Hello !
呢個9月尾10月頭 , 正式係放假多過開工 ,
假期在家閒來無事 , 唔係煲劇就係食埋D剩餘物資月餅 .
當然唔小得度番幾轉農曆年行程啦 , 度左咁多日 ,
叫做有個雛形 , 不過講出就見笑 , 因為充滿炒冷飯Feel .
未開始之前 , 有樣野想請教各位Blog友 ,
就係唔知大家有冇試過在冬天落雪時遊覽 根室 果頭呢 ?
果邊天氣會係點呢 ? 還記得2012年果次4月尾出門 ,
結果如在百里霧中 , 只怪出發前搜集資料不足 , 話晒果度都叫做濕原 ,
所謂春霧迷濛就係咁解 . 今次換一換農曆年出發 , 唔知點環境呢 ?
就算有雪都未必唔係好天 , 只要視野清晰同埋唔封路 ,
應該可以報番上次之仇 , 講多無謂 , 就講解下個行程初盤啦 .
不過暫時只可以簡簡單單形式講解 .
首先第一日以凌晨機到達新千歲機場 , 當晚終點係襟裳岬附近 .
下一日繼續沿海 , 目的地係釧路市 .
之後果日遊覽雪地濕原 , 晚上在霧多布果頭落腳 .
再黎當然係往 根室 , 納沙布岬係主要目標 .
翌日就上知床 , 本來想去羅臼 , 可惜知床峠封路不能直通 .
遊覽完知床就落網走 , 聽講網走湖有活動節目 .
再再之後就係經過道東三湖 , 落腳地就係然別湖 .
跟住果日經富良野&美瑛 , 落腳地在旭岳 .
最後就係返回札幌 .
暫定行程就係咁上下 , 再遲D先至黎個詳細版本 .
Bye Bye !
2月大風大雪去根室,諗起都怕怕 >﹏<
回覆刪除我都驚驚地架 , 不過北海道 , 度度都凍架啦 . XD
刪除小姐我都可能一月中去由釧路至羅臼觀鳥
回覆刪除我都 plan 左有日去完丹頂之里跟住去住風蓮湖, 如果好天就去納沙布岬跟住去野付
刪除咦 ~ 一月中往 羅臼 , 勁喎 . ^^
刪除入野付果條大直路 , 好好飛架 , 可惜果段時間係落雪天時 ,
刪除點都要留番一手 , 唔可以去盡 , 殘念 .
去睇貓頭鷹 ^^
刪除https://www.youtube.com/watch?v=WKqUqhT7ZCo
刪除雪地貓頭鷹 , 果然係捕魚聖手 , 利害 . ^_^ !!
刪除夜晚睇咪要用夜視鏡 ?
刪除唔駛, 鷲之宿個主人會有燈照住個有放魚嘅冰圈等佢飛黎, 不過拍友不可用閃燈.
刪除聽聞你不在此住宿都可以睇, 不過要比 500円
呢次成行就租呢架
刪除http://car.hokkaidotour.net/car_search/yoyaku/plan.asp?SEARCH_AREA=%8B%FA%98H%81E%8D%AA%8E%BA&SEARCH_SUPPLIER_ROWID=40018&SEARCH_OPTION=SUPPLIER&SEARCH_FLAG=ON&SEARCH_YYYYMM_FROM=201510&SEARCH_DD_FROM=04&SEARCH_YYYYMM_TO=201510&SEARCH_DD_TO=04&SEARCH_TYPE_CODE=&PLAN_ROWID=24662
哦 ~ 咁都得 ? 原來係放魚等佢捉 , 仲以為佢自己搵到食添 . XD
刪除聽你講過果部 Forester , 好似話跟車太貼會自動發聲 . ^^
刪除跟車太貼㑹自動減速, 過線就出聲 ^^
刪除有架都唔鐠仲行埋HYBRID, 同森林人一樣安全裝備, 不過就細架D
http://car.hokkaidotour.net/car_search/yoyaku/plan.asp?SEARCH_SUPPLIER_ROWID=40018&SEARCH_OPTION=SUPPLIER&SEARCH_FLAG=ON&SEARCH_YYYYMM_FROM=201510&SEARCH_DD_FROM=04&SEARCH_YYYYMM_TO=201510&SEARCH_DD_TO=04&SEARCH_TYPE_CODE=&PLAN_ROWID=24663
t先生, 你行程D節目好吸引呀~~ 引死人啦~~~
刪除t : 呢兩部車都好有Rav4既Feel , 雪地駕駛零舍得心應手 . ^^
刪除Fung Mandy : 你即將出發既行程對我都好吸引既呢 . haha ...
刪除man wai, 我既行程你大部份都去過了, 反而大間, 津輕果頭我都無時間去
刪除小姐, RAV4 雪地邊係果兩部對手呀 ^^
刪除Mandy 小姐, 天寒地凍我都仲諗緊去唔去 :D
Fung Mandy : 青森 & 秋田 及 岩手呢三度 , 去一次又點會夠 , 本來今次我都想翻炒 ,
刪除不過想先解決 北海道 既私人恩怨 , 有機會既話下次先至諗佢 .
P.S. : 去秋田有冇諗過食 石燒定食 ? 好似好正咁喎 , 我就未試過喇 . ^_^ !!
t : Rav4雪地已經覺得唔錯 , 咁果兩部豈非更堅 ? ^_^ !!
刪除仲諗緊去唔去 ? 未落實既咩 ?
哈哈, man wai, 私人恩怨既野, 十年未晚, 來日方長呢 ^_~
刪除石燒定食? 係未放舊燒熱咗既石頭落個鍋度果隻呀, 在北海道能取湖果間酒店試過了, 今次專程去男鹿食海鮮大碗飯 :P
t先生, 乜唔係已經落實行程了嗎, 仲諗緊去唔去咁奇怪??
刪除http://www.subaru.jp/xv/hv/safety/eyesight.html
刪除睇下最下果段片就知果對眼仔利害
仲諗緊住邊, 機就諗到JAL :)
Fung Mandy : 近年都累積左唔小恩恩怨怨 , 報仇都要排期 . haha ...
刪除試過就唔駛再試咯 , 果D都係啅頭野黎既唶 . XD
反而果度既海膽 , 上次食到我驚為天人 . ^^
對眼真係好正喎 @_@
刪除man wai, 驚為天人咁誇, 咁就一於試吓果頭D海膽喇 ^^
刪除t : 好似好勁咁喎 . ^^
刪除Fung Mandy : 食完記得寫報告 . XD
刪除我都系2月出發 一方面未見過雪有D興奮,另一方面又怕雪太大會影響行程真係有D 矛盾
回覆刪除岩岩在YOUTUBE 睇完一個介紹北海道既節目 , 真係幾吸引 , 在下次目標一定系北海道丫~(不過都系冬天去好似好D)
有興趣可以睇下
https://www.youtube.com/watch?v=FjSJU0VCiT8
呢方面就係落雪既矛盾 . =_= !!
刪除同幾位妹妹仔去北海道 , 梗係正啦 . haha ...
10月10日荷里活廣場有北海道旅遊展,記得就去捧吓場啦。
回覆刪除咦 ~ 咪係黎緊呢個星期六 , 近近地去睇下都唔錯喎 . THX
刪除炒冷飯唔緊要,最緊要行程啱feel,我嚟緊立山、上高地咪又係炒2013年冷飯囉! :)
回覆刪除北海道咁正 , 不妨一炒再炒 . haha ...
刪除