2015/04/01

亞視氣數已盡 ?




Hello ! 


呢篇電視牌照風波 , 本來應該尋日出街 , 

不過知道件事並唔係咁簡單 , 諗住Hold多一日睇下點 , 

點知果然開口中 , 真係峰迴路轉到冇朋友 .

~~~~~~~~~~~~~~~~~~~~~~~~~~~~~~~~~~~~~~~~~~~~

首先有 王征 訪問羅生門事件 , 一時話有講亞視氣數已盡 , 跟住又話冇 . 

再黎就係亞視新聞報導話將賣股權予王維基 , 之後訪問佢又話冇D咁既事 .

輪到今日 , 先有亞視搵到個叫做 滙友資本 既買家 , 

再黎就係發展局局長 蘇錦樑 決定唔再向亞視發牌 , 

最後就係行政會議決定向電盈旗下的香港電視娛樂 , 發12年的免費電視牌照 .

起初仲以為係 王維基 果間香港電視 , 原來攪錯左 , 佢果單仲響度審批中 . 

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

其實我最有興趣既都係兩個消息 , 第一單係亞視不獲發牌 .

第二單係 王維基 買亞視 . 

好話唔好聽 , 除左 亞洲小姐 之外 , 平時都冇乜點睇亞視 , 

但人就係咁 , 有果陣就唔會望多眼 , 依家臨別秋波又覺得可惜 , 

話晒都叫做集體回歸嘛 .  XD

輪到 香港電視 , 雖然佢D網劇口碑好似唔錯 , 不過我都未試過睇足一套 .

頂多都係久唔久睇一集半集 , 聽講佢果套 導火新聞線 好似好好睇喎 .

如果佢正正式式有個電視牌 , 相信我都好有興趣追睇佢D劇 .

好過成日都睇 TVB 果D嘛 . 

Bye Bye !

8 則留言:

  1. 哈哈,一聽到王維基有興趣買亞視,689即刻話唔續牌,點都要趕絶姓王既。

    回覆刪除
    回覆
    1. 其實究竟係佢唔妥王維基 , 還是奉命行事呢 ?

      刪除
  2. 我就真係好少睇亞視,就算睇都只係睇新聞><

    回覆刪除
    回覆
    1. 我連新聞都冇睇佢 , 只係睇有線 . XD

      刪除
  3. 免費電視, 有JP time 同跑馬至睇亞視, 無線只睇新聞, 最多時間睇港台31

    回覆刪除
    回覆
    1. 咦 ~ 鹹魚青菜 , 各有所愛 . ^^

      刪除
  4. 幾年前我有睇亞視新聞及英文台既節目架。尤其是英文台既紀錄片唔錯架。
    黃維基實有D野係大家都唔知既,如果唔係唔會咁既。

    回覆刪除
    回覆
    1. 亞視國際台我記得最後睇佢既係 美劇 靈感應 ghost whisperer , 好好睇架 . ^^
      至於王維基 , 真係唔知佢有乜野內幕 ??

      刪除

歡迎光臨 , 如果時間許可 , 請留番個言丫 ~