2015/11/22

2016 行程初盤 (第四日行程)




Hello !


隔左兩個星期 , 今日又輪到寫行程初盤 ,

上回講到在霧多布果頭落腳 , 而今次落腳地 , 將會係根室 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

由果度去根室 , 車程只需個再零鐘 , 不過當然唔會咁簡單 , 

仲有景點要遊覽嘛 , 第一個景點係 : なぎさのドライブウェイ

果度係一個長長既沙灘海岸 , 可以望下海 , 我就至鍾意架啦 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

跟住下一站係 : 羨古丹駐車公園 , 又係一個睇海既地方 , 

呢度上次曾經一遊 , 不過又係受大霧影響景觀 , 希望今次好D啦 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

之後就係 : 北太平洋シーサイドライン , 網頁話呢度係100選入圍地方 , 

就算行過都要落去望一望佢 .  ^_^ !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

再黎就係 : 落石岬 , 果度有個燈塔 , 燈塔又係我的最愛 . 

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

跟住呢個犀利喇 , 叫做 : 根室車石 , 不久前睇過Blog友 Fung Mandy 

既大作 , 真係羨慕死人 , 今次又要睇天做人 .  =_= !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

之後呢個 : 納沙布岬 , 絕對係呢日既重中之重 , 

如果好天氣既話 , 呢度可以磨佢好耐 , 好多野睇架 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

玩到呢度都差唔多 , 當日既旅館亦都揀好 , 仲Book埋添 , 

叫做 : ホテルねむろ海陽亭 , 呢度上次曾經入住 , 

晚餐去左正宗 根室花 食迴轉壽司 , 今次會一試旅館內既晚餐 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

~ 第四日完 ~

Bye Bye !


由酒店往根室花 , 步行大約15分鐘 . 







26 則留言:

  1. 小姐我前星期都 book 左齋住一晚, 根室花迴轉壽司喺邊?

    回覆刪除
    回覆
    1. 咦 ~ 你又係住呢間 , 好似係一月尾到步 ?
      根室花在上圖左下 , 右上就係酒店 , 步行大約15分鐘左右 ,
      上次因為要飲酒 , 所以行路去 , 佢果度有個停車場 ,
      如果齋食唔飲 , 可以開車去 . ^^

      刪除
    2. 因為呢間旅館附近都有餐廳, 所以咪 book齋住, 行十五分鐘, 唔怕凍死咩

      刪除
    3. 係呀 ~ 果度附近都幾旺架 , 包保唔會餓親 . ^^
      當年我去果陣係5月左右 , 都冇諗呢個問題 , 如果怕凍 ,
      都係開車過去啦 , 最多唔好飲酒 . ^_< !!

      刪除
    4. man wai, 去根室一定要試花咲蟹,海陽亭既料理唔錯架,花咲蟹同秋刀魚都好有水準

      刪除
    5. Fung Mandy : 今次就試試旅館料理 , 希望包埋隻蟹 & 秋刀魚啦 , 期待中 ...

      刪除
    6. 今晚已在此消化咗隻花咲蟹, 晚餐未見秋刀魚

      刪除
    7. 咦 ~ 現場報導喎 , 花咲蟹 ~ 正丫 ! ^^
      秋刀魚係咪要合適季節先至有架 ?

      刪除
  2. 回覆
    1. 咦 ~ 呢間旅館都幾旺場喎 , 起碼有四位Blog友曾經或即將入住 . ^^

      刪除
  3. 今天巳離開根室,有D野分享。
    留意各景點定休日,和商市場係星期日,厚岸你打算食壕館及北方返還館係星期一。今天去落石岬去唔到,上到山頂封了路,要徒步25分鐘,但中途大風,超凍,前路滿布雜草,水氹,完全無法前進祗好放棄。妳1月自己去,天氣應更差,請多加小心考慮,安全為上。

    回覆刪除
    回覆
    1. 原來你已經在途中 , 多謝分享 . ^^
      定休日多謝通知 , 兩處既休日都避得開 , 落石岬果度又係 立入禁止 , 難度真係要夏天先至開放 ?
      1月天氣應更差 , 呢樣都在惆悵中 , 大雪天時都唔知點算 ? >_< !!

      刪除
  4. 天氣D野好難估,札幌,帶廣,釧路,阿寒已很多雪,但根室現在一D都無,奇怪!

    回覆刪除
    回覆
    1. 咁都得 ? 真係估佢唔到喎 , 皆因 根室 果頭俾人既印象 , 不嬲都係苦寒地方 ,
      竟然一D雪都冇 ? 而 札幌,帶廣,釧路,阿寒湖降雪量還要多 ,
      正式係風水輪流轉呀 . ^^

      刪除
  5. 今次遊北海道由於冬天下午3時半至4時前巳天黑,白天雪地上架車又要慢一點,可玩的時間實在有限,行程要預鬆一點。明天要回東京去了!

    回覆刪除
    回覆
    1. 明天回東京邊處?會唔會嚟雷門?友季今日淺草落腳,嚟sky tree 可能撞到友季。
      友季今日一人包全駕松本零士design的水上巴士HIMIKO,由お台場去淺草,如果日日係咁真係蝕死佢。今日淺草落雨,又凍返少少。
      友季淺草現場報導。

      刪除
    2. Johnson young : 係呀 ~ 冬天晨咁早就日落繼而天黑 , 不斷咁扣 ,
      行程大縮水 . >_< !!
      相比之下 , 東京應該暖好多 .

      刪除
    3. 友季 : SKY TREE , 正喎 ~ 我都好想去呀 . haha ...
      一人包全架 松本零士design 的水上巴士 HIMIKO ?
      點解既 ? 真係咁冇人去 , 唔係化 ?

      刪除
    4. 我都唔知㸃解無人撘,尋日仲驚買唔到飛,特登去買定,點知去到佢話冇得預售,叫我今日再去買,上到船等咗好耐,都係得一個,攪到好唔好意思,於是乎用咗400円在船上買杯雪榚,叫做有幫抮,唔駛佢地咁慘。

      刪除
    5. 得一個人搭船 , 就算幫襯佢買乜 , 佢都係蝕架喇 . XD
      唯有下一轉賺番啦 . ^^

      刪除
  6. 友季,明天落新宿 Hea 2天就回港。
    看电視話皇居東御苑好似星期六一年一度開放睇紅葉,應該會人山人海,考慮下吧。

    回覆刪除
    回覆
    1. 好呀 ~ 等我代為通知佢 . THX

      刪除
    2. 多謝man wai 姐通知,Johnson哥哥:友季係孤獨精,人山人海一定唔啱友季,好似今日上晴空塔,都係好少人,一見人多上來就閃人。今日仲去咗秋葉原入咗一隻Zard 嘅DVD,梗係絕版啦,坂井泉水都早過米高積臣上天堂。友季鍾意啲歌手都升咗仙。

      刪除
    3. 好彩你收到呢段訊息 , 否則都唔知點向 Johnson young 交代 . haha ...
      晴空塔都小人上 ? 點解既 ? 日本真係好唔正常呀 , 市道真係差得咁差 ?
      Zard 既 CD 我都有一隻 . =_= !!

      刪除
    4. 原來man wai 都係聴Zard,証明你都係怪人,秋葉原個間yodobash已經冇曬Zard啲碟,你隻CD響日本買定香港買架,友季想買promised you 隻碟四圍都搵唔到。

      刪除
    5. 我果隻 ZARD 歌片叫做 : ZARD BEST ~ Request Memorial ~
      在日本買架 . 2913 Yen .

      刪除

歡迎光臨 , 如果時間許可 , 請留番個言丫 ~