2016/12/05

真係俾佢一鑊蹺起




Hello !


呢篇長話短說 , 開場白都唔講喇 , 直接講主題啦 .

黎緊呢次既 北海道+大阪 之旅 ,  北海道 落 大阪 果一程 , 

諗住試下搭船落去 , 船公司都搵埋 , 叫做 : 新日本海フェリー

雖然搭船時間比內陸機長 , 由 小樽 去 舞鶴 , 要成20個小時 , 

不過未試過 , 諗住試一試佢 , 其實都留意左佢好耐架喇 , 

網頁話佢每日都有一班船南下 , 於是乎就大安旨意 , 

等攪掂晒所有野先至Book船 , 所謂所有野 , 即係每晚既酒店房 , 

兩邊既車 , 3程飛機 , 最後係路線 , 好喇 ~ 幾經艱辛之下 , 

終於攪掂晒 , 諗住上佢網度Book船位 , 點不知2017年起 , 

並唔係每日都有船南下 , 而係不定期咁開船 , 好唔好彩 ~ 

我度好上船果日正正係欠航 , 真係俾佢吹到啤啤聲 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

谷氣都冇辦法 , 要諗計解決佢 , 如果夾硬要果日搭船落去 , 

都唔係冇辦法 , 不過要去 苫小牧 上船 , (本來預算在 小樽 上船)

落船地點就係 敦賀 , (本來預算在 舞鶴 落船) 船程仲短左小小添 ,

呢個方案最後都被否決 , 因為 苫小牧 果頭 , 入夜好似鬼地方咁 , 

唔似得 小樽 果頭咁方便 .

(23:30 開船 , 18:00要還車 , 中途時間好難打發)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

最後決定都係搭內陸機落去 大阪 , 尋晚剛剛訂左機票 , 

都係幫襯 PEACH , 8190Yen 就OK .

雖然係咁 , 都有小小野要改 , 就係要在 小樽Book酒店 , 

(本來諗住在船上過夜) , 仲要改租車果度 , 

(本來諗住在 舞鶴 租車 , 依家要改為在 關西空港)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

今次兩程車都Book好 , 究竟係乜野車 ? 遲D話你知 .

Bye Bye !



8 則留言:

  1. 小姐, 你呢鑊想揸車由北海道坐船落關西?

    回覆刪除
    回覆
    1. oic, 還車坐艇落關西再租過

      刪除
    2. 起初諗住搭船落關西 , 度好晒先至欠航 , 本來(除左機票之外)全部取消晒 ,
      重新洗牌再度行程都可以 , 不過工程大過鉅大 , 所以都係移船就磡 ,
      改搭內陸機算數 . XD

      刪除
    3. 係呀 ~ 分開兩邊租車 . ^^

      刪除
  2. 嘩!要坐成20個鐘,我寧願坐內陸機-_-#

    回覆刪除
    回覆
    1. 哦 ~ 內陸機成日有機會搭 , 船就唔係咁多機會 , 諗住一試 .
      點知最後都係告吹 , 只怪自己太過輕率 . >_< !!

      刪除
  3. 你唔租 HiACE 都對唔住你班讀者, 另外最低限度都要加 Toyota86

    回覆刪除
    回覆
    1. Van王 HIACE ? 唔駛玩到咁大嘛 . haha ...
      至於Toyota86 我都想租呀 , 不過該段期間冇車 . =_= !!
      究竟租左乜野車 ? 下篇開估 . ^_^ !!

      刪除

歡迎光臨 , 如果時間許可 , 請留番個言丫 ~