Hello !
又黎行程初盤 , 黎到第九日 , 已經接近行程尾聲 ,
上回講到在 旭岳万世閣ホテルベアモンテ ,
食完早餐就出門 , 如果上日未去搭吊車既話 ,
今日第一個景點就係佢 , Check過佢網頁 , 話冬季照常營業 ,
不過上到上面唔知有乜野睇呢 ? 果D小池相信都結晒冰咯 .
攪掂呢度之後落山 , 下一站就係報復戰 : 首先係報上次失咭之仇 ,
旭山動物園 , 其次就係旭川拉麵村 , 由於參觀需時 ,
攪掂晒之後 , 相信已經係下午 , 即刻往札幌還車 ,
還車之後往酒店 Check in , 放下行李又要出發 ,
目的地就係 桑園 果個天然溫泉 , 呢度就犀利喇 ,
上次玩過覺得好正 , 除左入場費街坊價之外 , 連晚餐都係街坊價 ,
正式係抵食夾大件 , 浸溫泉浸到散晒再黎杯啤酒 + 晚餐 ,
真係爽到冇朋友 , 依家諗起都覺得正 . ^_^ !!
之後就返酒店 , 正式結束第九日既行程 .
(如果仲有時間既話 , 可以去大通公園參觀雪祭 , 睇心情啦)
酒店一早已經搵到 , 仲Book埋添 , 就係 : 札幌全日空ホテル
Bye Bye !
桑園個天然溫泉真係正到冇朋友,我都會翻兜,哈哈!
回覆刪除果張十送一回數券 , 可以cup多一次 . haha ...
刪除去到道の駅記得都要cup印仔啊,等睇你集齊全北海道的道の駅印仔✌🤗
刪除Cup印仔呢味野就隨緣啦 , 今程時間緊迫 , 有D道の駅都未必會停低 .
刪除等睇我集齊全北海道既道の駅印仔 , 呢樣恐怕不易 ,
要搵D印仔超級Fans至得 . XD