Hello !
屋企廁所個廁紙架爛左都好多個年頭 ,
一直都拖得就拖 , 忍得就忍 , 今晚終於的起心肝解決佢 .
就係佢喇 , 本來面上有個蓋 , 不過爛左 , 暫時都係用住先 .
買左個新既 , $18.00 是但一間家品店有售 .
先將舊架拆除 , 再係咁咦清潔牆身 .
照番D螺絲位上個新架 .
最後一Part就係裝番廁紙 .
其實換廁紙架呢樣野 , 可以話係手板眼見功夫 ,
根本不值一晒 , 呢篇最想帶出既訊息係 :
有時有D野明明就在眼前 , 不過就硬係抽唔出時間解決 .
日日都話遲D先 , 依家攪掂晒 , 係咪好正呢 ? haha ...
Bye Bye !
都叫你換噴水廁板咪連廁紙都慳番 ^^
回覆刪除咁又唔係咁講 , 其他人唔知 , 我就唔係好慣呢一套 .
刪除有日本有噴水板既廁所 , 開鋪大之後 , 縱然噴完水 ,
始終都要用廁紙加多兩野先放心 . XD
有埋風筒㗎, 比你用得安心 ^^
刪除http://klnhk.blogspot.hk/2014/12/d6-d7-aso-no-tsukasa-villa-park-hotel.html
TOTO 喎 , 一定好貴喇 , 都係用番D原始土炮野好D . ^^
刪除我用咗噴水廁板好多年, 用完一樣要用廁紙,不過就用少咗兩格囉 ^^
刪除換噴水廁板其實係因為冬天有暖板冇咁凍 XDD
Maggie, Kaykie : 用左好多年 ? 咁 in , 勁喎 .
刪除係自己安裝還是師父安裝架 ? 貴唔貴架 ?
第一次裝係搵師父,換第2個因為已經駁晒水喉,自己都裝到。
刪除可以睇下我個DIY換廁板^^
刪除http://maggiekaykie.blogspot.hk/2012/09/2012923-diy.html?m=1
Maggie, Kaykie : Panasonic 果套要幾多錢呀 ?
刪除不如問埋韓國果套喇 . ^^
點解要換第二個?易壞?
刪除友季 : 上佢網誌睇 , 話韓國果個壞左 , 醫番都無謂 , 所以壯士斷臂喎 .
刪除其實兩套價錢差唔多,不過韓國果個用咗1年就開始壞,哩頭整返過3個月又壞過-_-#
刪除Panasonic果套已經用咗3年都冇問題^^
Maggie, Kaykie : 日本產品又勝一仗 . ^^
刪除我玩過一次日本既噴水廁所板,頂佢唔順,以後唔敢試。
回覆刪除可以調教水力同位置架
刪除1733 : 點解以後唔敢試 ? 咁嚴重 ?
刪除Maggie, Kaykie : 用水清洗都係輔助性質 , 始終都要用廁紙先至放心 .
刪除man wai: 我都係咁話^^
刪除CHing 可能有D通櫃感覺 ^^
刪除t : 哦 ~ 原來如此 , 只要唔好心邪 , 冇事喎 . haha ...
刪除套野有按摩功能,辦大事會暢順好多架XD....
刪除Maggie, Kaykie ; 呢樣又冇諗過喎 , 淨係諗清潔方面 .
刪除用家果然唔同D . ^^