(以下網誌內容可能令人情緒不安 , 敬請各界留意)
Hello !
今日係3月7日(年十七) , 農曆年氣氛稍減 ,
係時候講解何以咁耐都冇更新網誌 .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
在新春年假初期 , 家父不幸離開了我 , 失去父親果種傷痛 ,
絕對難以用言語或文字來形容 , 如果真係要搵個形容詞 , 悲痛莫名 一詞較為貼切 .
平時聽到有人離世既消息 , 大多數都係聽完就算 , 最多都係愕一愕然 ,
今次發生在自己身上 , 發夢都估唔到 , 原來可以痛得咁交關 .
與父親的關係雖然未到無所不談既地步 , 我會形容在良好之上 .
收到消息初期 , 正式係晴天霹靂 , 寑食難安 , 食飯只係將D野放落口 ,
完全不知其味 , 晚上失眠到夜一夜才能入睡 , 經常想著從前生活點滴 .
心想 : 父親離開了 , 縱然俾晒全世界我又如何 ? (當然全世界唔會俾晒我)
另一方面又想過正常生活 , 盡快忘記傷痛 , 不斷在網上尋找方法 ,
見過無數安慰字句 , 全部都明白其含意 , 可惜傷痛依然 ,
對任何事都冇晒興趣 , 更枉論更新網誌 , 到依家稍為遠離新春 ,
先至將呢個消息公佈 , 免得影響大家新春情緒 . (始終都係我既事)
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
直至到呢一刻 , 傷痛仍然未能克服 , 心神恍惚之餘 , 對任何事都冇興趣 .
旅遊一事已經取消 , 對於想睇旅遊網誌既Blog友 , 只能講聲 : 抱歉 !
而呢度暫時都要休息一排 , 等遲D心情回復之後 , 先至探訪大家 .
不過真係唔知幾時先至可以痊癒 .
最後 ~ 如果因為我既事而引起大家情緒不安 , 只能再講一聲抱歉 .
暫別的 Bye Bye !
暫別的 Bye Bye !
不必刻意忘記傷痛,或者讓情緒發洩出來會更舒服,只有讓時間慢慢沖淡悲痛,take care ~
回覆刪除有心 ~ 要忘記傷痛現時根本係冇可能 , 暫時只有用時間呢個方法 .
刪除父親永遠留在你心中,這只需記得便可!!安慰的說話不懂說,希望你能盡快得到平靜!!
回覆刪除有心 ~ 依家隨時都可以想起父親點滴 , 正式係在心中 , 不過很痛 .
刪除我都希望可以盡快平復心情 .
小姐, 我已前總覺得人生在世可能只是人生旅行中的部分, 或者在某天某種環境再㑹重聚
回覆刪除送首歌給你
https://www.youtube.com/watch?v=AeoeU37CmvY
有心 ~ 父母恩 , 果然係好歌 , 多謝 !
刪除知道這消息很難過, 友季完全明白家人離世的傷痛, 友季也經歷喪偶之痛, 箇中的哀痛、傷悲,並不是三言兩語可以表達
回覆刪除有心 ~ 家人離世真係令人好傷痛 , 比肉體的痛還要痛 , 真係冇野可以形容 , 依家講左出黎 , 抒發下 , 平復了些小 , 康服中 .
刪除這消息令友季勾起回憶,曾經有多少個晚上徹夜難眠,今晚友季和您同哭,悼念親人
刪除相信您父親已化為千風, 時刻守護著您們
刪除以下的一首詩
"在我的墳墓前 請不要哭泣
我並沒有在那 我並沒有長眠在那
千風 我已化為千風
正翱翔在浩大的天空裡
秋天我化為陽光 遍照在田野間
冬天我化為白雪 像鑽石般閃亮
晨曦時我化為啼鳥 喚醒你
夜晚時我化為星星 守護你
在我的墳墓前 請不要哭泣
我並沒有在那 我並沒有長眠在那
千風 我已化為千風
正翱翔在浩大的天空裡"
據說是在2006年日本「紅白歌合戰」,木村拓哉朗讀,之後由聲樂家秋川雅史唱出。
https://www.youtube.com/watch?v=jcRBtTtP9f8
秋川雅史唱另一個更華麗的版本:
https://www.youtube.com/watch?v=WXPet3vhg9I&list=RDruqiJ08LGxY
可能秋川雅史是聲樂家,唱得太原完美,聽多了反而覺得由原作者新井滿唱出,有一些淒然的缺陷更好:
https://www.youtube.com/watch?v=Lt43pjM80Hc
這首由新井滿所作的歌,唱出了至親離世,在世的人仍然極度思念的感覺,可以說是最接近我內心的感覺,我幾乎每次聽都感觸落淚。
攪到你咁唔開心 , 真係唔好意思 .
刪除遇然在 youtube 找到這首歌:千の風になって
刪除據說是在2006年日本「紅白歌合戰」,木村拓哉朗讀,之後由聲樂家秋川雅史唱出。
https://www.youtube.com/watch?v=WXPet3vhg9I&list=RDruqiJ08LGxY
在我的墳墓前 請不要哭泣
我並沒有在那 我並沒有長眠在那
千風 我已化為千風
正翱翔在浩大的天空裡
秋天我化為陽光 遍照在田野間
冬天我化為白雪 像鑽石般閃亮
晨曦時我化為啼鳥 喚醒你
夜晚時我化為星星 守護你
千風 我已化為千風
正翱翔在浩大的天空裡
生離死別總是讓人感傷, 相信您父親已化作千風守護著您們
友季 : 多謝你呀 , 歌詞很有意思 . (雖然唱腔有點像 飛越十八層 主題曲 難為正邪定分界 的一般高音)
刪除依家已經好番好多 , 仲要D時間復修 .
sorry po 錯link, 本來想po 呢個合唱版:
刪除https://www.youtube.com/watch?v=tXWQw9BnglU
不過呢個嬸嬸好似唱得比較平易近人一啲
https://www.youtube.com/watch?v=N7ZL6gA9xGA
唱出了至親離世,在世的人仍然極度思念的感覺,我幾乎每次聽都感觸落淚。
真係有心 ~ 聽完的確有另一種感覺 .
刪除話時話 ~ 呢首歌都有好多個版本 , 我比較喜歡呢個版本 .
https://www.youtube.com/watch?v=QB61ofvLrOU&list=RDruqiJ08LGxY&index=8
點都好 , 再講多聲多謝 !
Take Care~
回覆刪除痛失親人果種感覺, 真的比切膚更痛, 雖說時間可以沖淡一下, 但每當想起往事種種都會痛哭流淚
安慰的說話我也不懂多說, 希望你傷痛既心靈早點平復, 願主祝福你~
有心 ~ 正如你所講 , 每次諗起都會流淚 , 甚至電視劇傷感的情節都會流淚 .
刪除家陣都冇晒辦法 , 只有用時間黎沖淡佢 .
只有你自己才可以幫到你盡快走出憂傷,希望你能盡快投入正常生活。
回覆刪除有心 ~ 不過欲速不達 , 呢D野要慢慢平復 , 我都想盡想OK .
刪除節哀順變,man wai 的父親相信都希望 man wai 早日走出傷痛,重新開展自己的人生。
回覆刪除有心 ~ 依家都好過最差果陣 , 再俾D時間啦 .
刪除好明白你現在心情,我都唔識講安慰說話,只希望你保重身體,盡快平服心情~
回覆刪除有心 ~ 有大家支持 , 相信一定可以克服傷痛 . .
刪除希望傷痛後可從新出發
回覆刪除保重,望心情能夠儘快康復
有心 ~ 所謂一切隨風 , 依家用時間黎修補傷痕 .
刪除保重,我都是過來人。
回覆刪除當年辦完事後,過兩個月我都出門散散心。
有心 ~ 我就未必有咁豁達 , 恐怕要多些時間 .
刪除R.I.P. ... Take care!
回覆刪除有心 ~ 依家好好多咯 , 不過仲要多D時間平復 .
刪除依條路都係人生的一部分,其實都係要靠時間去幫助,希望你都可以盡快收拾心情。
回覆刪除有心 ~ 係呀 , 呢D野急都急唔黎 , 靠晒時間黎治療 , 不過真係好痛 .
刪除Man Wai,
回覆刪除節哀順變, 唔好太過傷心...
有心 ~ 傷心就難免 , 希望可以用時間黎沖淡佢啦 , 不過唔知幾時唶 ,
刪除都係果句啦 ~ 急唔黎既 , 欲速反而不達 .
節哀順變,父親只是去了另一個更好的世界,但佢永遠活在心中,慢慢平復好心情,傷心過後,同朋友去見下面,散下心,
回覆刪除吸收多D正能量,希望你可早日平復過來,希望可以早日見番以前開朗既敏慧
You will never walk alone 小頭永遠支持你
有心 ~ 依家都好返好多 , 不過要回復惜日笑容 , 相信仲要多一段時間 .
刪除點都好 , 多謝你與及各Blog友既支持 , 好Warm呀 .
man wai, hug hug, 永遠支持關愛你 ^^
刪除Fung Mandy : 多謝你們 , 有你地支持及關愛 , 康復得快D .
刪除sorry to hear that, take care
回覆刪除有心 ~ 我會好好保重 .
刪除非常了解心情~我老媽是因cancer離世(5年前)~慶幸我跟老媽關係不錯~她離開時雖然傷心不至於有遺憾~
回覆刪除幸好你也一樣~總算是曾經快樂地與父親渡過某一段人生
勾起你既傷心事 , 真係過意唔去 .
刪除有心 ~ 我都認同你既講法 , 總算曾經快樂地與父親渡過某一段人生 .
不過人總係貪心 , 心裡希望可以與父親再聚數年才分開 , 可惜事與願違
依家希望用時間來洗擦心裡面既傷痕 .
3月15日, 白色情人節剛過去. 小肥過年前都有d 唔開心事. . . . 唉,
回覆刪除人大咗. 基本上已經唔會同呢d 事分得開. 只系, 唔希望直接發生喺親人身上 及日日遇到就系.
好好休息. 我都要.
加油啦!!
有心 ~ 見到好多網頁 , 都有呢類消息 , 睇黎真係好普遍 , 只能夠睇開D , 用時間清洗傷痕 .
刪除大家都加油啦 .