Hello !
睇排忙於煲劇 , 冷落左呢度 , 今日有呢個主題 , 一於寫番篇 .
主題就係 日本一 , 一如上年 , 今次成功奪標者 ,
正正係呢幾年都中標既 喜代村集團社長 ~ 木村清 .
而今年既競投價一D都唔平 , 要成 7420萬日元 , 大約500萬港元 .
不過呢D噱頭野 , 當做宣傳 , 相信佢地都唔多志在 . ^_^ !!
講起 日本一 呢個主題 , 不外乎都係講 早幾年 Rickyさん
攪寸個Party , 炒到條魚變天價 , 不過近年唔知佢有冇參與競投 ,
好似好耐冇聽過佢個名 , 另外就有樣不得不提 , 就係當年去 大間 ,
幫襯果間 吞拿魚丼 舖頭 , 大拖羅沽清 , 之後再冇機會幫襯佢 ,
一直引以為憾 , 黎緊農曆年去 和歌山 果邊 , 唔知有冇呢味野呢 ?
搵料方面仍然在進行中 , 唔通真係要臨出門先至搵得齊 ? >_< !!
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
襯有時間講多小小 , 近排煲緊果套叫做 鬼怪 既韓劇 ,
暫時睇左5集 , 呢套劇提材都幾新穎 , 亦都幾凄美 ,
唔知邊位編劇既手筆呢 ? 總係覺得帶有些小 來自星星的你 既味道 .
(主角有超能力 & 大把錢 & 經常與女角吵架 及 女角有危難時出手相助 ... )
好話唔好聽 , 呢套電視劇 , 無論故事 ~ 選角 ~ 配樂 ~ 主題曲 ,
(唯獨係女角個樣差左DD)
香港既電視劇真係望塵莫及 , 果D 流氓皇帝 ~ 巾幗梟雄 ...
你睇埋我果份咯 , 就算係新劇 味想天開 , 都係興趣不大 ,
反而明珠台既美劇 , 幾近套套都有睇 , 好似 箭神 ~ 賈神探 ~
血變 (直情係正啦) , 黎緊新一季 閃電俠 ~ 女超人 ~ 魔鬼神探 ,
都係非睇不可 , 咁樣落去真係唔掂喎 ,
唔知幾時先至可以攪番起港劇呢 ?
Bye Bye !
哈哈,和歌山有最多你鍾意食既鯨魚肉^^
回覆刪除仲以為 和歌山 最多海豚肉添 ? 睇過網上短片 ,
刪除班友將D海豚圍埋一邊 , 正式係暗角打鑊呀 .
之後剩低既 , 應該係海豚刺身 ? =_= !!
P.S. : 講明先 ~ 鯨魚肉並唔係我鍾意既刺身 . haha ...
ricky san已家邊有錢投
回覆刪除點解呀 ? 發生過乜野事在佢身上 , 點解冇錢投 ? (願聞其詳)
刪除佢間版長好似收哂皮啦
刪除收哂皮 ? 係咪架 ? 不過都好耐冇幫襯過咯 , 俾 爭鮮 頂爛市 . haha ...
刪除月尾出發後, 你就可以食個夠了,
回覆刪除(我都好期望第一次既北海道之旅, 一定會去朝市食海鮮飯丫)
今次訂旅館 , 本來有餐河豚刺身做晚餐 , 不過早排有新聞話有人中毒 ,
刪除驚驚地之下唯有取消 , 小心駛得萬年船嘛 . XD
另外你諗住去 二條市場 還是 場外市場 呀 ? ^^
我PLAN 左函館同登別炸, 函館也會去朝市食海膽飯丫~
刪除札幌未PLAN 吾知2個市場邊個好D呢,
函館朝市 , 正丫 ~ Yeah !!
刪除另外我覺得 場外市場 比較Pro D .
今天網上見到北海道旭川附近有個地方叫 占冠 零下30度........
回覆刪除零下30度 , 簡直係北極既氣溫 , 帶乜衫去都死啦 . =_= !!
刪除