2015/07/27

貓店長 ~ ^_^ ~




Hello !


上個星期掛住煲 最強名醫 第3季 , 

攪到網誌都唔記得更新 , 依家攪掂晒 , (只欠特別篇未睇)

都係時候攪一攪個網誌 , 不過未開始之前 , 有小小野講先 , 

就係香港遲早變騙案之都 . (可能已經係添)

點解咁講 ? 唔計早幾日黑鬼油事件 , 因為果D畢竟只係攪遊客 . 

而呢單就新鮮滾熱辣 , 就呢幾日在公司裡 , 

每朝都會接到個電話 , 係用錄音發聲 , 內容係 : 

您好 ! 我係順豐速運 , 你有一個郵件未領取 , 如需聯絡 , 請按0字 .

聽到呢類電話 , 第一時間都係收線 , 因為我都冇幫襯順豐任何野 , 

又點會有郵件呢 ? 最重要係早幾日睇過 東張西望 , 

有藝人都中過呢招 , 另外仲有報紙新聞 , D電話內容仲誇 , 

又話自己係中聯辦 ~ 港澳辦 ~ FBI ~ KGB等等 ... 

話你收藏多本護照 & 洗黑錢 , 受害人被騙成50萬 , 認真慘情 .  >_< !!

唔知聽朝仲會唔會收到電話呢 ? 如果真係按左0字 , 又會點呢 ?

不過即使收到 , 都會即時收線居多 , D人真係卑鄙 , 唉 ...

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

講左咁耐終於都入正題 , 上星期書展大家有冇大量入貨呀 ?

我就脆脆地入左一本 , 叫做 : 貓店長 .  ^_^ !!


不過並唔係在書展會場買 , 係在 三聯書店 買 , $98.00

好正架 ~ 可惜版權所限 , 唔能夠影裡面內容同大家分享 .

之前每晚臨訓前 , 我都會用手機黎打幾局機先至訓 , 

依家改為每晚睇幾頁 , 好正既呢 .  XD

睇完零舍好訓 , haha ...

Bye Bye !

30 則留言:

  1. 我老公又冇回鄉証,又幾十年都冇返大陸,大陸又冇親戚咪照樣收到啲叫俾錢電話,真係搵食唔知掟睬佢就真係儍。

    回覆刪除
    回覆
    1. 唔通係 猜猜我是誰 呢招 ? 依家D人正式係漁翁撒網 ,
      是但撞中一單都有利可圖 . >_< !!

      刪除
    2. 我昨天都收到呢個電話錄音><,我連猜猜我是誰都收過><

      刪除
    3. Maggie, Kaykie : 咦 ~ 你都接到呢味電話 , 滲透率果然奇高 .
      仲連 猜猜我是誰 都收過 , 勁呀 !! ^_^ ~

      刪除
  2. 嘻嘻, 果個電話錄音係咪講大陸話叫你按0字果個呀? 我都接到跟手按埋0, 有個唔好彩嘅女人收聽, 比我火爆表佢母親蘭花系就收線, 就咁呢排就無接過 ^^

    回覆刪除
    回覆
    1. 如果收到中聯辦電話, 就要問下佢老豆係咪叫中國人定舂瘟雞 ^^

      刪除
    2. haha ... 刁媽拆蟹咁燥底 ? 唔駛掛 , 搵食唶 . XD
      不過我收果個係廣東話錄音 , 並非普通話 , 如果係普通話 , 收線得更快 . ^^

      刪除
    3. 另外若然對方自稱中聯辦 , 咁就要問佢有冇我既資料 , 聽聞叫自己做中聯辦既騙徙 ,
      或多或小都會有受害人既資料 , 如果玩得佢太盡 , 驚俾佢尋仇 , 都係收線算數咯 .

      刪除
    4. 嘻嘻, 小姐你講粗口喎, 應該係炒蝦拆蟹 ^^

      刪除
    5. t : 意思都係一樣唶 . XD

      刪除
    6. 我老公都D7咗佢地祖宗十八代

      刪除
    7. 我好有禮貌架,叫佢揾食行遠啲。

      刪除
    8. Nerissa : D7佢 ? 果然夠豪邁 , 我就做唔出喇 . haha ...

      刪除
    9. コーさん : 睇黎大家都有按0字回應佢喎 .

      刪除
    10. D7佢嗰個係我老公,我都未會講出口喺心入面講啫 XD

      刪除
    11. Nerissa : 咁就算真係D7佢都唔過份 , 錢呢家野就最重要架啦 ,
      咁樣黎出蠱惑 , 唔興就有鬼 . XD

      刪除
    12. 大小姐確實好功夫 :D 唔知點解一聽到大陸話係電話出現我就火都黎埋, 可能我有精神問題, 要去瑪嘉烈睇下專科先 :D

      刪除
    13. 大小姐一向都咁勁架啦 , 好值得晚輩學習 . ^^
      t : 你平時有冇接觸強國人架 ? 如果有 ~
      可能積積埋埋道火無處宣洩 , 所以一聽到大陸話即時扯火 .

      刪除
    14. 我諗依家係香港聽唔到大陸話都幾難, 齋鉛水果班10個有9個半係啦!!!

      刪除
    15. Fung Mandy : 中呀 ~ 你唔講我都想講 , 啟晴村受訪人士當中 ,
      不論收音機或電視媒體 , 九成九講既都唔係純正廣東話 , 真係強國當道 . >_< !!

      刪除
    16. 我不抗拒大陸人, 不過收到大陸喱講大陸話電話, 最重點呢處喺香港, 需然知佢地行騙, 大佬呀, 專業D, 臨記都係專業演員, 講廣東話氹下人開心下啦

      刪除
    17. t : 我次次都係聽廣東話版本喎 , 唔通佢地收到你既意見 , 換個廣東話版本 ?
      頭先新聞報導都有講佢地呢招 , 仲話佢地(騙徙)執唔小添 . =_= !!

      刪除
  3. E, 講還講, 睇黎小姐好想養隻貓咁喎

    回覆刪除
    回覆
    1. 唉 ~ 正式係想還想 , 做還做 , 之前唔記得有冇講過 ?
      玩人地D貓就正唶 , 到自己真係養起上黎 , 就未必有咁好心機打理佢 .
      每日收工得果幾粒鐘 , 又要餵食 , 又要陪玩 , 一兩個禮拜或者頂得住 ,
      耐左感情轉淡攪到互相憎恨就無謂啦 , 自己知自己事 .
      所以貓呢樣野 , 都係算喇 . >_< !!

      刪除
  4. 本書有幾正呀, 講少少黎聽吓, 睇吓係未咁值得買先 :P

    回覆刪除
    回覆
    1. 正唔正就睇你是否貓奴 , 本書內容講店舖裡面既貓 ,
      俾著我呢D想養貓但又唔可以養貓既人黎講 , 本書就正到暈 . haha ...

      刪除
    2. 我唔止貓奴, 仲係動物癡啦~~
      係呢, 本書有無相架, 有就吸晴好多喎~ ^^

      刪除
    3. 梗係有相啦 , 冇相我都唔會買 . : P
      文字與相片各佔一半 , 要黎介紹隻貓既來歷 . ^_^ !!

      刪除

歡迎光臨 , 如果時間許可 , 請留番個言丫 ~