2015/08/03

胸部不是炸彈




Hello !


大家睇到呢篇個標題 , 可能以為我講緊早幾日審理果單 :

胸部襲警判監案 , 其實係講另一單 , 果單由於仍在上訴中 , 

加上案情複雜 , 等有機會先至講啦 . 

今次講呢單 : 加國3姊妹號召無上裝抗議 ...


話說加拿大安大略省日前有3姊妹因天氣太熱而赤裸上身踩單車 , 

被警員要求穿回衣服 , 3姊妹話當地法例容許女性赤裸上身而拒絕 , 

其後更在社交網站發起活動 , 呼籲姊妹們一同赤裸上身上街遊行 , 

口號叫做 : 胸部不是炸彈 !!

結果真係號召到數十名男女示威者到場遊行 , 他們手持標語 , 

上面寫住 : 它們是胸部 , 不早炸彈 , 放輕鬆 . 另外亦有 : 裸體並非性慾 .

男性身上則寫上 : 我們赤裸沒問題 , 她們應該都一樣 .

總之就係支持女性在公開場合赤裸上身的權利 , 

同埋對女性胸部去除性化表達支持咁話 . 

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

我想話麻甩佬就梗係支持啦 , 仲係舉腳贊成果隻添 .  ^_^ !!

首先聲明 ~ 我係一個比較保守既人 .

還記得當年在 Yahoo Blog 都寫過類似既題材 .

對於呢類赤裸上身既所謂男女平等 , 我個人就不敢苟同 .

皆因男人呢樣野 , 就算點樣坐懷不亂 , 始終都係雄性既動物 .

女性赤裸上身上街 , 輕則可能發生風化案 , 重則可以殺死人 , 

因為在馬路上 , 司機好有可能因為見到有野睇而分心炒大鑊 , 

呢樣有句專有名詞 , 叫做 : 我雖不殺伯仁 , 伯仁為我而死 .  =_= !!

無啦啦成為殺人兇手 , 咁就唔係幾好啦 .

況且 ~ 雖然法例容許女性赤裸上身上街 , 不過唔係個個人都有自知之明 ,

好似 Kate Upton 或者 宇都宮しをん 咁波濤洶湧就話大快人心唶 . 

(直情係殺人於無形呀)  XD

若然係成塊洗衫板咁款都照唔著衫行出街 , 確實係影響市容喎 .

所以呢樣野 , 都係去D攞正牌既天體沙灘度做好D .

基於上述種種原因 , 果3姊妹抗議不成立 , 退庭 . haha ...

Bye Bye !


2 則留言:

  1. 嘻嘻, 喺多倫多廿年前都發生過類似嘅問題, 好似係個亞嬋喺商場無著衫, 後黎保安定警察叫佢著番件衫, 唔記得有無捉佢, 不過第二日就有報紙登左出黎. 大約都有提男人可以唔著衫點解女人唔得. 不過加拿大每個省都有唔同規例, 好似安省唔可以週街隊啤酒, 反而𣁽北克就得
    以我D麻甩佬黎計, 當然反對亞嬋唔著衫上街, 不過後生女就無問題 ^^ 已前夏天去 Centre Island, 喺燈㙮果邊大把女唔著衫哂太陽啦 ^^

    回覆刪除
    回覆
    1. 亞嬋 or 大媽 就梗係唔好啦 , 影響市容嘛 . haha ... 呢個世界唔係咁多美魔女架咋 .
      露胸呢樣野真係各處鄉村各處例 , 香港而家都好似講緊隨街餵人奶 , 唔知結果點呢 ?

      刪除

歡迎光臨 , 如果時間許可 , 請留番個言丫 ~