2015/06/21

羅漢果煲山渣




Hello !


近排夏日炎炎 , 乜野活動都冇晒心機 , 

就算今日落左雨 , 都唔降溫得幾多 , 唯一節目就係在家煲劇 .

不過都要搵D野黎寫下既 , 就介紹個特飲俾大家啦 .  ^^

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

做法非常簡單 , 連我都識整都唔駛慌有咩野難度 .  XD

先介紹材料 , 當然有主角 ~ 羅漢果 ~

市面上有平有貴 , 貴至10蚊一個 , 平至10蚊4個 , 

通常都係揀D中價 , 大約4-5蚊一個都OK .


跟住輪到 山渣 , 10蚊一大包 , 只需要用10粒左右就夠 .


將兩味材料洗淨 , 羅漢果拆到有咁散得咁散 , 比較容易出味 .


倒落個煲加水 , 其實都唔知落幾多水架 , 求其一滿煲咁啦 .


先用猛火將水煲滾 , 話都冇咁快 , 幾分鐘就滾 .


掀開小小煲蓋 , 煲多10-15分鐘 .


夠鐘就熄火 , 再焗佢10分鐘左右 .


倒出黎攤凍 , 暖暖地飲就OK , 有剩沖起佢放雪櫃 .

飲勝佢 ~ Yeah !!


係咪冇介紹錯呢 , 酸得黎又有D羅漢果味 , 好過飲啤酒 & 汽水 .

最適宜夏天冇乜胃口飲用 , 不過最好都係熱飲 , 

始終飲得多凍野都唔係咁好 .  ^_^ !!

Bye Bye !

最後 ~ 黎番個免責條款 , 呢D話晒勉強都叫做藥材 . 

可能有人體質唔係咁夾 , 飲用前最好都係請教家庭醫生 . haha ...




4 則留言:

  1. 我就煲咗檸檬薏米水,健脾、祛濕、消水腫,酸酸地幾好飲架。

    回覆刪除
    回覆
    1. 唔錯喎 ~ 有時間可以交流一下 . ^^

      刪除
  2. 呢個正喎甜甜酸酸咁,夏天飲特別開胃

    回覆刪除
    回覆
    1. 係呀 ~ 所以呢排經常煲佢 , 變左熟手技工 . ^^

      刪除

歡迎光臨 , 如果時間許可 , 請留番個言丫 ~