2015/12/13

2016 行程初盤 (第六日行程)




Hello !


今日星期日 , 又到寫旅遊網誌既好日子 ,

接回上次既第五日行程 , 輪到第六日 ...

呢日既行程有部份景點須要考慮去唔去 , 就好似 網走破冰船 , 

又想去 ~ 又唔想去 , 如果去既話 , 其他景點都要Cut咁D .

就由開始講先啦 , 離開旅館之後 , 沿住離開 知床 果條路 , 

第一個景點就係 知床斜里道の駅 , 其實至在休息鬆下對腳 , 

跟住就係 濤沸湖 ~ 北浜駅 ~ 藻琴湖 之類咁啦 .

參觀完晒之後 , 一直去到 網走市 範圍 , 有個地方好想再去多次 , 

就係 能取岬 , 上次在黃昏到達 , 天陰陰咁睇得唔多清楚 , 

今次早小小到場 , 希望影多幾張相啦 .  ^^

另外想睇既就係曾經住過果間 活魚料理 ~ 渚亭 , 唔知點解 ?

今次冇出現在 樂天 網站既選擇之中 ? 莫非執左笠 ?

橫掂會經過果頭 , 兜一兜入去睇睇 , 果度仲好似有個景點叫做 : 二ツ岩 .

之後去到 網走監獄 附近 , 監獄就唔參觀咯 , 淨係參觀隔離既 天都山 .

裡面有個流冰館 , 又係可以體驗零下20度既氣溫 , 

即係搵條濕毛巾轉 ~ 轉 ~ 轉 , 好快就變魷魚骨果隻 .  XD

最後就係去番開頭所講既 破冰船 , 暫時都未知上唔上船 , 

隨機應變啦 , 行程大至上係咁 , 旅館方面亦都揀好 , 


張相只係參考 , 去到果陣相信湖面都結晒冰 .


第六日完 !




10 則留言:

  1. 今日呢條線我都想冬天去多次,不過都係唔敢雪駕,所以就算再去都會揀鐵路遊

    回覆刪除
    回覆
    1. 由網走往知床 , 或者掉番轉 , 沿途都好多野睇 , 你咪好似去過 北浜駅 睇火車既 ?
      雪駕都唔怕啦 , 小心D ~ 應該冇問題 . ^^

      刪除
    2. 呢條線我上次去過,再去係想玩破冰船,睇流冰或玩浮冰。始終道東冇高速,大風大雪行國道都係驚驚地。

      刪除
    3. 破冰船我都尚在考慮中 , 畢竟上次都試過 . ^_< !!
      玩浮冰好似幾激下喎 , 不過多數都唔會參與咯 .
      咁鐵路都係個唔錯既體驗黎既 . ^^

      刪除
    4. 鐵路要攞住行李又上又落,友季就唔際啦,寧願雪駕開慢啲。snow chain 都玩過,應該冇問題. -_~

      刪除
    5. 友季 : 堅呀 ! 連 snow chain 都玩過 , 想唔叫你前輩都唔得呀 . haha ...

      刪除
    6. 如果揀鐵路遊就唔會去太多地方, 司機怕怕都冇辦法=_=

      刪除
    7. 景點既野 , 貴精不貴多 , 最緊要玩得開心唶 . ^^

      刪除
  2. 破冰船應該幾好玩呢,
    PLAN 行程既野,有時去到東就去吾到西,真系幾難攪,我好明白你感受.

    回覆刪除
    回覆
    1. 睇下多唔多冰啦 , 如果好似上次咁 , 得番D碎冰 , 感覺都係普通料 . =_= !!
      就算Plan好 , 好多時都要臨場執生 , 幾過癮架 . XD

      刪除

歡迎光臨 , 如果時間許可 , 請留番個言丫 ~