2015/11/08

2016 行程初盤 (第三日行程)




Hello !


隔左兩個星期 , 再黎行程初盤 , 

今日用左一個下午黎搵料 , 終於攪掂第三日既行程 ,

一齊睇下搵到咩野料 .  ^_^ !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

第三日訂左個冇早餐Plan , 第一個景點就係 和商市場 , 

一嘗佢既 勝手丼 , (之前講過好多次) 雖然有Blog友覺得果度只屬普通料 , 

不過黎到 釧路市 都唔會一會佢 , 似乎有點兒那過 , 

就算唔計佢D食物 , 當佢做景點都係一個唔錯既地方 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

跟住 ... 如果上日未攪掂 幣舞橋 果四個像 , 咁就解決埋佢 .

 之後就去近近地既 米町展望台 居高臨下 , 一睹釧路市既風景 .

睇完就過附近既 太平洋炭礦炭鉱展示館 , 其實果度有D乜野睇既呢 ?

好似係煤炭果類野 , 去到先睇下點 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

打後沿住海邊行 , (唔知有冇封路 , 希望冇啦) 目的地係 尻羽岬 .

下一站係 あっけし望洋台 , 講起呢個台 , 2012年黎果次大霧到爆 , 

乜野都睇唔到 , 天氣既野好難預計 , 唯有盡人事 , 聽天命 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

再黎就係重頭戲 , 道の駅厚岸グルメパーク ...

呢個道の駅 , 黎過既人都知道 , 係一個食蠔既好地方 , 

上次試過BBQ , 今次N歌還是試其他食法 ? 去到先至決定啦 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

食完個蠔餐 , 過隔離 海事記念館 , 又係唔知有乜睇 , 去到至算 .

之後本來係 國泰寺 , 不過上次已經去過 , 今次最想去既係 : 愛冠岬 .

上次又係大霧啦 , 攪到雞毛鴨血 .  =_= !!

跟住黎呢個 涙岬 , 又係重中之重 , 希望今次睇得佢清清楚楚啦 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

再之後去多兩個岬 , 就要往旅館 , 

首先第一個岬係 : アゼチ岬 , 第二個就係 : 霧多布岬

黎到霧多布呢度 , 呢兩個岬可謂非睇不可 . 

而旅館方面 , 亦都已經揀好 , 仲Book埋添 , 叫做 : 霧多布 旅館くりもと



停車場就在旅館後面 , 夠晒方便 .  ^^

Bye Bye !



2 則留言:

  1. 哩日沿海景點都好陌生下^^

    回覆刪除
    回覆
    1. 冇野怕 , 至怕佢大雪封路或者大霧 . 搏搏下啦 . ^^

      刪除

歡迎光臨 , 如果時間許可 , 請留番個言丫 ~