 都OK 呀...
回覆刪除如果唔係特別唔好彩既話 , 應該冇乜問題掛 . ^^
刪除如果Jetstar Japan,佢地code share with JAL。
刪除コーさん : 同日航有關連 , 信心又贈加番D . XD
刪除