2015/06/26

別了 ~ 站長 ...




Hello !


急病離世 , 終年16歲 , 永別了 , 小玉貓站長 !


簡單既標題 , 已經寫出了本篇網誌內容 .  =_= !!

一直深受愛戴既貓站長 , 於本周一已經離開了我們 , 一路好走 ...

就在上個月 , 呢度仲寫左篇 站長 ~ 生日快樂 , 

估唔到相隔冇耐就傳出呢個消息 , 真係有D心up .  >_< !!

睇黎除左珍惜眼前人之外 , 仲要珍惜埋眼前貓 , 如果有養開貓既Blog友 , 

記得對佢地好D , 因為唔知幾時佢會離開 , 認真化學 . 

講開呢隻貓就夠晒傳奇 , 雖然講過好多次 , 不過今次都要講埋 , 

自從 阿玉 成為站長之後 , 令到呢條 貴志川線 電鐵起死回生 , 

將該站成為人氣景點 , 以佢為名既各式各樣精品一律大賣 ,

由本來蝕到空虛轉眼變成賺到開晒巷 ,  如果冇佢既話 , 

相信呢條線都經已摺埋左 , 正式係救世神貓呀 .  ^_^ !!

就連我都想慕名而來 , 一睹佢既風采 , 可惜太遲 ...   

唯有一切在心中啦 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

今後領導該線既重任 , 交由副手 二玉 接替 , 

希望佢可以令到 阿玉 精神 , 繼續發揚光大 , 

好好咁守護住呢條 貴志川線 . 

Bye Bye ! 

4 則留言:

  1. 當日聽到呢個消息時, 真係好唔捨得;
    但見到佢近日報導時既照片, 睇到佢又衰老又憔悴又瘦, 真係好肉痛, 得到解脫也不是壞事;
    相信她正在彩虹橋那邊蹦蹦跳跳呢~~~

    回覆刪除
    回覆
    1. 冇辦法啦 , 始終都年紀大嘛 , 相等於人類80高齡 .
      歌都有得唱啦 : 人終歸總要死一次 ...
      希望佢接班人可以繼續傳承啦 . ^^

      刪除
  2. 希望小玉一路好走,接班人可以頂替到佢呢

    回覆刪除
    回覆
    1. 相信要一段時間先至可以交接得到 , 因為小玉個朵實在太行 . =_= !!

      刪除

歡迎光臨 , 如果時間許可 , 請留番個言丫 ~