2015/04/06

無啦啦 , 整撻瘌




Hello !


今日頭條 : 台軍官違紀任女星坐阿帕奇 .



呢單料都過左好幾日 , 雖然唔算 update , 不過事件仍不斷在發展中 , 

而且有教育意義 , 襯今日假期有時間 , 一於攪掂埋佢啦 .

事件好簡單 , 早日有位中校招呼親朋好友參觀軍中直升機維修廠 . 

其中有位叫做 : 李蒨蓉既藝人 , 在廠內拍照及上載 facebook 炫耀一番 . 

照片包括屬於軍中機密既 阿帕奇 直升級駕駛艙 與及專用頭盔 .

由於涉及敏感資料 , 引起外界一片嘩然 , 

起初事主都死撐話 : 這有這麼嚴重嗎 ?

直至越炒越大件事 , 甚至有話最高可判監五年 .  >_< !!


而事件仍在調查中 , 每日都有新進展 , 上Yahoo台灣網會多D消息 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

屬於軍用設施 , 好似 航空母艦 ~ 隱形戰機 ~ 坦克車 ~ 潛艇 ~ 

甚至藍霹靂戰機等等 , 無疑係好有型 , 大部份只能夠在電影裡見到 .

普通人能夠見到甚至坐埋上去 , 興奮心情實難以想像 , 

不過除非攞正牌參觀 , 否則搭上搭入去 , 仲要上載FB , 

實在有D不智 , 因為唔單止自己瀨大鑊 , 仲連累埋招呼你果位仁兄 . 

(聽講記左個大過) , 最重要係俾其他國家以為你地(台灣)毫無軍紀 , 

呢樣先至係大件事 .  =_= !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

依家暫時仲未知調查結果 , 有消息再睇下點 . 

Bye Bye !

12 則留言:

  1. 嘻嘻, 又要威, 又要帶頭盔, 果位女星以為鞠躬可以了事, 做埋軍妓都無唔惦啦 ^^
    AH64出得囗應該唔係美國佬最高機密, 不過美國佬唔肯再賣比台灣就大檸樂.

    回覆刪除
    回覆
    1. 除左鞠躬 , 仲話想做義工勞軍 , 不過依家越攪越大鑊 , 相信都好難甩身 .
      果款直升機頭盔聽講好勁 , 除夜視之外 , 仲有機司望邊度 , 支機鎗就向邊度 , 型到爆 .

      刪除
    2. 依家D人乜都要share,又唔諗後果,一味掛住威,真係睇下佢點收科 -_-#

      刪除
    3. Maggie, Kaykie : 我都覺得佢呢鋪真係玩大左 , 有D野真係唔玩得架 .
      依家唱到通晒天 , 總要有人落鑊 . >_< !!

      刪除
  2. 首先係中校私自帶朋友參觀軍營已經唔啱, 嗰位姐姐重要放上facebook大事宣揚, 想唔死都唔得啦! 佢哋實比人咬住唔放咖啦! 睇吓會發展成咩地部啫!

    回覆刪除
    回覆
    1. Shirley : 中校直情係大錯特錯啦 , 招呼親友入去參觀 , 都要了解佢為人 .
      至於李小姐 , 想話佢細路女唔識世界都唔得 . (因為年紀仲大過我)

      刪除
  3. https://www.youtube.com/watch?v=q1N9yhrlKtU

    回覆刪除
    回覆
    1. Wow ~ 駛唔駛勁得咁交關呀 , 十足十打機咁款 .

      刪除
  4. 呢單野在台灣攪到好大,早前復活節假去了台北走了一轉,晚上回到酒店個個電視台也是講呢件事丫

    回覆刪除
    回覆
    1. 咦 ~ 去台灣玩喎 , 正丫 . ^^
      個個電視台都講 , 又真係炒得幾大喎 .

      刪除
  5. 有D野唔洗樣樣都要教嘅, 最重要係識得用個腦諗就真.

    回覆刪除
    回覆
    1. 無辦法啦 , 好多野都要經一事長一智 .
      不過近排香港都冇呢單料既跟進新聞 , 唔知攪成點呢 ?

      刪除

歡迎光臨 , 如果時間許可 , 請留番個言丫 ~