Hello !
唔知大家覺唔覺 , 呢排比較少更新個網誌 ,
因為好鬼忙囉 , 除左搵旅遊料之外 , (基本上已經搵齊)
就係煲劇 , 加上早前買左個 Letv Box , 更加係忙上加忙 .
首先介紹一下個盒先啦 , 價值港幣 $399.00
打開個盒 , 裡面有主機盒仔一個 & VIP咭一張 .
挖晒D野出黎 , 裡面仲有火牛一個 ,
遙控器 ~ 電芯 ~ HDMI線 ~ 類似說明書等等 ...
盒仔就細細個 , 遙控器得幾粒掣 , 簡簡單單 .
駁好線之後 , 再跟住佢黎個簡單設定就OK .
總共9個步驟 , 非常容易 .
進入版面 , 好多節目可以選擇 .
節目不斷增加 , 如果都嫌小 , 仲可以安裝外掛程式 ,
好似 : VST全聚合 ~ 魔力視頻 ~ HDP直播之類 . 莫講話仲要返工 ,
就算即刻退休都唔夠時間睇晒佢D節目 . haha ...
(如果在腦場買機 , 佢會幫你安裝外掛程式 , 唔駛自己黎)
之前煲完佢自家制節目 : 拐個皇帝回現代 ,
依家煲緊 : 來自未來的史密特 . ^^
至於旅行方面 , 已經講無可講 , 等出發啦 . Yeah !!
Bye Bye !
知道maⅰwai終於都有意脫離TVB的魔掌好滾動,唔駛再睇愛回家,同BBQ,同煮個麵你食。
回覆刪除咁又唔係完全唔睇tvb既 , 選擇性囉 . ^^
刪除明珠台都有睇架 , 所以先至咁忙 . haha ...
依家睇埋緊杜如風東京攻略番外篇 .
加入外掛程式可以睇好多劇集 . ^^
回覆刪除小姐, 今日睇到兩單新聞, 一單係呢兩日北海道比兩隻低氣鴨攪到暴雪兩日, 好似好勁
回覆刪除http://weather.yahoo.co.jp/weather/jp/1.html?day=1
叧一單都唔算新聞, 前排新聞都話北京樂視比債主追上門, 今日就到香港食60人聖誕大餐, 如果你有付費就可能危危乎
北海道暴雪果單都略有所聞 , 年年都會整單咁既野 , 仲未出門住 , 希望遲D會好D啦 . =_= !!
刪除至於樂視 , 我淨係買左佢個盒仔 , 冇額外付費 , 不過 英超 會唔會斷播呢 ???