2015/12/21

2016 行程初盤 (第七日行程)




Hello !


呢篇行程初盤 , 本來應該尋日出街 , 

不過尋日好忙 , 所以順延至今晚出街見各位 .  ^^

~~~~~~~~~~~~~~~~~~~~~~~~~~~~~~~~~~~~~~~~~~~~~~

呢一日要去既地方頗多 , 不過只屬舊地重遊 , 

基本上今次全程既景點大部份都係舊地重遊 , 重溫番當日既意境 .

其實都唔知去唔去得晒 , 唯有睇餸食飯啦 , 

而當中有D地方屬重點行程 , 即係幾趕都要去埋佢 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

當日離開旅館 , 第一個景點就係必去既 摩周湖展望台 , 

果度聽講有三個展望台 , 唔知會唔會封路呢 ? 見過其他Blog友

都在落雪時參觀果度 , 應該唔怕掛 , 陣間再搵多D資料 .

之後過隔離 屈斜路湖 , 又係沿住湖邊行 , 途中見到乜就停乜 , 

好似 : 砂湯 呢度 , 又係非去不可 , 上次冬天去滿湖都係天鵝 , 

今次應該都唔會例外 , 帶定D餅乾去餵天鵝 , 有排玩既呢 .

再黎就係 : 池の湯 ~ 古丹溫泉 ~ 和琴半島 ~ 等等 ...

跟住輪到重頭戲 美幌峠 , 講起呢個 美幌峠 就犀利喇 , 

上次俾D風吹到對耳差D甩左出黎 , 今次一於有仇報仇 , 影多幾張相 .

攪掂完呢Part 就過隔離 阿寒湖 , 首先要經過 雙岳 ~ 雙湖呢兩個觀景台 .

去到 阿寒湖 , 除左參觀呢個冰湖之外 , 重點就係入油 .  ^^ 

果度有個油站 , 本來就冇乜大不了 , 

重點就係油站旁邊有噴水洗車玩 , 200Yen有分零鐘任洗 , 

勁好玩呀 . (千祈唔好整濕塊擋風玻璃) 否則後果自負 . haha ...

玩完呢度都差唔多 , 今晚既旅館亦都搵到 , 仲Book埋添 .


~ 就係佢喇 ~ 


講起呢間旅館 , 同佢都有DD淵緣 , 

就係上次去 然別湖 , 借過佢門口黎泊車 .


第七日完 !



28 則留言:

  1. 回覆
    1. 係呀 ~ 道東三湖 , 殊途同歸 , 一脈相承 , 大家都係咁上下 . XD

      刪除
    2. 我上次去屈斜路湖搵隻天鵝睇下都冇=_=

      刪除
    3. 乜野月份架 ? 夏天冇過喎 .
      上次2月頭 , 勁多 ~ ^_^ ~

      刪除
  2. 一定要去祕湯-屈斜路湖露天風呂。
    一面浸温泉,一面欣賞天鵝游泳及飛翔,雪山及平靜嘅湖面。
    上月試過,簡直好似去佐天堂。
    位置為砂湯南下5分鐘。

    回覆刪除
    回覆
    1. 係講 古丹溫泉 還是 和琴半島 裡面果個 ?
      上次我去果陣加埋藍天白雲 , 正上加正 , 不過齋睇冇浸 . XD

      刪除
  3. 客氣說話唔多講.
    你依個 plan 根本上就係超錯, 你係咪專登又扮新手等大家指正?
    我衰衰地好多年無冬天去道東, 唔駛睇地圖都知係 mission impossible.

    回覆刪除
    回覆
    1. 摩周有第一, 第三展望台, 唔好問點解無第二, 係叫裏摩周展望台.
      冬天你都可以死心裏摩周展望台太難去.
      另外川湯溫泉上第三展望台條路會封閉, 你由網走去要一路落到摩周駅再兜上第一展望台.

      跟住你要去屈斜路湖 > 美幌峠 玩完又要走回頭路,之後又要挑戰阿寒横断道路.

      停完阿寒湖唔知幾耐你又要去然別湖!(我先頭以為自己老花)

      刪除
    2. J少 : 首先多謝你既坦白 , 老實 ~ 今次並非扮新手等人執 .

      刪除
    3. 裏摩周湖的確好難到達 , 行程既野 , 可以收改 , 唔啱改到啱唶 . ^^

      刪除
    4. 老實講我同意J少所講,其實你plan時有無計過距離同行車所需時間,仲要計每個景點停留嘅時間,你又要浸湯又要餵天鵝又要玩洗車,咁嘅行程莫講話冬天,夏天或者都只係勉強可以
      我夏天都係只去第一同第三展望台,由阿寒湖去然別湖要兩個幾鐘先到
      唔好介意我哋咁坦白

      刪除
    5. 3J家庭 : 當然唔會介意啦 , 開心都黎唔得切添 , 今時今日 , 肯講真話既Blog友唔係咁多 .
      搵路線及景點 , 我一向都係眼闊肚窄架啦 , 呢個只係行程初盤 ,
      如果唔多妥既話 , 可以執一執 , 從善如流嘛 . ^^
      P.S. : 再一次多謝兩位咁坦白 . Yeah !!

      刪除
    6. "今時今日,肯講真話既Blog友唔係咁多" 依句說話我好認同,哈哈
      其實你依日嘅行程唔去然別湖的話係可行
      不過先後次序要執執,由網走湖出發應該先去美幌峠,然後和琴半島 - 砂湯 - 池の湯/古丹溫泉 - 摩周湖,最後去到阿寒湖
      雙湖呢兩個觀景台冬天應該去唔到
      或者依晚住阿寒湖會好D囉

      刪除
    7. 係呀 ~ 因為就算俾著自己 , 都未必會講真心話丫 . haha ...
      好 ~ 經你執一執 , 條路暢順左好多 , 之但係然別湖我好想去喎 ,
      唯有早D食完早餐出發 , 果D秘湯多數都唔會浸 , 影幾張相就算 , 餵天鵝就係咁咦 ,
      雙湖台展望只屬過境性質 , 唔會停留太耐 , 再睇住時間做人 ,
      應該可以趕及入黑前到達 然別湖 既 . THX !!

      刪除
    8. 如果你堅持要去然別湖的話,每個地方真係唔好磨咁耐,入黑揸車好危險,仲要响冬天雪地
      入然別湖條路都好靜,不過其實成個然別湖湖都好靜,旅館都好靜
      唔知你有無睇過我依篇
      http://3jfamily.blogspot.hk/2011/02/2011_20.html

      刪除
    9. 唯有係咁啦 , 預鬆D時間黎做臨界點 , 千祈唔好摸黑駕駛 . =_= !!
      然別湖 入夜好似有攪作 , 都有睇過你果篇 , 所以想一睹果個露天溫泉既風采 .
      同埋 然別湖コタン 會場 . ^^

      刪除
    10. 其實你只要開住個 Google Map 去 plan route 就唔會錯啦, 另外全黑夜雪地飛車你都習慣.

      然別湖真係要最遲 3:30pm 到, 否則你太陽落山前浸唔到湖上露天風呂. 咁你自己再計吓啲時間, 我估你 8:30am 離開網走湖, 便利店解決 lunch (我係忠實讀者) 都有可能既.

      想當年去然別湖除咗浸個湖上風呂, 夜晚去コタン, 晨早坐熱氣球, 仲玩埋 cross country ski tour. XD

      刪除
    11. 双岳台就可以停
      https://goo.gl/maps/mD31Eizp1jt
      双湖台就唔知行唔行到上去了.

      刪除
    12. 要好早出發,留意阿寒横断道,3星期前走過時沿途都好多雪,加上要上斜及下坡時都要慢駛一點。到時預早 chkchk條路開放狀態 預算埋 plan B

      刪除
    13. J少 : 全黑通宵飛車果次係5月 , 黎緊出發果陣係二月 , 雪地黑晚飛車 ? 我就唔敢托大喇 . =_= !!
      然別湖露天溫泉可以翌日參觀都唔遲 , 果日比較清閒 , 連便利店午餐都知 , 果然係忠實讀者 , 讚呀 !
      話時話 ~ 便利店D炸雞水準唔差架 , 尤其通常都好肚餓 , 更加飲得杯落 . haha ...
      熱氣球咁激 ? 有冇佐賀熱氣球咁堅先 ? XD

      刪除
    14. J少 : 双岳台 & 双湖台 只屬過境性質 , 有得停就停 , 冇得停就算果隻 . XD

      刪除
    15. Johnson young : 係喎 ~ 你早排經過過果度 , 可以做探子回報 . ^^
      只於Plan B ... 真係無法估計 .

      刪除
    16. Plan B 係兜路、全日玩遊車河。

      氣球只係象徵升降,唔係 free fly

      刪除
    17. J少 : 都可以咁講 , 如果兜路既話 , 真係玩遊車河 . XD
      相信都好難搵到有地方勁得過果度 . haha ...

      刪除
  4. Merry Christmas and happy birthday 預祝 (˙-˙)

    回覆刪除
    回覆
    1. 友季 : 聖誕快樂 , Yeah !!
      happy birthday 都知 ? 咁堅 , 利害 . haha ...
      多謝晒 ~

      刪除

歡迎光臨 , 如果時間許可 , 請留番個言丫 ~