Hello !
話咁快又一個星期 , 呢個星期解決左一樣重要既野 ,
就係辦妥今次 北海道+大阪 之旅既機票 . ^^
一般黎講去旅行既前期功夫 , 包括有 : Plan行程景點 ~
申領國際車牌(自駕遊既話) ~ 訂來回程機票 ~ 每晚入住既酒店 ~
同埋租邊一款車 ~ 最後就係因應行程所要帶既裝備 .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
最後果樣都幾重要架 , 就好似冬季北海道自駕遊 ,
太陽眼鏡可以話係必須要帶啦 , 其他好似行山拐杖 ~
冷帽手套頸巾 ~ 零食之類亦不可缺少 .
而今次呢篇網誌叫做 "完成一小步" , 意思即係話 , 除左訂機票之外 ,
其他全部都未郁過 , 好彩 ~ 有的是時間 , 依家先至係11月中 ,
距離真正出發日 , 仲有兩個月多DD , 咁幾時先至著緊D ?
等Pokemon Go玩到 Level 35先至停一停 . (依家去到Level 34.5)
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
講左咁耐都未講幾時出發 , 同上次一樣 , 又係大年初一正日出發 ,
返黎就係年十一 , 頭尾加埋十一日 , 不過頭尾果兩日都冇行程 ,
所以只係得九日行程 , 要好好咁善用 , 至於其他租車 ~ 酒店 ~
國際牌與及行程 , 有進一步消息再通知大家 .
不過講小小租車呢Part , (頭段北海道) 諗過幾款車想租 ,
包括想租多次 ELGRAND , 因為上次租過 , 覺得佢都唔錯 ,
車身寬敞之餘 , 仲夠晒高 , 上落車都比較方便 ,
如果外面大風 , 仲可以在車裡面食午餐添 . XD
睇下點啦 , 依家只係初步構思 , 仲未有定案 .
今次講住咁多先 .
Bye Bye !
買咗邊間機票?
回覆刪除今次幫襯 Peach . ^^
刪除小姐, 現在我至知最潮遊日本唔揸車而係踩單車 :D
刪除踩單車遊日本 , 呢樣都略有所聞 , 不過唔太適合我 , 所以都冇深究 .
刪除唔通你有興趣 ? 部車係自己帶過去定抑或係在當地租 ?
因為大台84最近有套兩個轆遊東瀛
刪除上網搜尋完 ... 係喎 ~ 原來有套紀錄片 , 唔怪得啦 , 伊豆to富士山 , 好靚既呢 . ^^
刪除http://www.bilibili.com/video/av6806443/
總共有四套,春夏秋冬,伊豆-春,北海道-夏,日光-秋,京都-冬.
刪除咦 ~ 四個季節都玩勻晒 , 唔錯喎 , 只不過冬季單車遊 , 唔怕凍殭咩 ? XD
刪除cycle around japan, 最回味係北海道同日光呢兩集, 睇完至知宗谷丘陵係一萬年前冰川型成
刪除https://ja.wikipedia.org/wiki/%E5%91%A8%E6%B0%B7%E6%B2%B3%E5%9C%B0%E5%BD%A2
t : 宗谷丘陵果頭係萬年冰川 , 上次去果陣都聽過下 . ^^
刪除無花無假, 呢位香港c兄就其中一位強人
刪除http://www.discuss.com.hk/viewthread.php?tid=25956926&extra=page%3D1
帶埋部摺車去 , 勁呀 . ^^
刪除仲未book酒店? 唔驚book唔到
回覆刪除都有D驚架 , 不過路線都未定 , 點Book酒店呀 ?
刪除唯有積極多二錢啦 .
生日快樂🎂🎉☺
回覆刪除多謝多謝 . ^_^ !!
刪除