Hello !
正所謂 : 唔聲唔聲嚇你一驚 , 就係咁解釋 ,
上年(2015)整個12月都冇乜點凍過 , 以為就咁就過左個冬季 ,
點知今日凍到啊媽都唔認得 , 大帽山結霜 , 深圳又話落雪 ,
今鋪真係一次過番晒黎 , 黎個北海道出發前天氣預演 .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
由於實在太凍 , 乜野戶外活動都要暫停 , 閒來在家中 ,
唔係煲劇就係執屋 , 在執電腦時 , 搵到段舊短片 ,
睇完之後令我諗起好耐之前與Blog友們既一番對話 ...
首先係2015年7月1日 , 當時 Nerissa (大小姐) 一個人出走東北回來 ,
我問 : 點解唔試下自駕遊 , 有部車可以去多好多地方 , Free好多喎 .
佢答 : 我D咁 "藤雞" 既人好難揸車架 , 我係果D如果揸住架車俾人
過頭仲要俾人話 "死八婆" 學乜人揸車 . XD
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
另外就係 Shirley姐 , 在2015年12月2日 既對話 .
我問 : 有冇諗住考番個牌呀 ? 你地幾個人既話 , 有部車仲可以攤分成本 ,
唔駛好似我咁 , 一個人硬食租車 & 油費 .
佢答 : 吓 ! 我左右不分 , 睇倒後鏡會頭暈 , 我揸車會好大鑊咖 !
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
今次係想講 , 唔好睇我好似好勁咁 , 揸住部車四圍去 ,
其實我都經過好多失敗既所謂 "蝦碌事件" , 不過只要唔係離晒譜 ,
得啖笑就算 , 最多下次醒目D , 唔好再犯同樣既錯就OK .
講左咁耐 , 係咪想睇下段片呢 ? 擺左上Youtube喇 .
應該係上次2014年果次自駕遊剛出車時發生 ,
事發時間係 1:59 , 開頭果D只係當風景咁睇 .
睇完之後 , 大家應該會覺得 , man wai 手車咁屎都自駕遊 ,
我都勁過佢多多聲啦 . haha ...
Bye Bye !
逆線啫, 好閒喎, 高手唔睇清楚路牌都會揩野, 我屋企嗰頭成日都有盲毛入錯線.
回覆刪除可能果陣剛取車 , 戇居居入錯路口 .
刪除好彩發覺得早 , 而後面又冇車 , 否則都幾麻煩 . XD
小姐你開頭實線 cut左後直去已經係正常上唔得, 唔睇藍牌而逆線行車確有 MK飛車避差人感覺, 不過日本人會當你係支那或台灣人 ^^
刪除返番睇新聞, 咁多人全無危機感,北海道有高過大帽山0既山, 但無咁斜0既國道, 車無雪軑又不是四驅, 人又著對波鞋就上山真係用命博
開頭 ? 係咪即係第12秒果陣 ? 唔得既咩 ? 睇過隔離冇車喎 .
刪除照咁講 , 下次再逆線行車應該踩油扭軑拉手掣 , 黎個180度甩尾 , 佢地會以為係頭文字D . haha ...
係喎 ~ 香港究竟有冇雪軑賣 ? 如果有 ~ 買左又有冇人裝上車 ? 幾十年先至一閏 .
另外應該著乜野鞋上山防滑 ? 足球場釘鞋 ?
小姐, 實線應該不能轉線, 你在外實線應該係右轉
刪除落雪不同結冰, 車軚一般都係儲得三年係就會膠硬化.乜野鞋上山防滑..無雪爪咪去便利店咪有D套落隻鞋嘅有釘防滑鞋底賣囉, 不過可能波 boot 都可以 :D
我以為只要隔離冇車就得咋 . XD
刪除咁香港都好難搵到雪軑賣咯 ,
今次去便利店睇睇有冇雪爪賣先 . ^^
小姐, 你最好租隻 docomo 嘅 wifi 蛋用同每天要 check 下
刪除http://northern-road.jp/navi/touge/fubuki.htm
http://info-road.hdb.hkd.mlit.go.jp/RoadInfo/index.htm
我用左 google map 導航而車內果個只係要黎輔助比較
好呀 ~ 睇下點啦 . 多謝提供資料 . ^^
刪除小姐係咪租番 RAV4
刪除t : 今次並唔係租RAV4 , 由於幫襯 たびらい , 車款選擇多好多 .
刪除今年玩神秘唔講住 , 返黎先至報料 , 不過可以透露小小 , 係一部勁車 . haha ...
P.S. : 唔係森林人 . XD
雪駕最重要安全啊
刪除呢樣一定會小心 , 又唔係第一次雪駕 .
刪除只要唔係遇到暴雪 , 相信問題不大 .
我嚮函館都試過GPS失靈,由於路上冇車逆線行咗5分鐘覺得唔對路,因為路牌反轉。
回覆刪除5分鐘 ? 咁激 ~ 有冇人知道你行錯線呀 ?
刪除有!油站職員,於是駛入油站扮入油。(>‿◠)✌
刪除好彩唔係俾警察截停 . XD
刪除我今年都想考車牌,諗緊棍波定自動波,D朋友叫我考自動波,因為易D同埋基本上不論外國或香港都系自動波流行D呢
回覆刪除咁就睇你鍾意玩還是實用 , 論好玩就點都係棍波車 , 如果舒服就自動波 . ^^
刪除諗住學私家車還是輕型貨車 ?
實在幾号出發,幾号回?
回覆刪除2月8日年初一出發 , 2月19日晚返 . ^^
刪除仲有一個禮拜就出發,羨慕羨慕,萬事小心就玩得開心。
刪除友季 : 多謝支持 , 其實我都好心急 . ^^
刪除今次都算等得耐咯 .
我也是同日出發去台灣。
回覆刪除這段時間去北海道,要多加小心!
多謝關心 , 係呀 ~ 一定要小心 . ^^
刪除大家都玩得開心D啦 .