Hello !
早日同Blog友講起酒店停車場 ,
覺得呢個話題都幾過癮 , 就即管攞黎講下 . ^^
事緣係講起 東橫イン , 我話我未住過佢 ,
皆因最忌佢果個立体駐車場 , (呢個亦係我唔選擇入住東橫イン既理由)
聽講呢味停車場分兩種 , 有D有專人負責睇場 ,
另外果種就要食自己 , 前者都已經怕怕 , 後者更加咪攪 .
睇過唔小Blog友既泊 立体駐車場 經驗 , 就講我知果D啦 ,
如有錯漏 , 祈為指正 . 首先在外圍位置停車 , 卸下行李 ,
跟住摺埋兩邊倒後鏡 , 再向前駛 , 去到指定位置停車 , 然後個人出返黎 .
當然要記得鎖車 . 最後佢會俾張泊車証你 , 咁就走得 .
講番我黎緊呢次行程 , 酒店大部份已經搵到 ,
遲D會在 2016行程初盤 裡逐間介紹 , 已經介紹左兩間 .
除左地點 ~ 房間 ~ 晚餐 ~ 溫泉 ~ 價錢之外 , 停車場都極之重要 ,
呢幾年黎都幫襯過唔小酒店 ~ 旅館 , 最理想既就係外面有露天停車場 ,
就算執漏野都可以出去攞番 , 好似下圖果間咁 .
最唔理想既就係要俾條車匙佢Keep住 ,
Check Out 時先至攞番 , 唔係信佢唔過 , 只不過條車匙唔在自己手中 ,
始終都有D忐忑不安 , 好似下圖呢間咁 .
跟住仲有幾間既停車場都好滿意 . ^^
停車場就在旅館外面 , 我鍾意 .
呢類有蓋停車場都可以接受 .
夠鐘睇 天幕圍城 .
Bye Bye !
一言驚醒,我地都好怕留匙,最理想梗係大大個露天停車場啦
回覆刪除係啦 , 俾左條車匙佢 , 總之就好似唔知點咁 , 都係大露天停車場最理想 , 仲要唔好行咁遠果隻 .
刪除仲有呀,一落車就要比條車匙過佢,好似打刧咁,D行李都未拎齊,駛唔駛咁急喎 >_<
刪除或者佢覺得代客泊車 , 夠晒好招呼喇掛 . ^^ 點知我地唔受呢套 . XD
刪除亞寒湖果間鶴雅都要留匙, 好似車匙仲係留喺車內
刪除t : 鶴雅 個名就聽得多 , 好似好高級&好貴 , 絕非我輩所能負擔 .
刪除3J家庭好似經常幫襯 , 勁 !!
車匙留在車裡 ? 更加唔穩陣啦 . =_= !!
小姐, 酒店更豪又唔係自己屋企, 我對旅行只享受過程, 豐檢由人, 住宿只係其次.
刪除t : 所謂 鹹魚青菜 , 各有所愛 , 中庸之道就適了 . ^^
刪除鶴雅係要放低車匙,仲要架車泊到冇雷公咁遠-_-#
刪除不過車匙係keep喺前枱,我上年住check out時喺前枱攞番,冇記錯係用袋裝住。
Maggie, Kaykie : 泊到冇雷公咁遠 ? 咁都得 ? 有冇專人駛番部車俾你上行李架 ?
刪除定抑或係就咁俾番條車匙你 , 等你自己搵車 ?
在洞爺湖果陣 , 我試過要自己搵車 , 講起都得啖笑 . haha ...
刪除佢會車你去停車場攞車。
刪除Maggie, Kaykie : 咁都好D , 否則要食自己 , 唔駛旨意有翻單 . XD
刪除泊立體停車場我覺得無問題,當然我最喜歡係自出自入既停車場最free最好啦!
回覆刪除在任何地方既停車場,我勁不喜歡留匙。在一d都無得選擇既環境下我才不願意下接受。
以你既駕駛技術 , 當然冇乜地方可以難得到 , 我就唔係咁講喇 . XD
刪除睇黎好多Blog友都唔鍾意留匙呢一招喎 . =_= !!
立體停車場對我呢D吾識揸車既人黎講有D吾明哈哈
回覆刪除本來2東京&銀山行程因為朋友縮沙所以要轉陣了, 現在想改去北海道,但因我吾識揸車,
所以呢次先以大城市為主好似札幌等等為主,所以會參考下你第一個北海道之行
因為BOOK左東京機票無得改 所以要由東京坐JR上北海道,車費都幾金丫~~
小頭 : 講真 ~ 我都唔係太明 , 所以都唔打算試佢 (立體停車場) 咯 . XD
刪除朋友縮沙 ? 實在太過可惜 , 不過去北海道都唔錯架 , 淨係札幌都好多野睇 , 希望我既網誌幫到你啦 .
若然東京機票冇得改 , 不如乘內陸機上北海道 , 廉航機票閒日都係幾舊水 , 慳好多時間 . ^^
內陸機我都未坐過丫 , 洗吾洗要預早BOOK 定先定系好似坐JR 甘去到先買飛呢,
刪除我參考緊你第一次行程, 希望以札幌為中心, 定山溪住一晚, 在去下函餘 , 小樽個D地方, 得4日留在北海道呢吾知去吾去得哂
呢幾個地方呢.
小頭 : 得四日在北海道既話 , 去 定山溪 & 小樽 還可去以 , 若然加埋 函館 ,
刪除就好似遠左小小 , 果度一程JR都要3粒鐘以上 , 一來一回冇左一整日咁滯 ,
唔多值得咁囉 , 函館可以下次先至去 .
至於內陸機 , walk in 唔知得唔得(未試過) , 在網上買定機票穩陣D .
嘩~~原來去函館坐JR 也要3小時, 沒辨法了下次先吧, 其實重有網走監獄 同見你去過的 神威岬也想去, 不過太遠了, 留番再下年先去
刪除岩岩睇緊你去天狗山, 藻岩山個D地方近札幌也是一個好選擇 哈哈
JR 路線好似先去函館再上札幌係順路播,
刪除東京 -> 新青森 -> 青森 -> 函館 -> 札幌
一於臥舖夜車啦
刪除上野- 大宮- 宇都宮- 福島- 仙台- 函館- 札幌
睇吓係咪好正呢!
http://mygobytrain.blogspot.hk/2014/08/JRNightTrain.html
小頭 : 係呀 ~ 北海道咁大 , 起碼都要分 3 ~ 5 ~ 7 次先至玩得晒 . ^^
刪除第一次齋遊札幌都OK有排行 . ^^
東京 -> 新青森 -> 青森 -> 函館 -> 札幌 ...
刪除如果好想去 函館 , 呢個方法都唔錯 .
友季 : 臥舖夜車 , 玩到咁激 , 佩服 . ^_^ !!
刪除勁詳細既路線網 , 堅呀 .