2016/12/19

窩心的電郵




Hello !


呢篇網誌叫做 : 窩心的電郵 , 顧名思義 , 

即係收到封電郵 , 內容非常之窩心 .  ^_^ !!

封電郵唔係好多個字 , 主要內容大致係咁講 : 

我就黎出發往北海道自駕遊 , 心情異常緊張 , 

所以熟讀晒我既雪駕心得與及行程景點內容 , 又話多謝我既幫忙 , 

見到我去過好多次北海道 , 好多景點都係由我果度參考返黎 ...

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

首先要同呢位讀者講聲多謝 , 之後就係講太客氣咯 , 

皆因有你既支持 , 係我既榮幸 , 況且要睇晒我既旅遊網誌 , 

大大話話都幾佰篇 , 就算係我自己 , 都未必會逐篇重溫 , 

所以一定要封佢做VIP讀者 , 仲要俾夠十個Like . haha ...

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

其實寫旅遊網誌 , 最主要都係做個記錄 , 俾自己開心下 ,

等返到黎香港 , 起碼都有半年時間可以重溫當日既行程 .

估唔到有人會參考 , 所謂助人為快樂之本 , 幫得到手 , 自己都開心 .

之不過我既行程景點及路線 , 未必係咁大眾化 , 

所以只可以作部份參考 , 我都唔建議跟到足咁行法 .

就好似2011年雪駕遊果次 , 攞車後即刻由札幌踩上稚內 ,

果陣係第一次雪駕 , 即刻就踩轉咁辣既行程 , 其實都幾不智 .

跟住2012年果次知床通宵車 , 依家睇番都覺得幾癲下 .  XD

仲有2013年果次連人帶車過青森 , 亦係比較另類 , 

但係就好過癮 , 相信唔係咁多人會咁玩法 .

仲有 ~ 大部份時間我都係沿住海邊條路黎行 , 經過乜乜岬就睇乜乜岬 , 

鍾意既就冇所謂 , 唔鍾意既就會覺得怪怪地 . 

(就今次都唔例外 , 第二日在機場取車後 , 即往石狩方向行 , 目的地係留萌市)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

最後 ~ 感謝大家多年黎既支持 , 雖然未必有留言 , 

但係只要幫到大家手 , 我都好樂意將我既遊記同大家分享 , 

不過最好就留番個言啦 . haha ...

Bye Bye !

P.S. : 今次本來想搭船由北海道落關西 , 可惜檔期唔容許 , 可惜 .

有機會真係想試一試佢 . Yeah !!



10 則留言:

  1. 小姐, 冬季行石狩方向就特別神, 個人見解有乜暴雪, 石狩好多時都有份
    總之一條冷就萬事小心

    回覆刪除
  2. 收到 ~ 總之萬事小心啦 , 唔會太勉強既 .
    多謝通知 . ^^

    回覆刪除
  3. 哈哈 我都系你忠實讀者黎咖 現在搵料也有參考你的行程. (你第一次吾系自駕個次)

    你個生日PARTY 準備成點丫 我到時一定到 食件餅丫~

    回覆刪除
    回覆
    1. 由Yahoo識到依家 , 你直情係超級VIP啦 . haha ...
      多謝你既參考 , 果個行程應該係2009年 , 所謂十年人事幾番新 ,
      雖然唔夠十年 , 不過都叫做舊行程 , 依家既札幌應該唔同晒咯 .
      今次你會唔會參觀札幌雪祭呀 ?
      另外生日Party會在正日26日舉辦 , 歡迎光臨 , 實預埋你 . Yeah !!

      刪除
  4. 哈哈,講真,我見你雪駕都可以應付到,我就係再試多一次雪駕遊北海道,講真呀,如果要在落雪期間拉住兩個喼,周圍搭鐵路,我會覺得有d唔方便,所以都係選擇駕車,而我將在今個星期六出發去北海道了,今次主要參考你2011年既雪駕遊行程。不過在聖誕節期間去北海道機票都幾貴,我見你在大阪轉機,我下次都試試先~

    回覆刪除
  5. 你個blog嘅資料咁詳盡,北海道自駕遊的話真係不能不睇啊!
    聽日你牛一大日子,祝你生日快樂,繼續吃、喝、玩、樂,遊遍日本每一個角落!

    回覆刪除
    回覆
    1. 太誇獎了 , 詳盡過我既大有人在 . XD
      全靠大家支持 , 先至有心機寫落去 , 多謝咁多位讀者 .
      雖然正日係26號 , 不過聽日聖誕節 , 借勢攪個Party , 圍內人食番餐勁既 ,
      多謝晒你既祝福 , 希望今次旅程順順利利啦 . ^^

      刪除
  6. 祝小姐聖𧩙及生日快樂, 身體健康!

    回覆刪除
    回覆
    1. 多謝晒 ~ 聽晚生日會 , 記得早D到 . ^^

      刪除

歡迎光臨 , 如果時間許可 , 請留番個言丫 ~