2015/09/25

請槍度行程




Hello !


今日星期五 , 聽晚有英超早場 , 襯得閒攪掂埋佢先 .

上篇訂左出發果程機票 , 返黎果程由於仲未諗得掂 , 所以暫時未有行動 . 

(果程相信都過晒農曆年假 , 機位唔會太緊張 , 有大把水位慢慢度)

而每日放午飯既時間 , 就係度行程既好時機 , 

不過今日度左呢D , 聽日可以全部否定晒 , 後日又返番晒黎 .

就今日度緊果陣時 , 忽發奇想 , 不如由大家幫我度行程 , 

咁樣可以慳番唔小功夫喎 , 都幾好丫 .  XD

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

一諗到呢度 , 不其然令我諗到Yahoo Blog果陣既 Blog友 , 

叫做 : 電占豆豆 幸の旅日 . 當年佢寫日本遊記網誌 , 寫到出神入化 ,

可以話係達人之中既達人 , 讀者人數遠遠在我之上 , 

我都經常拜讀佢既遊記 , 希望能夠學番一招半式 .  ^_^ !!

當中見得最多讀者既問題就係 : 電占&豆豆 , 您好 ~

我下個月出發北海道道東 , 大約去八日左右 , 

唔該你幫我度個行程出黎 ... (類似係咁上下啦)

所以我先至諗起不如叫大家幫我度行程 , 集思廣益嘛 .  : p

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

以上既野純屬講笑 , 度行程呢D咁過癮既事 , 我又點會假手於人 ,

好話唔好聽 , 就算喎左 , 都係自作自受 , 最怕就係聽到 :

一日都係你啦 , 諗埋D咁既行程 , 簡直係失敗之中既失敗 ...

(不過呢D說話只會係兩個人以上同遊先會發生 , 一個人絕對唔會聽到)

照日子黎數 , 仲有成佰多日 , 慢慢度都未遲 , 

依家夠鐘睇 張保仔 , 再見 .

Bye Bye !


18 則留言:

  1. >> 唔該你幫我度個行程出黎
    我個PAGE間中都會有人走黎咁問我lol.......我一律拒絕完全唔做功課GE人..lol

    回覆刪除
    回覆
    1. 梗係啦 , 點可以將人地既樂趣都奪走架 , 一係就唔好去 , 要去就自己度 ,
      否則返黎後悔莫及 , 後悔冇左自己度行程果份樂趣 . =_= !!

      刪除
  2. 度行程呢家野, 當然係一種樂趣; 就算人家幫你度, 都未必啱你心水, 所以都係按個人喜好自己動手吧 ^^

    回覆刪除
    回覆
    1. 全對 , 正式係打死無怨 , 係好係醜都屬自己既事 . ^_^ !!

      刪除
  3. >> 唔該你幫我度個行程出黎
    經常喺討論區見到人咁post出嚟都多數比人鬧爆,行程都唔想諗就唔好自遊行,跟團好過,編行程都係自遊行一種樂趣嘛!

    回覆刪除
    回覆
    1. 除非係講笑 , 否則叫人幫手度行程 , 的確有D過份 .
      自己度左條行程俾有經驗既人執一執 , 咁樣又唔同 , 起碼自己都有努力過 .
      跟團要俾導遊小費 , 我就唔捨得 . haha ...

      刪除
  4. 我就經常幫同事度行程,不過佢地通常都係去大路地方,例如東京,京阪神等,真係隨口嗡都嗡到幾日行程出嚟XD

    回覆刪除
    回覆
    1. 隨口嗡都嗡到幾日行程 ? 咁堅 , 果然夠Pro喎 .
      雖然我都叫做去過北海道幾次 , 依家要度條行程都唔係咁易 . XD

      刪除
    2. 你過年去不如就排番幾個雪祭啦,小肥師兄早排出咗個2016雪祭行程篇,可以參考下喎

      刪除
    3. 小肥兄亦係北海道達人 , 佢個鐵人耐力遊夠晒堅呀 .
      好 ~ 一陣上去睇番D雪祭行程 , 多謝提供資料 .

      刪除
  5. 講開又講,我呢排都刨緊你2010年個遊記,同我明年3月條路線差唔多,好快又會到我嘅發問時間XD

    回覆刪除
    回覆
    1. 多謝你既支持 , 隨便問啦 , 只要我知道既 , 一定知無不言 , 言無不實 . haha ...

      刪除
  6. >> 唔該你幫我度個行程出黎
    經常喺討論區見到人咁post出嚟都多數比人鬧爆,行程都唔想諗就唔好自遊行,跟團好過,編行程都係自遊行一種樂趣嘛!

    回覆刪除
    回覆
    1. 雖然編排行程時 , 攪到好似精神分裂咁 , 不過編到條靚靚行程既話 , 乜野都唔重要 , 大滿足 !!!

      刪除
  7. 唔該你度完個行程Po上嚟,卑友季抄考吓 ♥(ˆ⌣ˆԅ)

    回覆刪除
    回覆
    1. 首先多謝你既抄考 , 只可惜我都未諗到點行 , 連雛形都未有 , 淨係知道北海道 . XD

      刪除
  8. 想自由行就度下行程啦,都唔明啲人,呢啲都係旅行樂趣一部份

    回覆刪除
    回覆
    1. 有兩種情況 , 一係可能真係一竅不通 , 想搵高人指點 .
      一係就慳得就慳 , 乜都貪懶 .
      可能佢地仲未感受到度行程果種樂趣 , 俾D時間啦 . ^^

      刪除

歡迎光臨 , 如果時間許可 , 請留番個言丫 ~