Hello !
攪左幾個星期既 LED TV 選購事件 , 終於塵埃落定 .
並於日前正式收貨 , 揀左既就係 Blog友 t 推介既 LG 42UB8200 .
(在此特別嗚謝 t先生既好介紹) ^^
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
至於點解揀呢部 ? 其實純粹投緣 , 皆因部部睇落都係差唔多 ,
真係好難揀架 , 而價錢呢 ? 網上既 Price 網站平均價錢係 $5480.00
我在百老匯入貨 $5980.00 雖然價錢比較貴 , 不過包送貨 & 安裝 ,
仲有其他野送 , 拉上補下都可以接受 , 就當係大舖頭既信心保證啦 .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
落單之後就等送貨 , 送貨及安裝同一日內攪掂 , 不過就分開兩次 ,
所以要同公司請假收貨 , 休足一日冇得走雞 , 而襯頭尾時間順便執屋清潔 ,
平時唔多覺 , D萬年塵真係抹到手軟 , 原來執屋比開工還要辛苦 .
當日上午首先收到部電視 , 不過唔好郁佢住 , 等師父上黎安裝 .
依家講解一下除左部電視之外仲包D乜野 .
首先係主角 , LG 42UB8200 一部 , 請查收 ~
雨遮一把 . (呢樣啱用呀 , 屋企正缺長遮)
4K HDMI線一條 . (1.8m)
電視天線一條 .
Hyundai 500GB 2.5" 硬碟一個 .
LG BP135 藍光碟機一部 .
大家樂贈券 . (頭先已經用左) ^^
收齊貨之後 , 等師父上黎安裝 , 上到黎首先拆開包裝盒 ,
拎部主機出黎 , 再用螺絲上腳架 , 跟住將電芯入落遙控器 .
就係呢個遙控喇 , 古古怪怪咁 . XD
插好電源及天線就可以開機 , 首先部機確認個遙控 , 跟手就係Set台 ,
Set齊晒十零個台之後 , 係咁咦再講解一下 , 簽收就可以鬆人 ,
過程相當簡單 , 自己攪掂都得 .
我諗其實師父上黎安裝最大既意義 , 就係由佢拆箱証明部機冇穿冇爛 ,
否則死無對証 , 口同鼻拗就無謂啦 . =_= !!
另外一樣要講既就係佢既說明書 , 印得非常簡單 , 好多功能都係靠自己慢慢摸索番黎 ,
印詳細D都唔怕死啦 . (不過又唔係咁深奧 , 慢慢摸索始終都會攪得佢掂)
開機節目示範 , 星期五晚明珠台 賈神探 ~
H&M 廣告 .
部電視42吋 , 在電器舖陳列果陣又唔覺得大部 ,
放在屋企覺得都幾大部喎 , 畫質仲好掂添 ,
一陣英超煞科大戰可以慢慢欣賞 , 正 !!
Bye Bye !
P.S. : 佢話個紙皮箱唔好掉住 , 十日內有乜問題可以一換一 .
再 P.S. : USB 2.0硬碟錄影冇問題 , 3.0應該唔得 , 不過未試過 .
睇無框電視比濶框舒服, 好似睇住幅畫咁, 我喜歡設定自動節能, 隨環境光暗佢自動調較, 個外置硬碟要喺電視 format 至可以錄影 ^^
回覆刪除雖然8200 唔係頂級型號, 但一般觀賞算平靚正
冇框對於我黎講都幾新鮮 , 唔錯 ~ 自動節能 ? 一於試試佢 . ^^
刪除硬碟要黎錄電視又係一絕 , Yeah !!
如果買到最頂級而壞機 , 會覺得好唔抵 , 所以中價機OK咯 .
E, 小姐個 now TV 換左高清解碼器未? 要用HDMI 線至睇到高清體育台
回覆刪除換左咯 ~ 用體育模式黎播放 , 草地綠油油 , 好睇好多 . ^^
刪除睇左幾日, 感覺點呀? ^^
回覆刪除兩個字 , 掂呀 ~ Yeah !!
刪除起初搵唔到邊度可以格式化個硬碟 , 之後在電腦上將硬碟format , 再插上電視先至可以同步 .
內置記憶只可以錄10分鐘左右 , 依家有500GB , 大把野可以錄起慢慢睇 . ^^
最近開始用LG42UB8200,梳化距離4, 5尺,總覺得畫面偏白及光,
刪除總覺得近睇(梳化距離4, 5尺)總覺得畫面偏白及較光,想參考大家既影像設定用邊種模式,背光,對比,光度,色調等set做幾多?Tks!
Tak Wah Chan : 您好 ! 由於我係首次轉用LED TV , 相比以前覺得好掂 .
刪除至於色彩方面 , 我都係是但咁調較 , 用適合自己果種 , 唔知對你有冇幫助 ?
首先按設置 ~ 進入影像 :
e智能節電模式 : 關閉
影像模式 : 標準(自訂)
背光 : 95
對比度 : 95
亮度 : 50
銳利度 : 20
色彩 : 65
色調 : 0
色溫 : C20
如果有時間 , 不妨講下你係點樣設定 ?
要錄電視節目,用邊隻牌子或型號外置硬碟?曾試過幾個牌子USB 3.0硬碟,都無效。
回覆刪除Hello : 我呢款電視相對依家果D都叫做舊機 , USB 3.0硬碟應該唔得 , (如果有說明書 , 睇下佢係咪兼容)
刪除我用USB 2.0硬碟OK喎 , 乜野牌子就冇留意 , 即係條線一分為二果種 , 睇番最尾張相就見到 , 一陣上載上去 .
請問知道支援最大幾多容量既harddisk呢?
回覆刪除呢樣真係唔知喎 , 我用果個500GB , 都錄到幾多節目架 , 不過我通常都睇完就算 , 唔會長期保留 .
刪除