2015/04/19

一周閒談




Hello !


話咁快又到星期日 , 今次講下本周內既熱話 .

自從股票勁升之後 , 變得全民皆股 , 話說早幾日搭的士 , 

位司機車頭放置部電話 , 起初都不以為然 , 以為佢係八折黨之類 , 

跟住每次停燈位 , 佢都會開機用股票App黎Check價位 , 

咁都得 ? 正式係身在胡邦心在漢 , 好彩唔係長程車 , 

一心二用始終都唔係咁好囉 , 我想同佢講 : 咁辛苦 , 不如就全職炒股啦 , 

以依家既市況 , 只要唔係出世大黑天 (超級黑仔王) 既話 , 

隨時都可以點石成金 , 炒一日分分鐘好過揸一個月的士呀 .  XD

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

下一單 : 有位同事遊泰國返港 , 送左D手信俾我 , 在此特別嗚謝 !

跟手當然係閒談旅遊趣事 , 雖然泰國唔係我杯茶 , 

不過只要係關於旅遊既野 , 我都好有興趣 .   ^_^ !!

話題離唔開強國人 , 一直以黎話佢地點點點 ......

都係由新聞或報紙上得知 , 佢話今日一見 , 果然名不虛傳 .

果D講野大大聲 ~ 唔排隊 ~ 行路橫衝直撞 , 絕對堅過石堅 , 

最攪笑係食自助餐 , 搶食世界之餘 , 仲要攪到D食物天一半地一半 , 

真係要高呼一句中國人誰人亦怕 . haha ...

最慘係當地人唔識分中國人與香港人 , 隨時秧及池魚被仇視都未知 .

要佢地文明旅遊 , 唔隔番三五七代人都好難成事咁話喎 .  >_< !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

都係果句啦 , 所謂樹大有枯枝 , 族大有乞兒 , 咁大個國家 , 

唔會個個都係咁 , 總會有好人與衰人 , 

正如香港人都唔係每一個都文明得晒 , 總會有人累街坊 . 

Bye Bye !

10 則留言:

  1. [講野大大聲 ~ 唔排隊 ~ 行路橫衝直撞 , 絕對堅過石堅]
    我今次在韓國遇到有少部份韓國人, 男女老幼都係講野好大聲, 行埋黎會唔出聲好無禮貌咁推開你架

    回覆刪除
    回覆
    1. 韓國人都係咁 ? 果然係天下烏鴉一樣黑 . haha ...

      刪除
    2. 好多年前响其他地方我已經遇過D好無禮貌嘅韓國,尤其係旅行團嗰D,講嘢又大聲

      刪除
    3. 我都有同事啱啱韓國返黎,佢話韓國人同強國人冇分別一樣打尖冇禮貌。

      刪除
    4. 3J家庭 : 韓國男性大男人就一向都知 , 估唔到出到國都係咁 , 真係聞名不如一見 .
      不過都可能只係撞正D冇乜禮貌 , 後生一代會好D掛 ?

      刪除
    5. Nerissa : 睇黎好多Blog友對韓國人都有牙齒印 . XD

      刪除
    6. 我以前都打過韓國人工,d韓國同事講野又大聲又冇禮貌 -_-#

      刪除
    7. Maggie, Kaykie : 又多一位對韓國人有負面印象 , 睇黎佢地真係好唔掂喎 . =_= !!

      刪除
  2. E, 小姐今日有無行下荷利活, 掃把佬做緊 roadshow, 我都八掛下架森林人好唔好睇位

    回覆刪除
    回覆
    1. 今日 ? 冇出街喎 , 收唔到風添 , 否則近近地都可以去睇睇 , 可惜 . =_= !!

      刪除

歡迎光臨 , 如果時間許可 , 請留番個言丫 ~