Hello !
今日頭條 : 冬季自駕遊危險 , 北海道暫停旅客租車 ...
今日對於我黎講 , 至爆既新聞並非選舉結果 ,
而係呢單OTS北海道租車公司 , 暫停租車俾外國旅客 .
OTS網頁既通告 . (中文版)
報導話外國人雪地駕駛經驗淺薄 , 暫時都係唔租俾你地 ,
費時你地炒大鑊 , 等雪季過左先至再玩過啦 . (大至上係咁啦)
其實呢單OTS冬季拒租車俾外國客 , 早已從Blog友中略有所聞 .
而講開冬季自駕遊 , 近排亦有Blog友問我有冇雪地駕駛的經驗 ?
我介紹佢睇我2011年既 : 雪地自駕遊經驗之談篇
不過該篇所謂經驗之談 , 只屬取巧性質 , 皆因我既雪駕經驗 ,
只限於天清氣朗既雪地 , 真正漫天風雪能見度低既情況 , 我都未試過 .
我諗如果在高速就冇得好講 , 若然普通馬路遇到大風雪 ,
都係唔行好過行 , 頂多買定D乾糧在車上等 , 平定先至開車 .
講番OTS今次決定 , 對我影響不大 , 因為我係Toyota忠實Fans .
大吉利是講句 , 萬一Toyota又玩呢招 , 咁就真係杰撻撻咯 .
訂好既酒店都要取消 , 只能改為在 札幌 市內觀光 ,
希望唔好啦 , 最多我小心D駕駛 , 盡量唔整臭港人個朵 .
Bye Bye !
連有生意都唔做,都真係好有決心咁噃。
回覆刪除費時執手尾 , 賺埋都唔夠蝕 . XD
刪除今早突然想下星期放假,又突然响ANA搵到零晨機位, 因為只得一星期, 都係留响東京行吓算喇。不過車癮又起, 由於時間太短完全冇plan, 都係去mega web 豐田汽車主題公園走番轉算喇。剛剛Book曬機票酒店, 希望唔好遇到太多強國人啦。唔知mega web楂車會唔會落雪,如果落雪咁都算係雪駕吖
回覆刪除有得玩一個星期都唔錯喎 , 超羨慕 . ^^
刪除依家在日本想唔見到強國人都好似好難咁 , 希望唔好有太大滋擾啦 .
雪駕玩得開心D啦 . haha ...
突發:寒流襲日本 北海道零下20度 東京今晨5度
刪除呢次真係要雪駕喇 (╥﹏╥)
一係唔黎 , 一黎就勁到得人驚 , 零下20度 ? 真係唔知帶乜野衫去 ? XD
刪除羽田機場8度,友季現場報導
刪除友季 : 咦 ~ 現場直擊喎 . ^^
刪除得8度 , 凍就凍左D , 有冇落雪呀 ? 冇就做唔成雪駕遊咯 .
點都好 , 玩得開心D啦 . Yeah !!
出去玩始終安全最重要啊!
回覆刪除係呀 ~ 小心駛得萬年船嘛 . ^^
刪除