天鴿襲港

Hello !

隨住尋日既熱爆全城之後 , 今日黎到既就係十號風球 .

曾幾何時 ~ 我都經歷過希望掛8號風球而放假 , 正式係年少無知 . 

就以今朝黎講 , D風大到呢 , 在房裡聽到風陣陣烈風紛紛吹 ,

真係心都寒埋 , 跟住落樓下買早餐 , 直接感受勁風 , 

雖然沿途有瓦遮頭 , 不過橫風橫雨 , 要睇住D風黎行 , 

等佢間歇停風先快步行 , 總好個同D風硬拼 .  XD

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

返到屋企之後 , 百無了賴 , 都係睇新聞及風暴消息渡日 .

見到杏花邨同鯉魚門果頭 , D海水正式係大海無量 , 

感覺上同311海嘯差不多 (實際上當然差得遠啦)

一個大浪就將D海水打上黎 , 記者要札住馬黎報導 , 真係辛苦晒 .

辛苦晒既仲有消防員 , 澗住水黎救被困既鯉魚門居民 , 勁呀 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

唔好以為在家裡就絕對安全 , 土瓜灣有單吊船撞窗 , 

又係攞你命 , 隻吊船撞到D窗爆晒 , 維修費亦係無法估計 , 

不過最緊要都係人冇事 , 錢可以再搵過 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

風暴感嘆就講到呢度 , 第日再講其他話題 .

Bye Bye !