2016北海道雪駕遊 ~ 正式出發及拜年篇

Hello !

今日大年初一 , 同大家拜個年 , 首先恭喜發財 ...

再祝大家 : 猴年大吉 , 花開富貴 , 如意吉祥 , 萬事勝意 , 

生意興隆 , 龍馬精神 , 最緊要係身體健康及搵多D .  ^_^ !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

拜完年就講正經野 , 雖然今朝唔駛晨早出發 , 

不過尋晚依然一如以往地失眠 , 睇完車仔 vs 曼聯果場之後 , 

( 車仔輸一球之後買佢和波 , 發左些小新年財 , Yeah !! )

心情太過興奮 , 一直磨多兩粒鐘才可入睡 , 

今朝起身食過早餐 , 再重新對過行程 , 睇下有乜遺漏 , 

跟手去拜年 , 之後再返屋企執齊所有野出發 , 正式展開行程 .

12日之後再見 , 呢段時間如果情況許可 , 會更新網誌報料 .

呢個行程等左咁耐 , 一定要好好咁食盡玩盡買盡 .  XD

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

睇過日本天氣網頁 : http://www.tenki.jp/ 

(網頁由 t先生提供 , 之前都唔知有呢個網頁 , 特別嗚謝)

話呢幾日天氣都唔太差 , 應該冇乜問題掛 ? 只要萬事小心 , 

欣賞雪景都唔錯架 , 返到黎必定黎個詳細匯報 .

另外一事就係要小心D記憶咭 , 今次絕對不容有失 .

好 ~ 講住咁多先 , 攪掂就出去拜年 .

Bye Bye