2015/10/11

魅力發現 ! 北海道展




Hello !


多得Blog友 友季姐 既推介 , (唔講真係唔知)

話星期六 & 日 , 荷里活廣場有個北海道旅遊展 . (特別鳴謝)

既然近近地 , 收工一於去睇睇 , 反正免費入場 .

呢度就係喇 , 星期六晚 ~ 現場唔算好多人 .


~ 入口 ~ 

(隻野究竟係鹿 ~ 熊 ~ 還是獅子 ? 好抽象)  XD


富良野蜜瓜 , 係贈品還是現場發售呢 ?


影齊未 ? 攪掂就一齊入去 .

入口櫃檯有問卷派發 , 填妥交回後 , 送攤位遊戲券兩張 .


就係右下角果兩張 , 釣水溜溜球 & 投環券 .


一家大細影相留念位 .


襯冇乜人 , 黎多張添 . 一有人就會磨爛蓆 , 有影襯手 .


北海道 , 四季皆宜 . (黎緊就係玩冬季)


先黎個春 ~ 夏 .


跟住當然係秋 ~ 冬 .


轉個身去後面 , 問題時間到 .


問題一 . (呢題我都唔識)


問題二 . (應該係流冰)


問題三 . (段估都唔會係 2 ~ 3 掛 ? 我買 1 )


問題四 . (呢題真係俾佢考起 , 棄權)


問題五 . (我賣2號)

五題問晒 , 真正答案我都唔知 , 無從稽考 .


轉過另一邊 , 咁多人排隊 , 一定係遊戲攤位 .


拎定張投環券出黎排隊 , 大顯身手 . haha ...


另一邊廂 , 縱環遊 & 東瀛遊 .

現場兜搭 , 果然識得做生意 . 


參觀完畢 , 攪掂地下呢Part , 上樓上居高臨下 .


成個會場一眼睇晒 , 星期日應該會多D人掛 ?


雖然我都有參加 , 不過對搵料幫助不大 . 


只係襯熱鬧支持一下 .   ^_^ !!


呢個就係釣水溜溜球 .


始終都係投環吸引D , 睇排隊人數就知 .

兩位小姐準備好未 , Are you ready ?


第一位姐姐 , 中呀 .


第二位戴眼鏡姐姐 , 又中 , 勁喎 . 


仲有旅遊天書展銷 , 會場價 $50.00 


都有D人買架 , 不過我冇買 , 唔駛啦 , 一切在心中 .


其他宣傳品就拎左幾張 .


就係呢幾張 , 得閒可以睇睇佢 .


攪掂返屋企開餐 , 同場加映尋晚晚餐 ...


即係上篇既阿信屋甘蝦 , 再在百佳買幾片三文魚刺身 , 

加個韓國辛辣麵 , 當然唔小得 Asahi 啤酒啦 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

甘蝦食評篇 , 蝦既味道就OK , 價錢平均一蚊隻亦都OK .

唯一要彈既就係D蝦細隻左D , 同埋比較黐殼 , 

其他都非常之滿意 , 呢餐掂呀 .  ^^

Bye Bye ! 


22 則留言:

  1. Q5, 無奶油係蒙古烤肉又無乜見有三文魚拉麵, 咁答案就易見啦
    其他唔識就用電話 google 一下咪出到貓 ^^

    回覆刪除
    回覆
    1. 就算答中晒 , 都係俾份小小紀念品 , 相信出貓佢都唔介意 . ^^

      刪除
    2. 唔係化,D問題咁鬼難,答中晒都係得份小禮物? 起碼都哈蜜瓜一個啦 XDD

      刪除
    3. Fung Mandy : 答中真係有蜜瓜送架 . 不過係每日首500名 . =_= !!

      刪除
  2. 本來想話去個北海道展就中伏,點知道在manwaⅰ姐鏡頭下又好似幾多野睇咁播。Q5我都估係拉麵,可能卑你最後張相影响。旅遊天書你寫番本一定好賣過佢啦!

    回覆刪除
    回覆
    1. 中伏 ? 咁又唔算 , 係咁上下啦 , 唔通搵歌星黎唱番幾Part咩 . haha ...
      果D問題真係俾佢考起 ? 又冇答案 , 中唔中都唔知 .
      至於天書 , 我果D只係遊歷 , 冇乜資料性 , 性質唔多同 , 人地Pro好多 . XD

      刪除
  3. 隻野究竟係鹿 ~ 熊 ~ 還是獅子 ?
    答案咁明顯,未比你up中囉,就係“三不像” XD

    回覆刪除
    回覆
    1. 獅子就夾硬左D , 佢既係鹿 ~ 又係熊 ,
      呢隻吉祥物叫做 : キュンちゃん

      刪除
  4. 雞碗、刺身、韓國辛辣麵,呢個中、日、韓套餐都好豐富喎 XD
    D蝦太細隻? 日本再encore ^^

    回覆刪除
    回覆
    1. 星期六嘛 , 放縱一下都冇問題 , 一於食豐富D .
      至於 encore , 相信要食牡丹蝦先至可以報番細蝦之仇 . haha ...

      刪除
    2. 小姐, 要唔要搵醇貴人啊 :D

      刪除
    3. t : 又醇貴人 ? 唔駛喇掛 , 呢D野留番你啦 . haha ...

      刪除
    4. 哈哈, 睇黎 t先生對醇貴人情有獨鍾喎 XDD

      刪除
    5. 呢個獨腳戲廣告真頂癮 ^^ 播多D總好過播財仔廣告 ^^

      刪除
    6. t : 令皇帝古明華朝思暮想,晚晚陪伴左右 ,
      令佢食得開懷的「醇貴人」真正身份當然係【降醇速.納豆紅麴】啦 . ^_^ !!

      刪除
  5. 小姐, 諗到租乜車未?

    回覆刪除
  6. 回覆
    1. 咁堅 ~ 不愧為日本通 , 佩服 . ^^

      刪除
    2. 唔記得問埋 , 係真實答案還是段估 ?

      刪除

歡迎光臨 , 如果時間許可 , 請留番個言丫 ~