2016/01/03

2016 行程初盤 (第九日行程)




Hello !


又黎行程初盤 , 黎到第九日 , 已經接近行程尾聲 ,

上回講到在 旭岳万世閣ホテルベアモンテ , 

食完早餐就出門 , 如果上日未去搭吊車既話 , 

今日第一個景點就係佢 , Check過佢網頁 , 話冬季照常營業 , 

不過上到上面唔知有乜野睇呢 ? 果D小池相信都結晒冰咯 .

攪掂呢度之後落山 , 下一站就係報復戰 : 首先係報上次失咭之仇 ,  

旭山動物園 , 其次就係旭川拉麵村 , 由於參觀需時 , 

攪掂晒之後 , 相信已經係下午 , 即刻往札幌還車 , 

還車之後往酒店 Check in , 放下行李又要出發 , 

目的地就係 桑園 果個天然溫泉 , 呢度就犀利喇 , 

上次玩過覺得好正 , 除左入場費街坊價之外 , 連晚餐都係街坊價 , 

正式係抵食夾大件 , 浸溫泉浸到散晒再黎杯啤酒 + 晚餐 , 

真係爽到冇朋友 , 依家諗起都覺得正 .   ^_^ !!

之後就返酒店 , 正式結束第九日既行程 . 

(如果仲有時間既話 , 可以去大通公園參觀雪祭 , 睇心情啦)

酒店一早已經搵到 , 仲Book埋添 , 就係 : 札幌全日空ホテル


Bye Bye ! 



4 則留言:

  1. 桑園個天然溫泉真係正到冇朋友,我都會翻兜,哈哈!

    回覆刪除
    回覆
    1. 果張十送一回數券 , 可以cup多一次 . haha ...

      刪除
    2. 去到道の駅記得都要cup印仔啊,等睇你集齊全北海道的道の駅印仔✌🤗

      刪除
    3. Cup印仔呢味野就隨緣啦 , 今程時間緊迫 , 有D道の駅都未必會停低 .
      等睇我集齊全北海道既道の駅印仔 , 呢樣恐怕不易 ,
      要搵D印仔超級Fans至得 . XD

      刪除

歡迎光臨 , 如果時間許可 , 請留番個言丫 ~