2015/11/17

甜到漏 ~ 酸梅湯




Hello ! 


頭先睇完 J2 果場直播 世界盃外圍賽 , 

香港 vs 中國 , 忽然Blog癮大發 , 夜小小都整番篇先 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

好話唔好聽 , 香港既足球水準 , (可能睇得表演賽多)

簡單D講就係 輸小當贏 , 直到今次世界盃分組賽 , 

有兩隊比港隊更加魚腩既出現 ,分別係 不丹 & 馬爾代夫 .

再加上中國隊既 有層次 言論 , 令到呢個小組賽事多左人睇 .

講番頭先場波 , 未開賽之前 , 我諗住中國隊必勝架啦 , 

(好彩足智彩冇開盤咋 , 否則賭埋條命都買佢贏 . haha ... )

因為無論實力或者陰謀論 , 點計都係中國隊贏 , 

點知世事往往就係咁邪 , 同上次港隊深圳作客一樣 , 

撞柱多過食飯 , 有球明明龍門在網內撈個波出黎 , 咁樣都判唔入波 , 

真係咁都得 ? 整定中國隊唔好彩啦 .   >_< !!

依家和波各得一分 , 打後點計數 , 真係冇人知 ?

邊個出線都冇所謂啦 , 正所謂 : 冇期望就唔會失望 .  XD

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

仲有時間 , 黎多單添 , 消委會話市面上既中式飲品糖份過高 .

包括我喜愛既酸梅湯 , 酸梅湯呢樣野 , 基本上係一樣好酸既飲品 , 

要整得好飲既話 , 一定要用大量既糖份黎蓋過佢既酸味 , 

所以酸梅湯糖份過高 , 我一D都唔感到奇怪 .

如果唔想甜過龍 , 可以加冰黎飲 , 正 !

剛剛買左兩支 養生家族 既 酸梅湯 , 幾好飲架 .  ^^


除左加冰之外 , 我最鍾意加埋梅酒 , 加小小落去 , 好飲好多 .

紀州蜂蜜梅酒 , 阿信屋度買 , 折實50幾蚊左右 . 


今晚講住咁多先 . 

Bye Bye !



50 則留言:

  1. 飲開choya,呢隻紀州蜂蜜梅酒得唔得,分享吓吖

    回覆刪除
    回覆
    1. Choya (有粒梅在圓型長樽果隻) 我都有飲過 , 如果同呢隻 紀州蜂蜜梅酒 相比 ,
      前面比較哽D , 後者就咁飲都得 , Choyo 我一定要加冰溝淡佢 .

      刪除
    2. 每次去日本都會買梅酒,今次想買Choyo extra,但係搵唔到。

      刪除
    3. Choyo extra ? 係咪好飲過一般 Choyo 架 ?
      不過玻璃樽運返香港 , 怕唔怕架 ? 打爛咪大碌 . >_< !!

      刪除
    4. 仲以為得軒尼詩至有 extra, 原來梅酒都有 ^^
      上次外甥代帶兩支響 21 都係放篋寄倉, 到手都完整無缺, 你要相信日本人嘅包裝

      刪除
    5. t : 日本人既包裝當然唔會懷疑啦 , 不過玻璃始終都係高風險 ,
      就要睇下 extra 既值搏率係咪高得咁高 . ^^

      刪除
    6. 此留言已被作者移除。

      刪除
    7. Choyo 一定要加冰溝淡佢,紀州蜂蜜梅酒唔駛溝淡? 因為已經溝淡咗?
      真係比Choya淡咗啲, 隔住個mon 同你乾杯
      利申:今日路過鳳德759見到買咗,家陣飲緊

      刪除
    8. 小姐有街坊朋友 ^^ 我都有時去荷利活㗎, 不如搵下小姐談下心 ^^

      刪除
    9. 友季 : 係呀 , 紀州蜂蜜梅酒比較淡D , 可能因為咁所以價錢平D . ^^
      好 ~ 乾一杯 , 乾一杯 , 恭祝友誼 . 一開始 , 一開始 , 不可再終止 .
      來日世界到了盡時 , 你我到了盡時 , 兩心也同疾馳 .
      未飲先醉左 . haha ...

      刪除
    10. t : 街坊朋友 , 可能曾經見過都唔出奇 , (不過大家都唔知大家既身份) 呢個世界咁細 . ^^
      至於談心 , 歡迎隨時上黎呢度談 . XD

      刪除
    11. 唔好話香港咁細,喺日本都隨時擦身而過 XD

      刪除
    12. Fung Mandy : 有冇試過在外地遇到Fans ?

      刪除
    13. 廿幾年前喺士嘉堡中心去厠所期間咁橋遇到個香港朋友, 真係至小便相

      刪除
    14. t : 咦 ~ 真係有架 ? 左外地遇到香港人都唔出奇 , 遇到Fans就真係難過中六合彩 . (如果冇約定既話)

      刪除
    15. man wai, 我就未曾遇過,咁你呢?

      刪除
    16. Fung Mandy : 我都未試過 . XD

      刪除
    17. 我試過係明石大橋遇番幾年冇見舊同事,佢係跟團去^^

      刪除
    18. Maggie, Kaykie : 明石大橋 ? 在那方 ? 上網搜尋下先 .
      不過見到舊同事 , 確實係高難度 , 真係咁都得 ? 勁 !!

      刪除
    19. 明石大橋喺神戶。在外地遇到同事都唔係第一次喇,N年前去桂林都遇過^^

      刪除
    20. Maggie, Kaykie : 原來在神戶果頭 , 仲以為北海道添 . XD
      桂林都遇過咁堅 ? 係零舍有緣還是你相識遍天下 ? ^^

      刪除
    21. 講講下D梅酒都就黎飲完 , 都係時候入番D貨 .
      在 阿信屋 果度入貨咋 . ^_^ !!

      刪除
    22. 友季又剛剛淺草的seven買咗Choya 1 litter 860円,真係抵飲。

      刪除
    23. $55.00左右 , 又幾抵飲喎 . 飲勝佢 . ^^

      刪除
    24. 友季姐你是否在酒店休息 ? 我睇緊 東坡家事 .
      打個招呼先 . haha ...

      刪除
    25. 友季妹響酒店睇緊2015FNS歌謡祭,剛剛水樹奈奈唱完,又到河村隆一,你仲睇緊TBB,真係慣性收視。

      刪除
    26. 冇辦法啦 , 邊度有你咁精彩丫 . haha ...

      刪除
    27. 雖然聽唔明 , 不過日本D電視好睇過香港果D . ^^

      刪除
    28. 聴歌啫,冇話明唔明架。好多歌手都係聲優,好似水樹奈奈,都成日嚮動畫佩音,好多都認得把聲,老一輩的媽池都有出場,都仲係唱Hi 天 Blue 嘰,真係唔認得樣都認得聲。唯一令友季投降就係AKB48,原來仲有隊叫HKT48,真係加起來幾十人,唱一首歌三至四分鐘,每人出鏡十零秒,根本原全認唔到邊個打邊個。可能競爭大呢邊電視台又多,啲節目好睇過TBB10倍都唔止。

      刪除
    29. 另外佢地D節目經常會有日文漢字出現 , 聽唔明都睇得明一部份 . ^^
      TVB , 依家睇緊 實習天使 . ^^

      刪除
    30. 實習天使如果係日劇, 相信好睇十倍 :P

      刪除
    31. Fung Mandy : 日劇好似有D類似既劇種 , 救命病棟24小時之類 . ^^

      刪除
    32. 咦, 呢套未聽過, 等我揾揾先 ^^

      刪除
    33. Fung Mandy : 未聽過 ? 出左好多季過咯喎 . XD

      刪除
    34. 唔講你唔知, 之前多數追台劇同韓劇, 無留意日劇, 所以走寶添 :P

      刪除
    35. Fung Mandy : 哦 ~ 就好似我之前都 Miss 左 最強名醫 , 依家1~2~3季連特別篇都睇晒 ,
      唔知會否出第四季呢 . haha ...

      刪除
    36. 嘩, 特別篇都睇埋, 勁呀, 真係最強係你 XDD
      咁好睇, 我都想佢出多幾季 :P

      刪除
    37. Fung Mandy : 佢D特別篇係季與季之間拍既 , 都叫做有關連 , 睇埋都冇壞 . ^^

      刪除
    38. 有關連當然唔好嘥, 連汁都要撈埋 :P

      刪除
    39. Fung Mandy : 果個 森山卓 醫生超爆笑 , 真係好抵死 . haha ...
      比主角更加搶戲 .

      刪除
    40. 森山卓醫生超正呀, 套劇係未無介紹錯呢, 知你一定會喜歡 ^^

      刪除
    41. 的確冇介紹錯 , 雖然都係醫生片 , 不過同 doctor X 風格就兩回事 .
      兩套我都咁鍾意 . ^^

      刪除
    42. Yeah~
      兩套劇各有各特色, 都係咁好睇 ^^

      刪除
    43. Yeah X 2 . ^_^ !!
      唔講唔知 , 依家除左睇 TVB & 明珠 基本劇集之餘 , 仲煲緊內地劇 拐個皇帝回現代 .
      睇到第14集 , 全劇好似 50集 , 每集23分鐘左右 . XD

      刪除
    44. 拐個皇帝回現代, 呢套好唔好睇, 聽個名都幾吸引, 大路既通常都係講返番古代既橋段,
      每集得23分鐘, 好吊胃既呢 >_<

      刪除
    45. 好唔好睇就見仁見智 , 我就覺得OK掂 , 前幾集就女主角回到古代 , 被皇帝及後宮欺凌 .
      第8集與皇帝一同回到現代 , 我比較鍾意睇穿越劇 , 所以有興趣追落去 .
      23分鐘一集都冇問題 , 反而一晚可以睇幾集 , 覺得進度唔錯添 .

      刪除
    46. 穿越劇有特定吸引力, 尤其是穿梭兩個時空, 話題可不少!

      刪除
    47. 係架 ~ 我好鍾意睇 . ^^

      刪除

歡迎光臨 , 如果時間許可 , 請留番個言丫 ~