2015/11/02

Panasonic NA-F65G5 洗衣機 (開箱文)




Hello !


尋日星期日 , 點解唔見 "2016行程初盤" 出街 ? 理由有兩個 . 

第一 : 雖然知道路線 , 不過仲未搵景點 , 想寫都唔得 .

第二 : 就係早排忙於搵洗衣機 , 所以冇時間搵料 .

終於日前攪掂洗衣機呢Part , 可以繼續搵料 .

而呢一篇叫得做洗衣機開箱文 , 當然要好好咁介紹部機 .

一切就要由舊洗衣機開始說起 , 話說用緊果部洗衣機 , 叫做 : 愛妻號 .

(用左都好多個年頭 , 唔記得幾耐咯 , 總之就好耐啦)   ^_^ !!

部機底部有漏油跡象 , 雖然對操作冇乜影響 , 

不過話晒都咁多年 , 始終都唔多放心 , 容乜易洗洗下衫大爆炸 , 

到時上A1頭條咪大鑊 , 最慘係隔離左右都多得你唔小 , 呢樣先係主因 .

於是乎四出咁搵心水機 , 睇左好多個牌子 , 對於有選擇困難症既我 , 

確實充滿難度 , 淨係在樂天搵酒店 , 搵到頭都爆左就已經知啦 .

本來睇中左 日立 既機款 , 可惜佢機身比較高 , 

洗衣機位上面有個煤氣乾衣機 , 若然部機太高就唔係咁方便 .

千揀萬揀之下 , 揀中呢部 Panasonic NA-F65G5 

在豐澤度買 $2592.00 , 買機時問佢 : 有冇夜晚送貨 ? 

送貨時會唔會收埋部舊機走 ? 包唔包安裝 ? 有冇保用 ? 

佢答 : 送貨只係得日間 , 可以收走舊機 , 

(相信佢收左都係賣俾D印巴佬 , 就當係伙記D下欄錢啦)

另外唔包安裝 , 只係放低部機就走 , 與及由代理提供兩年保用 .

既然冇夜晚送貨 , 唯有休息一日等收機 , 期間都唔係白過架 , 

要清晒門戶 , 地下積埋唔小萬年塵 , 清理起上黎仲辛苦過開工 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

好 ~ 講完簡介輪到睇相 , 首先介紹一下舊機 : 愛妻號 

操作正常架 , 不過係漏油先至放棄佢 , 對佢充滿感情 . 


舊機操作相當簡單 , 呢樣亦係唔捨得既原因 .


就係呢度喇 , 漏油漏到黐立立咁 , 都唔知乜野黎 ? 

要用天拿水先至可以完全清理 .


好污糟既呢 , 呢度只係一部份 .


拎走部舊機 , 污糟到啊媽都唔認得 , 

要清理門戶實在係一件艱巨既任務 . 


一場火拼之後 , 係咪好乾淨呢 , 堅呀 . 


攪掂晒之後亦係貨到之時 , Panasonic NA-F65G5

(相片外圍經過處理 , 費時間屋嚇親人) haha ...


拆開個箱 , 見到部機既真身 . (相片又係經過處理)

箱裡面有一塊膠板及兩條膠喉 , 一粗一幼 , 膠板安裝在洗衣機底部 , 

裝又得 ~ 唔裝又得 , 反正都唔會經常反轉部機 .


將佢放落舊機位置 , Fit 晒 ~ 


輪到駁水喉 , 先將幼喉擰入水龍頭 .


另一邊駁落洗衣機度 .


攪掂就係咁樣喇 .


粗果條喉一邊駁落出水口 .


另一邊自然係駁落坑渠啦 .


千祈唔好忘記插電 .


面板睇落好多野Set , 其實好簡單 , 手板眼見功夫 .


洗衣糟部份 , 綠色 ~ 我鍾意 .  ^^


成個萬花筒咁款 , 好靚呀 . Yeah !!


用後心得 : 所謂江山代有人才出 , 一代新機勝舊機 .

新機洗衣洗衫時 , 無論出水至到洗衣時質感 , 確實遠勝舊機 , 

我最欣賞佢有倒數洗衣時間顯示 , 雖然唔算太實用 , 

(洗完佢都會BB聲提醒你) 不過就好過癮 .

$2592.00 貴就貴左D , 希望用到10年以上啦 .

Bye Bye !


8 則留言:

  1. 本來正想搵你問功課,見你哩篇post出嚟,我真係無搵錯人 :)
    我喺日本買咗個小型嘅搞伴機,一心諗住轉插頭就用得,但開機時有火花,真係嚇死,睇清楚係佢機身只有110v ,唔同平時買啲電器寫110 -220V,咁係咪面轉電壓呀?可以點轉呢?我真係哩方面嘅白痴。
    最衰買嗰陣無睇清楚啦!唔該晒先!

    回覆刪除
    回覆
    1. 咦 ~ 今朝07:34留言 , 晨咁早喎 , 一定十萬火急喇 , 唔好意思 , 要收工先回覆 , 希望唔會太遲啦 . ^^
      如果係旅行裝火牛(AC100V-240V~50/60Hz) 咁就世界通行 , 只需要換轉插頭就OK ,
      若然係正宗日本貨110V電壓 , 咁就一定要用變壓器 , 而變壓器方面 , 亦要睇下係乜野電器 ,
      如果係重型電器(好似牛龜電視 , 不過已經絕種) , 個變壓器都要Pro D果隻 ,
      輕便小型電器則可以用等閒變壓器 , 睇番你既情況 , 110V 直接插落 220V 插頭 ,
      真係唔知有冇燒機 , 最好就冇啦 , 如果有都幾麻煩 , 以上知識係由電器舖教落 .
      唔係喇 ~ 都係開番篇網誌黎個詳細講解 , 等我 ~ 一陣攪掂佢 .

      刪除
    2. 喂!真係唔該晒!都係我一時大意,希望無燒到啦!
      果然pro,我真係無搵錯人,我等你。 唔該晒呀!

      刪除
    3. 哦 ~ 小意思唶 , 就好似日本遊記咁 , 人教我 , 我教人 , 大家好好分享 . ^^

      刪除
    4. 110V 插 220V 無跳 mcb 都幾危險, 出過火花就建議唔好再用

      刪除
    5. t : 係呀 ~ 我都有D擔心佢 ...
      110V 插 220V 既經歷我都試過 , 不過係台灣產品 , 結果係燒左 , 不過冇火花 .

      刪除
  2. 因為長期被陽光曬~電路版防水膠老化.~唔影響使用~~

    回覆刪除
    回覆
    1. 哦 ! 算啦, 始終都咁耐, 係時候換一換佢 .

      刪除

歡迎光臨 , 如果時間許可 , 請留番個言丫 ~