Hello !
今日頭條 : 北海道六月飛雪 ...
呢單料係尋日 太陽報 既報導 , 淨係睇個標題都夠晒搶 ,
左下角仲要整番個貓樣 , 認真攪野 . XD
睇完呢單料 , 心諗 : 係咪咁勁呀 , 家陣都成六月過咯喎 , 仲有雪落 ?
莫非正如古人所講 : 六月飛霜 , 必有冤情 ? haha ...
於是上北海道即時監察網站度睇下點 , 情況都唔係報導咁嚴重 .
起碼都唔見地面鋪滿雪既畫面 , 可能只係局部地區性落雪唶 .
記得好耐之前在函館 , 果陣係5月中 , 正午時份曬到爆咁滯 ,
部車泊得耐 , 裡面勁熱 , 要即刻開冷氣 , 幾分鐘之後先至回復正常 .
另外某D山區 , 即使5-6月 , 地上都仲有積雪 , 呢樣都唔出奇 .
其實如果六月份遇到大雪 , 都咪話唔危險 , 因為該段日子租車 ,
通常都唔會叫佢俾雪軑 , 在冇雪軑既情況下雪地駕駛 ,
我就未試過 , 唔知有冇Blog友試過呢 ?
駛慢D得唔得呢 ? 真係要搵各位前輩解答喇 .
Bye Bye !
梗係試過啦, 仲要係勁大雪嗰種, 架車跣到差啲 control 唔到.
回覆刪除http://huinerissa.blogspot.hk/2011/02/138.html
Wow ~ 咁大鑊 , 唔通夏天都要叫佢俾雪軑 ?
刪除嘩! 咁我出年3月中去北海道使唔使叫佢俾雪軑呀?
刪除除非特別情況 , 否則就要睇北海道邊區 ,
刪除3月中我見過有Blog友在 網走市 大雪紛飛 .
自己執生 ~
搭訕: 北海道租佢地會自動幫你裝適合的軑
刪除咁又係 ~ 佢地點都專業D . ^^
刪除咁都好啲^^
刪除Maggie, Kaykie : 唔駛擔心咁多 , 只需要玩得開心D . ^^
刪除要搵包龍星出來查下有咩冤情先得~~
回覆刪除話時話 小弟都開始著手十月的 京阪神之旅, 幾年無去過大阪 , 今次要玩番夠先~~
十月出門依家搵料都差唔多 , 恭喜晒喎 . ^^
刪除京阪神果頭都好多值得遊覽既景點 .
我要明年先可以出門 , 到時我都要玩番餐勁既 . Yeah ~~~
薄雪 okay, 冰就 game over
回覆刪除慢駛都唔得 ? 咁咪要兜路行 , 行到一半先遇到咪大檸樂 ... >_< !!
刪除咁夏天又點會結得成冰....
刪除正常情況當然冇啦 , 唔怕一萬 , 至怕萬一 . XD
刪除