2015/06/17

體育運動政治化




Hello !


呢篇網誌本來尋晚出街 , 不過要睇果場球賽所以攪晏左 .

今晚得閒一於解決埋佢啦 .  ^^

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

如果有留意開新聞 , 應該知道講緊果場波 , 就係世界盃外圍賽 ,

香港 vs 馬爾代夫 . 

自從英超聯賽煞科之後 , 好耐都冇正式咁睇過一場波 .

雖然技術方面有極大既距離 , 不過加入左本土情意結之後 , 

覺得都幾好睇喎 . (再加上香港隊贏波 , 所以更覺好睇)  XD

而一切就要由呢張海報說起 ...


由於香港隊與中國隊編排在同一組別 , 互相對賽在所難免 , 

中國隊出既宣傳海報話香港隊球員有層次 , 可能係咁 ~ 

所以逼出香港隊十成功力 , 首兩戰連下兩城 , 

分別擊敗不丹 & 馬爾代夫 , 之後仲有好戲連場 .  ^^

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

跟住輪到講番D開場花絮 , 第一場 香港 vs 不丹 , 

開賽前播國歌被噓爆 , 由於果陣場波唔多起眼 , 所以冇乜留意 .

今次呢場 香港 vs 馬爾代夫 , 特登在電視留意點樣噓法 , 

可惜只能夠睇廣告 , 被 J2 Cut左 , 好彩在網上可以睇番 . 

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

我個人認為 , 就算同中國有乜野私人恩怨 , 噓國歌始終都唔係咁好 ,

香港人 (講土生土長果隻) 受慣英式教育 , 對國家觀念唔係咁重 , 

但唔排除內地有D忠黨愛國既死硬派 . 而呢場球賽有可能全世界轉播 , 

遠至山卡啦國家 , 近至北京 , 佢地見到自己國歌咁樣俾人糟質 , 唔慶過辣雞至奇 .

乜野恩怨都可以用其他方法拆解 , 攪人國歌就唔多好 , 

點講好呢 ~ 就好似你擺結婚酒果陣 , 有班平時冇乜兩句既親戚問你倆幾時離婚呀 ?

就算你忍得住唔即時打窒佢 , 內心對佢都會有條刺 , 不除不快 . 

所以下次去人地主場時 , 最好就唔好玩呢味野 , 

否則有乜冬瓜豆腐 , 唔好話我冇單聲 .  =_= !!

Bye Bye ! 

最後 ~ 請大家食個鐵板餐 . Yeah !!



4 則留言:

  1. 就算係都"等埋發叔"

    回覆刪除
    回覆
    1. 發叔 ~ 我來晚了 . haha ...
      呢鋪真係輸得核核突突呀 . XD

      刪除
  2. 先僚者賤唉又吾怪得香港球迷慶呢
    都系食個鉄板餐先啦,話事話無飲點得丫,叫小二整二罐淡麗來隊隊先😋

    回覆刪除
    回覆
    1. 話雖如此 , 佢不仁 ~ 我地都唔可以不義 . XD
      已經有碗 羅宋湯 咯喎 , 仲黎 淡麗 ? 會唔會飽左D呀 ? haha ...

      刪除

歡迎光臨 , 如果時間許可 , 請留番個言丫 ~