2016/12/13

2017農曆年之旅 路線介紹篇




Hello !


上回講到介紹完兩程租乜車 , 今次輪到講解下條路線 .

首先第一日 : 搭夜機往 關西空港 , 入境後一直磨到聽朝 , 

跟住轉搭內陸機往 北海道 , 取車後一路向北 , 

(今次只係路線介紹 , 景點遲D再詳細講解)

酒店就係早前介紹過既 ホテル神居岩 .

第二日同以往一樣啦 , 沿住海邊北上 , 經過 稚內 , 

酒店早前亦介紹過 , 叫做  枝幸温泉 ホテル ニュー幸林 .

第三日就要南下 , 沿海行到冇得行就入返陸地 , 

酒店亦都介紹過 , 叫做 温根湯温泉 大江本家 .

跟住輪到第四日 , 今日主要行程係返回 札幌 還車 , 

本來諗住夜晚搭船落 舞鶴 , 不過最後告吹左 , 唯有在 札幌 搵酒店 .

搵到呢間平平地 , 叫做 京王プラザホテル札幌 .

(呢間酒店其實好耐之前住過 , 當時仲話永不錄用 , 

不過呢個世界冇永遠既敵人 , 就俾次機會佢啦)

黎到第五日行程 , 呢日既任務就係落 關西 , 食完早餐就要出機場 , 

搭內陸機往 關西空港 , 再在機場取車後 , 即向 能登半島 方向行 .


第六日 , 呢日又沿海邊行 , 中途見到一個叫做 三山五湖 既地方 , 

最後經過 千里濱 , 晚上酒店就係 : 休暇村 能登千里浜 .

第七日 , 呢日在 能登半島 , 玩得幾多得幾多 , 晚上酒店就係 :

八尾ゆめの森 ゆうゆう館 . (能登半島 好難搵酒店 , 唯有住外圍)

第八日 , 呢日返回較近 機場位置 , 又係中途有乜遊覽乜 .

晚上住 琵琶湖 既旅館 : かんぽの宿 彦根 .

第九日既任務就係返 難波 還車 , 夜晚住返上次住過既 : 

御堂筋ホテル . (貪佢夠熟路 , 唔駛慢慢搵 , 價錢亦都合理)

第十日 , 晨咁早就要出機場搭機返香港 , 酒店早餐都冇時間食 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

以上就係今次既行程大綱 , 景點細節位要遲下先 .

今晚講住咁多先 .  ^_^ !!

Bye Bye !



20 則留言:

  1. 想問你既目的地係能登千里浜,點解唔直接坐內陸機去富山或者金澤附近?

    回覆刪除
    回覆
    1. 係呀 ~ 關西果邊主打 能登千里浜 , 幫襯開果兩間 (Jetstar & Peach) 都冇機由札幌落果度 ,
      不過唔緊要啦 , 果程車咪當練習囉 , 反正都未去過 , 都幾新鮮架 . ^^

      刪除
    2. 嗰日朝早由札幌坐飛機到關西機場都應該冇咗半日,再拎車揸上去段路好長,冬天日短夜長會摸黑去酒店,加上嗰邊近日本海吹起風雪唔講得笑,我諗你要預算吓時間。

      刪除
    3. 搭機上去的確係要用半日時間 , 計過Google時間 , 大約要3小時左右 ,
      我諗去到剛剛天黑掛 ? 睇下點啦 , 依家時間尚早 , 唔妥都可以改既 .

      刪除
  2. 今天睇新聞話函館山纜車因為意外所以要暫停運作 未知幾時先開得番 ......

    同埋今年北海道特別大雪, 我呢個北海道新手之行 好多變數 唉~~

    12月 大家(加埋SHIRLEY)就黎又大一歲呢 哈哈

    回覆刪除
    回覆
    1. 咁大劑 ? 函館山係咪在你行程範圍內 ?
      特別大雪呢樣野 , 就算係熟手都驚有變數 , 最好唔好啦 . (有D擔心添)
      12月14日 , 一陣去你果度賀一賀佢 . ^^

      刪除
    2. 函館山是行程之中的, 如果沒有纜車到時只有的士上山 不過一場來到, 點都要殺上去, 飛的就飛的啦~~

      刪除
    3. 我諗佢有接駁巴士掛 ? 否則咁多旅客上山睇夜景 , D的士佬咪發過豬頭 ? haha ...

      刪除
    4. 12月18日已經 開番, 沒問題. BTW, 冬天 封路, 給果無纜車 就要行山. 無的士, 無巴士.

      刪除
    5. 小肥兄 : 好耐冇見 , ^_^ !! 冇纜車就要行路上 , 好辣下喎 . =_= !!
      多謝通知寶貴既資料 .

      刪除
    6. E, 行上函館山又不錯嘅挑戰

      刪除
    7. 夏天還可以 , 依家凍冰冰 , 呢個挑戰都唔簡單呀 . XD

      刪除
  3. 我上個月去完能登半島嗰邊,遊記啱啱開始,有興趣過嚟睇睇

    回覆刪除
    回覆
    1. 都好喎 , 今晚一於去睇睇 . 唔該晒 .

      刪除
  4. 師姐在關西得5日,仲要玩埋北陸果邊可以去到咁多地方?

    回覆刪除
    回覆
    1. 係啦 ~ 得果5日仲要去到咁遠 , 不過我好想去 能登半島 , 所以谷盡咁去囉 .

      刪除
    2. 金澤, 福井果D去唔去?如果去埋呢兩度真係唔夠時間

      刪除
    3. 金澤 & 福井 , 果度應該係過境性質 , 唔會久留 . ^^

      刪除

歡迎光臨 , 如果時間許可 , 請留番個言丫 ~