Hello !
上個禮拜講第一日既行程 , 隔左一個星期 ,
輪到第二日行程 , 每個星期講一日 , 講晒都仲未出發呀 .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
第二日食完早餐出發 , 如果上日冇去到襟裳岬 ,
咁第一個景點應該係 : 親子岩展望台 , 果度海中有三舊石 ,
一大一中一細 , 好似一家人咁 , 所以稱為親子石 , 幾好睇架 .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
之後若然冇封路 , 順便過埋隔離既 : 観音山展望台 .
(二月份都仲係大雪天時 , 邊度封路都未知 , 著名景點好似 : 知床峠 ,
就知道封路啫 , 其他小型景點都係搏搏下 , 搵料都唔搵得咁多 . =_= !! )
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
再黎就係 : エンルム岬 ...
跟住就係 : 襟裳岬喇 , 之前講過風之館會休息 , 所以只係在附近睇風景 .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
參觀完畢又係沿住海邊向釧路市進發 , 第一個景點就係 : 黃金道路 .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
行多冇幾遠 , 就會見到 : フンベの滝 , 不過果度冇乜位停車 ,
一切都要睇下點先 , 隨機應變啦 .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
之後呢個 : 湧洞湖展望台 , 又係唔知會唔會封路 , 睇下點啦 .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
本來下一個景點係 : 長節湖 , 之但係上次冇雪去到都冇野睇 ,
今次都係慳番D功夫 , Next !!
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Next 就係 : 昆布刈石展望台 , 居高臨下欣賞個海岸 , 唔錯 !
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
再黎就到達 道の駅 , 呢度又係一個景點 , 叫做 : 恋問海岸 ,
可以近距離睇海景 , 不過小心大浪 . ^^
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
再跟住去到釧路市 , 睇下幾多點啦 , 如果有時間 ,
可以去多個景點 , 不過果陣日短夜長 , 都唔好太過期望 .
當日既酒店已經揀好 , 仲Book埋添 , 就係上次住過既 :
上次住過覺得佢唔錯 , 我份人一向念舊 , 今次就幫襯返佢啦 .
第二日行程就係咁上下 .
Bye Bye !
呢間ホテル友季都想住啊!友季上次去釧路都係住東橫イン咋,諗噃起都覺得sad。會去和商市場食勝手丼定係去MOO商場食 炉ばた 還是both ,真係諗起都流口水 (ʃƪ ˘ ³˘)
回覆刪除今次特登Book冇早餐Plan , 就係想試一試 和商市場 既 勝手丼 ,
刪除雖然有人俾果度負評 , 不過未試過 , 點都要試下 . ^^
東橫イン 都唔係好失禮唶 . XD
住 lavista 唔要早餐 @@
刪除t : 上次試過佢既早餐啦 , 今次幾大都試 和商市場 既 勝手丼 . ^^
刪除早餐同唔同函館果間?
刪除t : 我未幫襯過 函館 果間喎 , 不過相信差唔多掛 ?
刪除函館果間係日本一喎
刪除Maggie, Kaykie : 日本一 ? 咁辣 , 真係失覺晒 . ^^
刪除每次去函館Yūki都係住東橫イン咋(╥﹏╥),真係要揾次住日本一先得。
刪除友季 : 東橫イン 我反而未試過 , 最怕佢果D直立式停車場 , 都係傳統露天泊車位比較適合 . XD
刪除講起直立式停車場, 我都怕怕 !!
刪除直立式停車場係冇咁方便,不過都幾好玩噃XD
刪除Maggie, Kaykie : 好玩還好玩 , 不過有D驚 , 驚唔知點攪 . XD
刪除Fung Mandy : 有人睇場還好 , 有D要自己攪掂 , 都幾得人驚 . ^^
刪除man wai, 唔識搞都可以call酒店職員幫忙, 呢個問題唔大
刪除Fung Mandy : 咁麻煩 , 都係揀番傳統停車場既酒店 . XD
刪除我都係咁話, 依家只揀有露天停車場, 或自走式立體駐車場果種, 不過酒店方面就少咗好多選擇 !
刪除但就真係方便好多, 起碼唔記得拎野隨時都可以返車度攞番
Fung Mandy : 最後就係有個停車場在外面 , 泊好車就入酒店 . ^^
刪除呢part我淨係去過道駅恋問^^
回覆刪除等我去做開荒牛啦 , haha ... 不過你可以夏天出門 , 靈活好多 . ^_^ !!
刪除我係除咗農曆年外,任何時間都可以出門XD
刪除同你加埋除以二就好咯. haha ...
刪除