2016 行程初盤 (第八日行程)

Hello !

上篇開完生日會 , 今晚解決埋個行程初盤佢 .

輪到第八日行程 , 今日車程比較短 , 即係由 然別湖 果度開始 , 

去到總站 旭岳 , 如果唔停站 , 大約需時3個半鐘左右 .

而呢日既景點 , 幾近係上次2014年既翻版 .

最先由旅館出發 , 一直去到 道の駅 南ふらの (南富良野)

跟住一直踩上去 , 上次既 富良野 就未開花 , 所以冇乜野睇 , 

今次係由Blog友介紹 , 話 富良野 & 美瑛 雪景好靚 , 

所以特登編排呢日既行程 , 至於有乜野景點 ? 

又係去到見乜睇乜啦 , 不過有幾個景點就一定會到 , 

就好似 : 四季彩之丘 ~ 哲學之木 ~ 四季之塔 ~ 親子之木 ~ 

Ken & Mary之木 ~ 北西之丘展望公園 ~ Mild Seven之木 ~ 

亞斗夢之丘 ... 大約係咁上下啦 , 以上景點好似全部都係 美瑛  , 

係呀 ~ 由於實在太過濕碎 , 所以寫住部份先 , 

唔駛驚喎 , 返到黎必定會寫番晒去過既每個景點 .

而旅館方面 , 亦都已經搵到 , 仲Book埋添 , 

就係 : 旭岳万世閣ホテルベアモンテ

呢間旅館係Blog友 Mandy 介紹 , 相信都會幾好 .  ^^

外型相當唔錯 , 讚呀 !!

~ 第八日完 ~